2025-26 അധ്യയനവര്ഷത്തെ വിവിധ കേന്ദ്രാവിഷ്കൃത സ്കോളര്ഷിപ്പ് പദ്ധതികള്ക്ക് അപേക്ഷിക്കുന്നതിനായി നാഷണല് സ്കോളര്ഷിപ്പ് പോര്ട്ടല് തുറന്നു. അപേക്ഷ സമര്പ്പിക്കുന്നതിനുള്ള അവസാന തീയതി 2025 ആഗസ്ത് 31 ആണ്. പ്രീമെട്രിക്ക് വിഭാഗം വിദ്യാര്ഥികള്ക്കായി താഴെപ്പറയുന്ന സ്കോളര്ഷിപ്പുകള്ക്കാണ് നാഷണല് സ്കോളര്ഷിപ്പ് പോര്ട്ടല് മുഖേന അപേക്ഷിക്കാവുന്നത്
- National Means Cum Merit Scholarship (NMMS)
- Financial Assistance For Education To The Wards Of Beedi/Cine/Iomc/Lsdm
- PM Yasasvi Central Sector Scheme Of Top Class Education In Schools For OBC, EBC And DNT Students
നാഷണല് സ്കോളര്ഷിപ്പ് പോര്ട്ടല് മുഖേന അപേക്ഷ സമര്പ്പിക്കുന്നതിന് 2024-25 അധ്യയന വര്ഷം മുതല് One Time Registration നിര്ബന്ധമാക്കിയിട്ടുണ്ട്. One Time Registration നടത്തുമ്പോള് ലഭിക്കുന്ന 14 അക്ക OTR നമ്പര് ഉപയോഗിച്ച് ആണ് ലോഗിന് ചെയ്യേണ്ടത്. അപേക്ഷ സമര്പ്പിക്കുന്നവര് ശ്രദ്ധിക്കേണ്ടവ
- മറ്റേതെങ്കിലും സെന്ട്രല് സെക്ടര് പ്രീമെട്രിക്ക് സ്കോളര്ഷിപ്പിന് അപേക്ഷിച്ചവര് നാഷണല് സ്കോളര്ഷിപ്പ് പോര്ട്ടല് പദ്ധതികള്ക്ക് അപേക്ഷിക്കരുത്
- ഒന്നിലധികം സ്കോളര്ഷിപ്പ് പദ്ധതികള്ക്ക് അപേക്ഷിക്കാന് അര്ഹതയുള്ള വിദ്യാര്ഥികള് മെച്ചപ്പെട്ട പദ്ധതി ഏതോ അതിലേക്ക് മാത്രമേ അപേക്ഷിക്കാവൂ. അതായത് ഒന്നിലധികം സ്കോളര്ഷിപ്പുകള്ക്ക് അപേക്ഷിക്കരുത്
- നാഷണല് സ്കോളര്ഷിപ്പ് പോര്ട്ടലില് One Time Registration നടത്തി വേണം സ്കോളര്ഷിപ്പിന് അപേക്ഷിക്കാന് . ഇപ്രകാരം One Time Registration നടത്തുമ്പോള് ലഭിക്കുന്ന OTR നമ്പര് മറക്കാതെ സൂക്ഷിച്ച് വെക്കണം . തുടര്ന്നുള്ള വര്ഷങ്ങളില് നാഷണല് സ്കോളര്ഷിപ്പ് പോര്ട്ടല് ലോഗിന് ചെയ്യുന്നതിന് ഇത് ആവശ്യമായി വരും
- ആഗസ്ത് 31 ആണ് ഓണ്ലൈന് അപേക്ഷ സമര്പ്പിക്കുന്നതിനുള്ള അവസാന തീയതി
- അപേക്ഷ സമര്പ്പിച്ച ശേഷം ലഭിക്കുന്ന പ്രിന്റൗട്ട് വിദ്യാര്ഥിയും രക്ഷകര്ത്താവും ഒപ്പിട്ട് വിദ്യാലയത്തിലെ നോഡല് ഓഫീസര്ക്ക് നല്കേണ്ടതാണ്
- അപേക്ഷകളില് തെറ്റുകള് ഉണ്ടെങ്കില് നോഡല് ഓഫീസര് ഡിഫെക്ട് ചെയ്യുന്ന അപേക്ഷകളില് നിശ്ചിത സമയത്തിനകം തിരുത്തലുകള് വരുത്തി പുനര് സമര്പ്പിക്കണം
- വിദ്യാര്ഥികള് ഓണ്ലൈനായി സമര്പ്പിച്ച അപേക്ഷകള് സെപ്തംബര് 15 നകം വിദ്യാലയങ്ങളില് നിന്നും വേരിഫിക്കേഷന് നടത്തേണ്ടതാണ്.
- One Time Registration നടത്തുന്നതിന് വിദ്യാര്ഥിയുടെയോ രക്ഷകര്ത്താവിന്റെയോ മൊബൈല് നമ്പര് മാത്രമേ ഉപയോഗിക്കാവു. ഭാവിയില് സ്കോളര്ഷിപ്പിന് അപേക്ഷിക്കുന്ന അവസരത്തില് OTP ഈ മൊബൈല് നമ്പറിലേക്ക് ആവും വരിക എന്നതിനാല് മറ്റാരുടെയെങ്കിലും മൊബൈല് നമ്പര് ഉപയോഗിച്ചാല് ഭാവിയില് പ്രയാസം നേരിടും
- One Time Registration പൂര്ത്തിയാക്കിയാല് രജിസ്റ്റര് ചെയ്ത മൊബൈലിലേക്ക് ഒരു റഫറന്സ് നമ്പര് ലഭ്യമാകും
- OTR റഫറന്സ് നമ്പര് ഉപയോഗിച്ച് ഫേസ് ഓതന്റിഫിക്കേഷന് നടത്തേണ്ടതുണ്ട് . ഇതിനായി ആന്ഡ്രോയ്ഡ് മൊബൈലില് NSP OTR ആപ്പും Aadhaar Face RD-യും ഇന്സ്റ്റാള് ചെയ്താല് മതി.
- ഫേസ് ഓതന്റിഫിക്കേഷന് പൂര്ത്തിയാക്കിയാല് മാത്രമേ OTR നമ്പര് ലഭ്യമാകൂ
- OTR നമ്പര് ലഭിച്ചാല് സ്കോളര്ഷിപ്പ് അപേക്ഷ സമര്പ്പിക്കാവുന്നതാണ്.
- ഒരു വിദ്യാര്ഥിക്ക് ഒരു OTR നമ്പര് മാത്രമേ അനുവദിക്കൂ. രക്ഷിതാവിന് പരമാവധി രണ്ടും . ഏതെങ്കിലും വിദ്യാര്ഥിക്ക് ഒന്നിലധികം OTR നമ്പര് ഉണ്ടെന്ന് കണ്ടെത്തിയാല് സ്കോളര്ഷിപ്പില് നിന്നും ഡീബാര് ചെയ്യും
ചുവടെ നല്കിയിരിക്കുന്ന നിര്ദ്ദേശങ്ങള് അനുസരിച്ച് സ്കോളര്ഷിപ്പ് പോര്ട്ടലിലെ നടപടി ക്രമങ്ങള് പൂര്ത്തിയാക്കുക. സ്കോളര്ഷിപ്പിന് അപേക്ഷ സമര്പ്പിക്കുന്നതുമായി ബന്ധപ്പെട്ട വിശദമായ സര്ക്കുലറുകള് ലഭ്യമാകുന്ന മുറക്ക് പ്രസിദ്ധീകരിക്കുന്നതാണ്
- Click Here for National Scholarship Portal Circular 2025-26
- Click Here for One Time Registration Instructions Circular dated 05.07.02024
- Click Here to Apply for One Time Registration
- Click Here to Login with OTR Number
- Click Here to Change Mobile Number used for One Time Registration
- Click Here to Apply for Scholarship
- Click Here for Forget OTR