FLASH NEWS

ഈ അധ്യയന വര്‍ഷത്തെ ഓണപ്പരീക്ഷ ഓണാവധിക്ക് ശേഷം സെപ്തംബര്‍ 9 മുതല്‍ നടത്താന്‍ തീരുമാനം. ശ്രീ T.K സുധീര്‍കുമാര്‍ തയ്യാറാക്കിയ പുതുക്കിയ Noon Feeding Planner വലത് വശത്തെ ബോക്സില്‍. ഒറ്റപ്പാലം വിദ്യാഭ്യാസജില്ലയിലെ ഏകദിന പ്രധാനാധ്യാപകയോഗം ജൂലൈ ആറിന് രാവിലെ 10 മുതല്‍ 4 വരെ ഒറ്റപ്പാലം LSNTTI-ലും പാലക്കാട് ജില്ലയിലെ സബ്‌ജില്ലാ സ്പോര്‍ട്സ് കൗണ്‍സില്‍ െക്രട്ടറിമാരുടെ യോഗം ആറിന് IT@school DRCയില്‍. 2015 വര്‍ഷത്തിലുണ്ടാകുന്ന HM/AEO/TTI പ്രധാനാധ്യാപകര്‍ എന്നീ തസ്തികകളിലേക്കുള്ള പ്രമോഷന്‍ നല്‍കുന്നതിനായി 31.12.2014 വരെയുള്ള കോണ്‍ഫിഡന്‍ഷ്യല്‍ റിപ്പോര്‍ട്ടുകള്‍ സ്വയം വിലയിരുത്തല്‍ റിപ്പോര്‍ട്ട് സഹിതം ജൂലൈ 8-നകം DPI-ക്ക് സമര്‍പ്പിക്കുന്നതിന് നിര്‍ദ്ദേശം.1500 മുതല്‍ 2000 നമ്പര്‍ വരെയുള്ളവരും മൂന്ന് വര്‍ഷത്തെ CR നല്‍കേണ്ടതാണ്. സര്‍ക്കുലര്‍ ഡൗണ്‍ലോഡ്‌സില്‍.SSLC പരീക്ഷക്കാവശ്യമായ ഉത്തരക്കടലാസുകളുടെയും സി വി കവറുകളുടെയും വിശദാംശങ്ങള്‍ ജൂലൈ 25-നകം ഓണ്‍ലൈനായി അപ്‌ലോഡ് ചെയ്യണം. പരീക്ഷാ ഫലങ്ങള്‍ RESULTS എന്ന പേജില്‍ ലഭ്യമാണ്.പാലക്കാട് ജില്ലയിലെ 31 മാര്‍ച്ച് 2016നകം പ്രൊബേഷന്‍ പൂര്‍ത്തിയാക്കുന്നവരും ഇതു വരെ ഐ ടി പരിശീലനം ലഭിക്കാത്തവരുമായ അധ്യാപകര്‍ക്കുള്ള പരിശീലനം ഇന്ന് മുതല്‍ ഒറ്റപ്പാലം ETC-യിലും July 6 മുതല്‍ പാലക്കാട് IT School DRC-യിലും നടക്കുന്നു. പങ്കെടുക്കേണ്ടവരുടെ ലിസ്റ്റ് സ്കൂള്‍ മെയിലില്‍
OEC LUM-SUM GRANT
MINORITY PRE-METRIC SCHOLARSHIP 2015-16
SSLC പരീക്ഷക്കാവശ്യമായ ഉത്തരക്കടലാസുകളുടെയും CV കവറുകളുടെയും എണ്ണം കണക്കാക്കി ഓണ്‍ലൈനായി ജൂലൈ 25-നകം അപേക്ഷിക്കണം.
GPF CREDIT CARD For the Year 2014-15
UBUNTU 14.04
വിദ്യാരംഗം കലാസാഹിത്യവേദി
തദ്ദേശഭരണ തിരഞ്ഞെടുപ്പിനുള്ള വോട്ടര്‍ പട്ടികയില്‍ പേരുണ്ടോ?
Physical & Health Education -Activity Book
ANTICIPATORY INCOME TAX GENERATOR 2015-16(Prepared by Sri.Sudheer Kumar T.K)
LINK to UPDATE SITC FORUM DIRECTORY Form





TAX CALCULATORS

ഓര്‍മ്മിക്കാന്‍

  • To Get SITC Forum updates via Whatsapp Add 9447939995 to your mobile & introduce
  • ഒറ്റപ്പാലം വിദ്യാഭ്യാസജില്ലയിലെ IEDC(Fresh&Renewal) ലിസ്റ്റ് Excel Format-ല്‍ തയ്യാറാക്കി ജൂലൈ 10നകം സമര്‍പ്പിക്കുന്നതിന് DEOയുടെ നിര്‍ദ്ദേശം
  • വിദ്യാഭ്യാസ വാര്‍ഷിക പദ്ധതികളുടെ ആസൂത്രണം ജൂലൈ10ന് രാവിലെ 10 മുതല്‍ 4 വരെ ജില്ലാ പഞ്ചായത്ത് ഹാളില്‍. എല്ലാ പ്രധാനാധ്യാപകരും പങ്കെടുക്കണമെന്ന് DEO-യുടെ നിര്‍ദ്ദേശം
  • പാലക്കാട് ജില്ലയിലെ 31 മാര്‍ച്ച് 2016നകം പ്രൊബേഷന്‍ പൂര്‍ത്തിയാക്കുന്നവരും ഇതു വരെ ഐ ടി പരിശീലനം ലഭിക്കാത്തവരുമായ അധ്യാപകര്‍ക്കുള്ള പരിശീലനം 29/6 മുതല്‍ ഒറ്റപ്പാലം ETC-യിലും July 6 മുതല്‍ പാലക്കാട് IT School DRC-യിലും നടക്കുന്നു. പങ്കെടുക്കേണ്ടവരുടെ ലിസ്റ്റ് സ്കൂള്‍ മെയിലില്‍.
  • 2015 വര്‍ഷത്തിലുണ്ടാകുന്ന HM/AEO/TTI പ്രധാനാധ്യാപകര്‍ എന്നീ തസ്തികകളിലേക്കുള്ള പ്രമോഷന്‍ നല്‍കുന്നതിനായി 31.12.2014 വരെയുള്ള കോണ്‍ഫിഡന്‍ഷ്യല്‍ റിപ്പോര്‍ട്ടുകള്‍ സ്വയം വിലയിരുത്തല്‍ റിപ്പോര്‍ട്ട് സഹിതം ജൂലൈ 8-നകം DPI-ക്ക് സമര്‍പ്പിക്കുന്നതിന് നിര്‍ദ്ദേശം.1500 മുതല്‍ 2000 നമ്പര്‍ വരെയുള്ളവരും മൂന്ന് വര്‍ഷത്തെ CR നല്‍കേണ്ടതാണ്. സര്‍ക്കുലര്‍
  • ഗവ. വിദ്യാലയങ്ങളിലെ SC വിഭാഗത്തില്‍ പെട്ട ജീവനക്കാരുടെ വിശദാംശങ്ങള്‍ നിശ്ചിത മാതൃകയില്‍ അടിയന്തരമായി തയ്യാറാക്കി സമര്‍പ്പിക്കുന്നതിന് ഒറ്റപ്പാലം,മണ്ണാര്‍ക്കാട് DEO-മാരുടെ നിര്‍ദ്ദേശം
  • 1.1.2007 മുതല്‍ 31.12.2011 വരെയുള്ള കാലയളവില്‍ നിയമിതരായ HSAമാരുടെ സീനിയോറിറ്റി ലിസ്റ്റ് തയ്യാറാക്കുന്നു. സര്‍വീസ് കാര്‍ഡ് ജൂണ്‍ 30-നകം ഡി പി ഐക്ക് നല്‍കണം സര്‍ക്കുലര്‍ & സര്‍വീസ് കാര്‍ഡ്
  • വിദ്യാഭ്യാസ കലണ്ടര്‍ 2015-16
  • SCHEME OF WORK 2015-16
  • Correction in School Admission Register(Date Of Birth etc):-Circular : Application&Instruction : Procedigs
  • 2015 വര്‍ഷത്തെ പൊതു അവധിദിവസങ്ങളുടെ ലിസ്റ്റ്
  • Friday, July 03, 2015

    SETICALC- ക്ലാസ് 10 ഗണിതസഹായി

        പത്താം ക്ലാസ് പാഠപുസ്തകത്തിലെ ഒന്നാമത്തെ അധ്യായമായ സമാന്തരശ്രേണികള്‍ക്ക് ഒരു പുതുമയാര്‍ന്ന പരീക്ഷാസാമഗ്രി കൂടി അവതരിപ്പിക്കുന്നു ശ്രീ പ്രമോദ് മൂര്‍ത്തി സാറിന്റെ നേതൃത്വത്തിലുള്ള കുണ്ടൂര്‍ക്കുന്ന് സ്കൂളിലെ ഐ ടി ക്ലബ്. വളരെ ലളിതമായി കുട്ടികള്‍ക്ക് പരിശീലനത്തിന് സഹായിക്കുന്ന ഒരു Evaluation Tool ഓപ്പണ്‍ ഓഫീസ് സ്പ്രെഡ്ഷീറ്റിന്റെ സഹായത്തോടെ തയ്യാറാക്കിയതാണ് ഇവിടെ അവതരിപ്പിക്കുന്നത്. ചുവടെ തന്നിരിക്കുന്ന ഫയല്‍ ഡൗണ്‍ലോഡ് ചെയ്ത് കമ്പ്യൂട്ടറില്‍ സേവ് ചെയ്യുക.പ്രവര്‍ത്തിപ്പിക്കുക. Self Evaluation Tool In CALC എന്ന് അദ്ദേഹം പേര് നല്‍കിയിരിക്കുന്ന ഈ Evaluation Tool ഏവര്‍ക്കും ഇഷ്ടപ്പെടുമെന്നുറപ്പാണ്. പരീക്ഷിച്ച് പ്രതികരണം അറിയിക്കുമല്ലോ. പുതുമയാര്‍ന്ന പ്രവര്‍ത്തനങ്ങള്‍ കണ്ടെത്തുകയും അത് എസ് ഐ ടി സി ഫോറത്തിനായി ഷെയര്‍ ചെയ്യുകയും ചെയ്യുന്ന പ്രമോദ് സാറിന് ഫോറതത്തിന്റെ നന്ദി.
    Click Here to Download SETICALC

    Thursday, July 02, 2015

    ക്യൂ.ഐ.പി കമ്മിറ്റി പുനഃസംഘടിപ്പിച്ചു

                   ക്വാളിറ്റി ഇംപ്രൂവ്‌മെന്റ് പ്രോഗ്രാം (ക്യൂ.ഐ.പി) കമ്മിറ്റി പുനഃസംഘടിപ്പിച്ച് പൊതുവിദ്യാഭ്യാസവകുപ്പ് ഉത്തരവായി. പൊതുവിദ്യാഭ്യാസ ഡയറക്ടര്‍ ചെയര്‍മാനായുള്ള കമ്മിറ്റിയില്‍ പി.ഹരിഗോവിന്ദന്‍ (KPSTU), എ. കെ. സൈനുദ്ദീന്‍ (KSTU), കെ.എന്‍. സുകുമാരന്‍ (KSTA), ശരത്ചന്ദ്രന്‍ നായര്‍(AKSTU), സി.അബ്ദുള്‍ അസീസ്(KATF), എ.വി. ഇന്ദുലാല്‍ (KATA), റോയ്മാത്യു (KPSHA), ജയിംസ് കുര്യന്‍ (KSTF), RMSA സംസ്ഥാന പ്രോജക്ട് ഡയറക്ടര്‍, SSA സംസ്ഥാന പ്രോജക്ട് ഡയറക്ടര്‍, സീമാറ്റ് ഡയറക്ടര്‍, എസ്.സി. ഇ.ആര്‍.റ്റി ഡയറക്ടര്‍, IT@school എക്‌സിക്യൂട്ടീവ് ഡയറക്ടര്‍ എന്നിവര്‍ അംഗങ്ങളായിരിക്കുമെന്ന് വിദ്യാഭ്യാസ മന്ത്രിയുടെ ഓഫീസ് അറിയിച്ചു. 
                           പൊതുവിദ്യാഭ്യാസ ഡയറക്ടറുടെ ഓഫീസില്‍ ഉറുദു സ്‌പെഷ്യല്‍ ഓഫീസര്‍ തസ്തിക അനുവദിച്ചു. വിദ്യാഭ്യാസവകുപ്പിന്റെ ഇതു സംബന്ധിച്ച നിര്‍ദ്ദേശത്തിന് മന്ത്രിസഭായോഗം അംഗീകാരം നല്‍കിയതായും വിദ്യാഭ്യാസമന്ത്രിയുടെ ഓഫീസ് അറിയിച്ചു.

    തുല്യതാപരീക്ഷ എസ്.എസ്.എല്‍.സിക്ക് തുല്യം

    PSC മുഖേനയുള്ള നിയമനങ്ങള്‍, തസ്തികമാറ്റം മുഖേനയുള്ള നിയമനങ്ങള്‍, സ്ഥാനക്കയറ്റം തുടങ്ങിയവക്ക് കേരള സംസ്ഥാന സാക്ഷരതാ മിഷന്‍ നടത്തുന്ന പത്താംതരം തുല്യതാ പരീക്ഷ എസ്.എസ്.എല്‍.സി. യ്ക്ക് തത്തുല്യമായി അംഗീകരിച്ച് ഉത്തരവായി.

    Tuesday, June 30, 2015

    ന്യൂനപക്ഷ വിഭാഗം പ്രീമെട്രിക് സ്‌കോളര്‍ഷിപ്പ്

    ന്യൂനപക്ഷ വിഭാഗം പ്രീ-മെട്രിക് സ്‌കോളര്‍ഷിപ്പിന് അപേക്ഷിക്കാന്‍ എല്ലാ വിദ്യാര്‍ത്ഥികള്‍ക്കും സ്വന്തം പേരിലുള്ള ബാങ്ക് അക്കൗണ്ട് നമ്പര്‍, ഐ.എഫ്.എസ്. കോഡ് (ദേശസാല്‍കൃത/ഷെഡ്യൂള്‍ഡ് ബാങ്കുകളുടെ) എന്നിവ എടുക്കണം. ആധാര്‍ നമ്പര്‍ ഉള്ളവര്‍, ആയത് ബാങ്ക് അക്കൗണ്ട് നമ്പരുമായി സീഡ് ചെയ്യണമെന്നും അല്ലാത്തവര്‍ എത്രയും പെട്ടെന്ന് ആധാര്‍ നമ്പര്‍ എടുക്കേണ്ടതാണെന്നും അറിയിച്ചു. 
    1. Directions & Circulars 
    2. Application Form

    ഒ.ഇ.സി. ലംപ്‌സംഗ്രാന്റ് വിതരണം ഓണ്‍ലൈനാവുന്നു

    ഒ.ഇ.സി. വിഭാഗം വിദ്യാര്‍ത്ഥികളുടെ പ്രീമെട്രിക് വിദ്യാഭ്യാസ ആനുകൂല്യം 2015-16 മുതല്‍ ഓണ്‍ലൈനായി നല്‍കുന്നതിന് സര്‍ക്കാര്‍ ഉത്തരവായി. ഇതിന്റെ അടിസ്ഥാനത്തില്‍ അര്‍ഹരായവരുടെ പട്ടിക ഡാറ്റാ എന്‍ട്രി നടത്തുന്നതിനുള്ള വിജ്ഞാപനം പിന്നാക്ക സമുദായ വികസന വകുപ്പ് ഡയറക്ടര്‍ പുറപ്പെടുവിച്ചിട്ടുണ്ട്. ജൂലൈ നാല് മുതല്‍ 30 വരെ ഐ.റ്റി@സ്‌കൂളിന്റെ സ്‌കോളര്‍ഷിപ്പ് പോര്‍ട്ടലിലൂടെ ഡാറ്റാ എന്‍ട്രി നടത്താം. കൂടുതല്‍ വിവരങ്ങള്‍ക്ക് www.scholarship.itschool.gov.in, www.bcdd.kerala.gov.in എന്നീ വെബ്‌സൈറ്റുകള്‍ സന്ദര്‍ശിക്കാം. 
    OEC Lump sum Grant-മായി ബന്ധപ്പെട്ട സര്‍ക്കുലറുകള്‍
    1. G.O(Rt)No.51/15/BCDD  dtd 29.06.2015
    2. Circular No.BCDD/A3/974/2015   dtd 29.06.2015
    3. Letter DPI
    4. Letter to DDE,DEO,AEO

    Sunday, June 28, 2015

    CV കവറുകള്‍ക്കും Answer Sheet-കള്‍ക്കും അപേക്ഷിക്കാം

    2016 മാര്‍ച്ചില്‍ നടക്കുന്ന എസ് എസ് എല്‍ സി പരീക്ഷക്കും പരീക്ഷാ ഭവന്‍ നടത്തുന്ന മറ്റ് പരീക്ഷകള്‍ക്കും ആവശ്യമായ എണ്ണം CV Cover, Main Sheet, Additional Sheet എന്നിവക്കുള്ള അപേക്ഷകള്‍ ഓണ്‍ലൈനായി പരീക്ഷാഭവന്‍ ലിങ്കില്‍ നല്‍കണം. ഇതിനുള്ള ലിങ്ക് ഇപ്പോള്‍ ലഭ്യമാണ്. എണ്ണം കണക്കാക്കുന്നത് താഴെപ്പറയുന്ന രീതിയിലാണ്. പരീക്ഷാഭവന്‍ സര്‍ക്കുലറില്‍ എണ്ണം കണക്കാക്കുന്നതില്‍ നിര്‍ദ്ദേശിച്ചതില്‍ വന്ന തിരുത്ത് ശ്രദ്ധിക്കണം.
    1. ആവശ്യമായ Main Sheets =SSLC പരീക്ഷ എഴുതുന്ന കുട്ടികളുടെ എണ്ണം x 9
    2. ആവശ്യമായ Additional Sheets=SSLC പരീക്ഷ എഴുതുന്ന കുട്ടികളുടെ എണ്ണം x9x7
    3. ആവശ്യമായ C V Cover =SSLC പരീക്ഷ എഴുതുന്ന കുട്ടികളുടെ എണ്ണം x 9/12
    ഇങ്ങനെ ലഭിക്കുന്ന എണ്ണത്തില്‍ മിന്നും മുന്‍ വര്‍ഷത്തെ സ്റ്റോക്കില്‍ ബാക്കിയുള്ളത് കുറച്ചതിന് ശേഷമുള്ളവയുടെ എണ്ണം നല്‍കാനാണ് നിര്‍ദ്ദേശിച്ചിരിക്കുന്നത്. (PCN/PCO വിഭാഗക്കാരെ ഏത് കണക്കില്‍ ഉള്‍പ്പെടുത്തുമെന്ന് വിശദീകരിച്ചിട്ടില്ല എന്ന അപാകതയും ഇതിലുണ്ട്.) ഓണ്‍ലൈനായി അപേക്ഷിക്കുന്നതിനുള്ള അവസാനദിവസം ജൂലൈ 25. Confirm ചെയ്ത് കഴിഞ്ഞാല്‍ മാറ്റങ്ങള്‍ വരുത്താന്‍ കഴിയില്ല എന്നതിനാല്‍ എണ്ണം ശരിയാണ എന്നുറപ്പാക്കിയതിന് ശേഷം മാത്രം കണ്‍ഫേം ചെയ്യുക. ഇതിന് ശേഷം ലഭിക്കുന്ന പ്രിന്റൗട്ടിന്റെ കോപ്പി HM-ന്റെ ഒപ്പും സീലും സഹിതം സൂപ്രണ്ട്, Fസെക്ഷന്‍, പരീക്ഷാഭവന്‍, പൂജപ്പുര , തിരുവനന്തപുരം-12 എന്ന വിലാസത്തില്‍ അയക്കണം

    ഇതുമായി ബന്ധപ്പെട്ട് പരീക്ഷാ ഭവന്റെ സര്‍ക്കുലര്‍ ഇവിടെ (സര്‍ക്കുലറില്‍ വരുത്തിയ തിരുത്ത് അവസാനപേജില്‍)
    ഓണ്‍ലൈനായി അപേക്ഷിക്കുന്നതിനുള്ള ലിങ്ക് ഇവിടെ
    (സ്കൂള്‍ കോഡ് തന്നെ ആദ്യതവണ പാസ്‌വേര്‍ഡ്) 

    Saturday, June 27, 2015

    പ്ലസ്‌വണ്‍ പ്രവേശനം- രണ്ടാമത്തെ അലോട്ട്‌മെന്റ് റിസള്‍ട്ട് നാളെ(ജൂണ്‍ 28-ന്)

    ഏകജാലക രീതിയിലുള്ള പ്ലസ്‌വണ്‍ പ്രവേശനത്തിന്റെ മുഖ്യഅലോട്ട്‌മെന്റ് പ്രക്രിയയിലെ രണ്ടാമത്തെയും അവസാനത്തേതുമായ അലോട്ട്‌മെന്റ് റിസള്‍ട്ട് നാളെ(ജൂണ്‍ 28) പ്രസിദ്ധീകരിക്കും. വിശദാംശങ്ങള്‍www.hscap.kerala.gov.in എന്ന വെബ്‌സൈറ്റില്‍ ലഭ്യമാണ്. രണ്ടാമത്തെ ലിസ്റ്റ് പ്രകാരമുള്ള പ്രവേശനം ജൂണ്‍ 29, 30, ജൂലൈ ഒന്ന് തീയതികളില്‍ നടക്കും. താല്ക്കാലിക പ്രവേശനത്തില്‍ തുടരുന്ന വിദ്യാര്‍ത്ഥികള്‍ക്ക് ഹയര്‍ ഓപ്ഷന്‍ നിലനിര്‍ത്താന്‍ ഇനി അവസരം ഉണ്ടായിരിക്കില്ല. അലോട്ട്‌മെന്റ് ലഭിച്ച എല്ലാ വിദ്യാര്‍ത്ഥികളും അതാത് സ്‌കൂളുകളില്‍ ഫീസടച്ച് സ്ഥിരപ്രവേശനം നേടണം. അലോട്ട്‌മെന്റ് ലഭിച്ചവര്‍ അലോട്ട് ചെയ്ത സ്‌കൂളില്‍ ജൂലൈ ഒന്നിന് വൈകിട്ട് നാല് മണിക്ക് മുമ്പ് സ്ഥിരപ്രവേശനം നേടണം. ജൂലൈ എട്ടിന് പ്ലസ് വണ്‍ ക്ലാസുകള്‍ ആരംഭിക്കും. ഈ അലോട്ട്‌മെന്റോടുകൂടി പ്രവേശനത്തിന്റെ ആദ്യഘട്ടം പൂര്‍ത്തിയാവുകയാണ്. എസ്.എസ്.എല്‍.സി സേ പാസ്സായവര്‍ക്കും, സി.ബി.എസ്.സിയുടെ സ്‌കൂള്‍തല പരീക്ഷയില്‍ യോഗ്യത നേടിയവര്‍ക്കും, നേരത്തെ അപേക്ഷ നല്‍കാന്‍ കഴിയാതിരുന്ന മറ്റ് എല്ലാ വിദ്യാര്‍ത്ഥികള്‍ക്കും വേണ്ടിയുളള സപ്ലിമെന്ററി അലോട്ട്‌മെന്റിന് അപേക്ഷ സ്വീകരിക്കുന്ന തീയതി പിന്നാലെ അറിയിക്കുന്നതാണ്. അപേക്ഷിച്ചിട്ടും ഇതുവരെ അലോട്ട്‌മെന്റൊന്നും ലഭിച്ചിട്ടില്ലാത്തവര്‍ക്ക് നിലവിലുള്ള അപേക്ഷ പുതുക്കി പുതിയ ഓപ്ഷനുകള്‍ കൂട്ടിച്ചേര്‍ത്ത് സപ്ലിമെന്ററി അലോട്ട്‌മെന്റിന് അപേക്ഷ നല്‍കാവുന്നതാണ്.

    എസ് എസ് എല്‍ സി സര്‍ട്ടിഫിക്കേറ്റ് അപാകതകള്‍

    ഒറ്റപ്പാലം വിദ്യാഭ്യാസജില്ലയിലെ ഉള്ള SSLC സര്‍ട്ടിഫിക്കറ്റുകള്‍ വിതരണം നടത്തി അപാകതകള്‍ 23-നകം അറിയിക്കുന്നതിന് നേരത്തെനിര്‍ദ്ദേശം നല്‍കിയിരുന്നു. പ്രസ്തുത തീയതി 29 വരെ ദീര്‍ഘിപ്പിച്ചതായി DEO അറിയിക്കുന്നു. താഴെപ്പറയുന്ന അപാകതകള്‍ ഉള്ളവയാണ് അറിയിക്കേണ്ടത്.
    • സര്‍ട്ടിഫിക്കറ്റില്‍ ഫോട്ടോ ഇല്ലാതിരിക്കുക
    • സീല്‍ പതിയാതിരിക്കുക
    • എ ലിസ്റ്റില്‍ നല്‍കിയ വിവരങ്ങള്‍ തെറ്റായി രേഖപ്പെടുത്തി വരിക
    • പരീക്ഷാ കമ്മീഷണറുടെ ഒപ്പ് പതിയാതിരിക്കുക
    • ഗ്രേഡ് മാറി വരിക
    2015 മാര്‍ച്ചിലെ എസ് എസ് എല്‍ സി പരീക്ഷ വിജയിച്ചിട്ടും സര്‍ട്ടിഫിക്കേറ്റ് ലഭിക്കാത്ത വിദ്യാര്‍ഥികളുടെ വിവരം പ്രത്യേകം അറിയിക്കേണ്ടതാണെന്നും DEOയുടെ നിര്‍ദ്ദേശം

    Friday, June 26, 2015

    സ്‌കൂള്‍തല വായനാമല്‍സരം ജൂലൈ രണ്ടിന്

         കേരള സ്റ്റേറ്റ് ലൈബ്രറി കൗണ്‍സില്‍ ഹൈസ്‌കൂള്‍ വിദ്യാര്‍ത്ഥികള്‍ക്കായി സംഘടിപ്പിക്കുന്ന അഖില കേരള വായനമല്‍സരത്തിന്റെ സ്‌കൂള്‍തല മല്‍സരം ജൂലൈ രണ്ടിന് നടക്കും. സ്‌കൂള്‍തലം മുതല്‍ സംസ്ഥാനതലം വരെ നാല് ഘട്ടമായാണ് മല്‍സരം. സ്‌കൂള്‍തലത്തില്‍ മുഴുവന്‍ വിദ്യാര്‍ത്ഥികളെയും പങ്കെടുപ്പിച്ച് എഴുത്തുപരീക്ഷ നടക്കും. സ്‌കൂള്‍ തലത്തില്‍ 10 ചോദ്യങ്ങള്‍ നിര്‍ദ്ദേശിച്ചുള്ള പുസ്തകങ്ങളില്‍ നിന്നും ശേഷിക്കുന്ന 40 ചോദ്യങ്ങള്‍ പൊതുവിജ്ഞാനവുമായിരിക്കും. സ്‌കൂള്‍തലത്തിലുള്ള മല്‍സരങ്ങള്‍ സ്‌കൂള്‍ അധികൃതരാണ് സംഘടിപ്പിക്കുന്നത്. ഇതില്‍ വിജയിക്കുന്ന ആദ്യത്തെ മൂന്നുസ്ഥാനക്കാര്‍ക്ക് താലൂക്ക്തല മത്സരത്തില്‍ പങ്കെടുക്കാം. താലക്ക്തലത്തിലെ ആദ്യ 10 സ്ഥാനക്കാര്‍ക്ക് ജില്ലാതല മല്‍സരത്തില്‍ പങ്കെടുക്കാം. ജില്ലാതല മല്‍സരത്തിലെ ഒന്നാംസ്ഥാനക്കാര്‍ക്ക് സംസ്ഥാനതല മല്‍സരത്തില്‍ പങ്കെടുക്കാം. താലൂക്ക്തലത്തിലും ജില്ലാതലത്തിലും എഴുത്തുപരീക്ഷയായിരിക്കും. സംസ്ഥാനതലത്തില്‍ ക്വിസ് മല്‍സരവും എഴുത്തുപരീക്ഷയും ഓറല്‍ പരീക്ഷയും ഉണ്ടാവും. താലൂക്ക്തലം - 2015 ആഗസ്റ്റ് രണ്ടിനും ജില്ലാതലം- 2015 സെപ്തംബര്‍ 27-നും സംസ്ഥാനതലം 2015 നവംബര്‍ 14, 15 തീയതികളും നടക്കും. താലൂക്ക്തലത്തില്‍ ഒന്നും രണ്ടും മൂന്നും സ്ഥാനക്കാര്‍ക്ക് യഥാക്രമം 1,500, 1,000, 750 രൂപ ക്യാഷ് അവാര്‍ഡും ആദ്യത്തെ 10 സ്ഥാനക്കാര്‍ക്ക് സര്‍ട്ടിഫിക്കറ്റും ഉണ്ടായിരിക്കും. ജില്ലാതലത്തില്‍ ഒന്നാം സ്ഥാനക്കാര്‍ക്ക് 3,000 രൂപയുടെ ക്യാഷ് അവാര്‍ഡും ശില്പവും പ്രശസ്തി പത്രവും രണ്ടും മൂന്നും സ്ഥാനക്കാര്‍ക്ക് യഥാക്രമം 2,000, 1,000 രൂപ എന്നിങ്ങനെ ക്യാഷ് അവാര്‍ഡും സര്‍ട്ടിഫിക്കറ്റുകളും നല്‍കും. ജില്ലയില്‍ ഒന്നാം സ്ഥാനം ലഭിക്കുന്ന കുട്ടി പഠിക്കുന്ന സ്‌കൂളിനും കുട്ടി അംഗമായ ലൈബ്രറിയ്ക്കും ട്രോഫി നല്‍കും. സംസ്ഥാനതലത്തില്‍ ഒന്നാംസ്ഥാനം നേടുന്ന വിദ്യാര്‍ത്ഥിക്ക് 7,500 രൂപയുടെ ക്യാഷ് അവാര്‍ഡും ശില്പവും പ്രശസ്തിപത്രവും നല്‍കും. രണ്ടും മൂന്നും സ്ഥാനക്കാര്‍ക്ക് യഥാക്രമം 5,000, 4,000 രൂപ എന്നിങ്ങനെ ക്യാഷ് അവാര്‍ഡും ട്രോഫിയും സര്‍ട്ടിഫിക്കറ്റും നല്‍കും. സംസ്ഥാനതലത്തില്‍ ഒന്നാംസ്ഥാനം നേടുന്ന വിദ്യാര്‍ത്ഥിപഠിക്കുന്ന സ്‌കൂളിനും കുട്ടി അംഗമായിട്ടുള്ള ഗ്രന്ഥശാലയ്ക്കും ട്രോഫി നല്‍കും. കൂടാതെ സംസ്ഥാനതലത്തില്‍ ഒന്നാംസ്ഥാനം നേടുന്ന വിദ്യാര്‍ത്ഥിയ്ക്ക് 1,500 രൂപയുടെ ജയശങ്കര്‍ സ്മാരക ക്യാഷ് അവാര്‍ഡും സ്‌കൂളിന് ജയശങ്കര്‍ സ്മാരക റോളിംഗ് ട്രോഫിയും സമ്മാനിക്കും. സ്‌കൂള്‍തല മത്സരങ്ങള്‍ എല്ലാ സ്‌കൂളുകളിലും സംഘടിപ്പിക്കണമെന്നും എല്ലാ വിദ്യാര്‍ത്ഥികളും അഖില കേരള വായന മല്‍സരത്തില്‍ പങ്കാളികളാകണമെന്നും കേരള സ്റ്റേറ്റ് ലൈബ്രറി കൗണ്‍സില്‍ പ്രസിഡന്റ് ഡോ.കെ.വി.കുഞ്ഞികൃഷ്ണനും സെക്രട്ടറി പി.അപ്പുക്കുട്ടനും അറിയിച്ചു.

    Wednesday, June 24, 2015

    Install Firefox on Linux- A Help File

    ഉബുണ്ടു 10.04-ല്‍ Mozilla Firefox-ന്റെ ഉയര്‍ന്ന വേര്‍ഷന്‍ എങ്ങനെ ഇന്‍സ്റ്റാള്‍ ചെയ്യാമെന്ന് പോസ്റ്റ് ചെയ്യണമെന്ന് നിരവധി ആളുകള്‍ ആവശ്യമുന്നയിച്ചിരുന്നു.  ഈയാവശ്യം പരിഗണിച്ച് തച്ചമ്പാറ ദേശബന്ധു സ്കൂളിലെ എസ് ഐ ടി സിയും ഫോറത്തിന്റെ മണ്ണാര്‍ക്കാട് വിദ്യാഭ്യാസജില്ലാ വൈസ് പ്രസിഡന്റുമായ ശ്രീ കെ സി സുരേഷ് തയ്യാറാക്കിയ ഒരു ഹെല്‍പ്പ് ഫയലാണ് പ്രസിദ്ധീകരിക്കുന്നത് . ഏവര്‍ക്കും പ്രയോജനപ്രദമായ ഈ പോസ്റ്റ് തയ്യാറാക്കിയ സുരേഷ് സാറിന് ബ്ലോഗ് ടീമിന്റെ നന്ദി
    Getting Firefox installed on your computer is your first step to using it. This article will show you how to install Firefox on Linux.
    Many Linux distributions include Firefox by default, and most have a package management system that lets you easily install Firefox. Generally, you should install from package management. Package management will:
    • Ensure that you have all the required libraries
    • Install Firefox in a way that works best with your distribution
    • Create shortcuts to launch Firefox
    • Make Firefox available to all users of your computer
    • Make removing Firefox work the same as removing any other application
    Package management also has some downsides:
    • It may not give you the latest version of Firefox
    • It may give you a version without Firefox branding 

    Installing from a package manager

    To install Firefox using the package manager, please refer to the documentation of the Linux distribution you're using.

    Installing outside of a package manager

    Complete instructions for installing Firefox outside of package management may be available at your distribution's support website. For example:
    • Before you install Firefox, make sure that your computer has the required libraries installed. Missing libraries will cause Firefox to be inoperable.
    • The installation file provided by Mozilla in .tar.bz2 format does not contain sources but pre-compiled binary files, therefore you can simply unpack and run them. There is no need to compile the program from source.
    • The following instructions will install Firefox into your home directory, and only the current user will be able to run it.
    1. Download Firefox from the Firefox download page to your home directory.
    2. Open a Terminal and go to your home directory: cd ~
    3. Extract the contents of the downloaded file: tar xjf firefox-*.tar.bz2
    4. Close Firefox if it's open.
    5. To start Firefox, run the firefox script in the firefox folder: ~/firefox/firefox
    Firefox should now start. You can then create an icon on your desktop to run this command.

    libstdc++5 error

    As noted above, you need to install the required libraries for Firefox to work. Many distributions don't include libstdc++5 by default.

    "firefox not installed" message or wrong version of Firefox starts

    If Firefox is installed following the instructions given above, it must be started (in a Terminal or in a launcher on the Desktop, for example) using the command: ~/firefox/firefox
    If you try to start Firefox in a Terminal with the command: firefox, it will either start the package-manager-installed version of Firefox or will tell you the program is not installed.

    വളരെ എളുപ്പത്തില്‍ ചെയ്യാവുന്ന മറ്റൊരു മാര്‍ഗം www.ubuntu4u.com-ല്‍ വിശദീകരിച്ചിട്ടുണ്ട്. ഇതിന്റെ പ്രവര്‍ത്തനം താഴെപ്പറയുന്നു
    Step 1: Download the latest Firefox Version
    Download it from the latest version from http://www.mozilla.org and extract it. It creates a folder called "firefox" and in that folder there is a file called "firefox".
    Step 2: Create a new shortcut
    Drag the Firefox file onto your panel, and it asks you to give the new launcher a name. Call it Firefox, and you're done.

    Step 3: Run Firefox
    To open Firefox just use the new launcher on the panel (the correct icon should be there automatically). Please be aware that the Firefox command and menu entry will open your old installation. To avoid any confusion you may remove this old installation of Firefox with the Ubuntu Software Center or the Synaptic Package Manager.

    കമ്പ്യൂട്ടര്‍ റീസ്റ്റാര്‍ട്ട് ചെയ്താല്‍ പുതിയ വേര്‍ഷനായി മാറിക്കഴിഞ്ഞിട്ടുണ്ടാവും

    കെ.പി.നൗഫലിന് ഗുഡ് സര്‍വീസ് എന്‍ട്രി

         സംസ്ഥാനത്തെ ആദ്യത്തെ സമ്പൂര്‍ണ ഡിജിറ്റല്‍ സ്‌കൂള്‍ കലോത്സവം 2015 ന്റെ വിജകരമായ നടത്തിപ്പിന് നേതൃത്വം നല്‍കിയ ഐടി@സ്‌കൂള്‍ എക്‌സിക്യുട്ടീവ് ഡയറക്ടറും വി.എച്ച്.എസ്.ഇ. ഡയറക്ടറുമായ കെ.പി.നൗഫലിന് സംസ്ഥാന സര്‍ക്കാര്‍ സ്തുത്യര്‍ഹ സേവനത്തിനുള്ള ബഹുമതി നല്‍കി.

    ഇനി എല്ലാവര്‍ക്കും ഡിജിറ്റല്‍ ലോക്കര്‍

    സംസ്ഥാന വ്യാപകമായി നടത്തിവരുന്ന ഇ-ഡിസ്ട്രിക്ട് പദ്ധതിയിലൂടെ പൊതുജനങ്ങള്‍ക്ക് ലഭ്യമാകുന്ന വിവിധയിനം സര്‍ട്ടിഫിക്കറ്റുകളുടെ പകര്‍പ്പുകള്‍ ഡിജിറ്റല്‍ ലോക്കറിലേക്ക് സൂക്ഷിക്കാനും പിന്നീട് ആവശ്യാനുസരണം ലോക്കറില്‍ നിന്നും ഡൗണ്‍ലോഡ് ചെയ്ത് ഉപയോഗിക്കാനും സാധിക്കുന്ന സംവിധാനം നിലവില്‍ വരുന്നു. ഇത്തരത്തില്‍ ഒരു വ്യക്തിക്ക് ഡിജിറ്റല്‍ ലോക്കര്‍ അക്കൗണ്ട് തുടങ്ങുന്നതിന് ആ വ്യക്തിയുടെ ആധാര്‍ നമ്പര്‍ മാത്രമാണ് ആവശ്യമായി വരുന്നത്. ഇത്തരത്തില്‍ വ്യക്തിഗത സര്‍ട്ടിഫിക്കറ്റുകളും, മറ്റ് രേഖകളും ഡിജിറ്റല്‍ ലോക്കറില്‍ വളരെ സുരക്ഷിതമായി സൂക്ഷിക്കുന്നതിനോടൊപ്പം ഭാവിയില്‍ തൊഴില്‍ സംബന്ധമായോ മറ്റേതെങ്കിലും ആവശ്യങ്ങള്‍ക്കായോ അപേക്ഷ സമര്‍പ്പിക്കേണ്ടി വരുമ്പോള്‍ സര്‍ട്ടിഫിക്കറ്റുകളുടെ പകര്‍പ്പുകള്‍ നല്‍കുന്നതിനു പകരം ആധാര്‍ നമ്പര്‍ മാത്രം നല്‍കിയാല്‍ മതിയാകും. ഇങ്ങനെ ലഭ്യമാകുന്ന ആധാര്‍ നമ്പര്‍ ഉപയോഗിച്ച് വ്യക്തിക്കോ/സ്ഥാപനങ്ങള്‍ക്കോ ഡിജിറ്റല്‍ രൂപത്തില്‍ തന്നെ സര്‍ട്ടിഫിക്കറ്റുകള്‍ പരിശോധിക്കാവുന്നതാണ്. ഓരോ ആവശ്യത്തിനും ഒന്നിലേറെ തവണ സര്‍ട്ടിഫിക്കറ്റുകളുടെ പകര്‍പ്പുകള്‍ സമര്‍പ്പിക്കുന്നത് ഒഴിവാക്കാനും സാധിക്കും. അതുപോലെ സ്ഥാപനങ്ങള്‍ക്കും ഓഫീസുകള്‍ക്കും അപേക്ഷകരുടെ സര്‍ട്ടിഫിക്കറ്റുകള്‍ സൂക്ഷിക്കേണ്ടിവരുന്നതുമില്ല. ഡിജിറ്റല്‍ ലോക്കറിനായുള്ള എന്റോള്‍മെന്റ് ക്യാമ്പുകള്‍ ഇന്ന് (ജൂണ്‍ 24) മുതല്‍ 27 വരെ സംസ്ഥാനത്തെ സിവില്‍ സ്റ്റേഷനുകളിലും, തെരഞ്ഞെടുക്കപ്പെട്ട വിദ്യാഭ്യാസ സ്ഥാപനങ്ങളിലും നടത്തും. എല്ലാ അക്ഷയ കേന്ദ്രങ്ങളിലും ഡിജിറ്റല്‍ ലോക്കര്‍ അക്കൗണ്ട് തുറക്കുന്നതിനായുള്ള സംവിധാനങ്ങളും ഒരുക്കിയിട്ടുണ്ട്.www.digital-locker.gov.in എന്ന വെബ്‌സൈറ്റില്‍ രജിസ്റ്റര്‍ ചെയ്ത് ആധാര്‍ നമ്പര്‍ ലഭിച്ചിട്ടുള്ള ഏതൊരു വ്യക്തിക്കും ഈ സംവിധാനം ഉപയോഗിക്കാം.

    Date Entry Users in Sampoorna


         സമ്പൂര്‍ണ്ണയുമായി ബന്ധപ്പെട്ട് നിരവധി പേര്‍ ഉന്നയിച്ച ഒരു സംശയമാണ് Admin Level-ല്‍ നിന്ന് മാറ്റി മറ്റ് Users-നെ തയ്യാറാക്കാമോ എന്ന്. പ്രധാനാധ്യാപകന്റെ Username, Password ഇവ എല്ലാ അധ്യാപകര്‍ക്കും നല്‍കുന്നത് ഒഴിവാക്കുന്നതിന് ഇത് ഉപകരിക്കും. ഒരു വിദ്യാലയത്തിലെ പ്രധാനാധ്യാപകന് അതെ വിദ്യാലയത്തിലെ വിവിധ ക്ലാസ് അധ്യാപകര്‍ക്ക് അവരുടെ ക്ലാസുകളിലെ വിദ്യാര്‍ഥികളുടെ വിശദാംശങ്ങള്‍ എഡിറ്റ് ചെയ്യുന്നതിനും തിരുത്തലുകള്‍ വരുത്തുന്നതിനും School-ന്റെ Username ,Password ഇവക്ക് പകരം അവര്‍ക്ക് സ്വന്തമായി Username , Password നല്‍കി User-മാരായി നല്‍കുന്നതിനുള്ള സംവിധാനം സമ്പൂര്‍ണ്ണയില്‍ നിലവിലുണ്ട്. പരിമിതമായ പ്രവര്‍ത്തനങ്ങള്‍ മാത്രമാണ് ഇവര്‍ക്ക് അനുവദിച്ചു നല്‍കിയിരിക്കുന്നത്. അവര്‍ക്ക് അനുവാദം നല്‍കിയിരിക്കുന്ന ക്ലാസുകളിലെ കുട്ടികളുടെ വിശദാംശങ്ങള്‍ എഡിറ്റ് ചെയ്യുക മാത്രമേ ഇവര്‍ക്ക് സാധിക്കൂ. മറ്റ് ക്ലാസുകളിലെ കുട്ടികളുടെ വിശദാംശങ്ങള്‍ ഇവര്‍ക്ക് കാണാമെങ്കിലും എഡിറ്റ് ചെയ്യുക അസാധ്യമാവും. ഇതിനായി നടത്തേണ്ട പ്രവര്‍ത്തനങ്ങള്‍ താഴെ വിശദീകരിക്കുന്നു.
    •  School-ന്റെ Username, Password ഇവ ഉപയോഗിച്ച് ലോഗിന്‍ ചെയ്ത് സമ്പൂര്‍ണ്ണയില്‍ പ്രവേശിക്കുക.
    • പ്രധാനജാലകത്തിന് മുകളില്‍ കാണുന്ന സ്കൂളിന്റെ

    Tuesday, June 23, 2015

    അധിക അധ്യാപകരുടെ വിശദാംശങ്ങള്‍ സമര്‍പ്പിക്കണം

    പാലക്കാട് ജില്ലയിലെ വിദ്യാലയങ്ങളിലെ ആറാം പ്രവവര്‍ത്തിദിവസത്തെ കുട്ടികളുടെ എണ്ണത്തിന്റെ അടിസ്ഥാനത്തില്‍ അധ്യാപകരുടെ വിശദാംശങ്ങള്‍ ശേഖരിക്കുന്നു. ജില്ലയിലെ വിദ്യാലയങ്ങളില്‍ ആറാം പ്രവര്‍ത്തിദിനത്തിലെ കണക്കിന്റെ അടിസ്ഥാനത്തില്‍ LP വിഭാഗത്തില്‍ 1:30 അനുപാതത്തിലും UP/HS വിഭാഗങ്ങളില്‍ 1:35 അനുപാതത്തിലും നിലനിര്‍ത്തിയതിന് ശേഷം അധികമായി വരുന്ന അധ്യാപകരുടെ പേരും മറ്റ് വിശദാംശങ്ങളും നിശ്ചിതമാതൃകയില്‍ തയ്യാറാക്കി അധ്യാപകരുടെ പുനര്‍വിന്യാസത്തിനായി സമര്‍പ്പിക്കണമെന്ന് വിദ്യാഭ്യാസ ഉപഡയറക്ടറുടെ നിര്‍ദ്ദേശം. ഇതിന്റെ അടിസ്ഥാനത്തില്‍ പാലക്കാട് വിദ്യാഭ്യാസജില്ലയിലെ വിദ്യാലയങ്ങള്‍ ചുവടെ നല്‍കിയ മാതൃകയില്‍ തയ്യാറാക്കി നല്‍കുന്നതിന് DEOയുടെ നിര്‍ദ്ദേശം.
    വിദ്യാഭ്യാസ ഉപഡയറക്ടറുടെ നിര്‍ദ്ദേശത്തിനും മാതൃകാഫോമിനും ഇവിടെ ക്ലിക്ക് ചെയ്യുക

    Monday, June 22, 2015

    തദ്ദേശസ്വയംഭരണ തെരഞ്ഞെടുപ്പ് : ജൂലൈ 15 വരെ വോട്ടര്‍ പട്ടികയില്‍ പേര് ചേര്‍ക്കാം

    തദ്ദേശസ്വയംഭരണ പൊതുതെരഞ്ഞെടുപ്പിനായുള്ള വോട്ടര്‍ പട്ടികയില്‍ പേര് ചേര്‍ക്കുന്നതിനും വോട്ടര്‍മാര്‍ക്ക് സ്ഥലംമാറ്റം, തെറ്റുതിരുത്തല്‍ എന്നിവയ്ക്ക് അപേക്ഷിക്കുന്നതിനുമായുള്ള ഓണ്‍ലൈന്‍ സൗകര്യം ജൂലൈ 22 വൈകിട്ട് ആറ് മണിമുതല്‍ നിലവില്‍ വരും. 2015 ജനുവരി ഒന്നിന് 18 വയസ് തികഞ്ഞ, ഇപ്പോള്‍ പ്രസിദ്ധീകരിച്ച കരട് വോട്ടര്‍ പട്ടികയില്‍ പേരില്ലാത്തവര്‍ക്ക് ജൂലൈ 15 വരെ ഈ സൗകര്യം പ്രയോജനപ്പെടുത്താമെന്ന് സംസ്ഥാന മുഖ്യതെരഞ്ഞെടുപ്പ് കമ്മിഷണര്‍ കെ.ശശിധരന്‍ നായര്‍ അറിയിച്ചു. സംസ്ഥാന തെരഞ്ഞെടുപ്പ് കമ്മിഷന്റെ www.lsgelection.kerala.gov.in എന്ന വെബ്‌സൈറ്റില്‍ പ്രവേശിച്ച് കരട് വോട്ടര്‍ പട്ടികയിന്‍മേലുള്ള അവകാശവാദങ്ങളും ആക്ഷേപങ്ങളും അതത് തദ്ദേശസ്വയംഭരണ സ്ഥാപനത്തിലെ ഇലക്ടറല്‍ രജിസ്‌ട്രേഷന്‍ ഓഫീസര്‍ക്ക് (ഗ്രാമപഞ്ചായത്ത് /മുനിസിപ്പാലിറ്റി സെക്രട്ടറി) സമര്‍പ്പിക്കണം. ഓണ്‍ലൈന്‍ അപേക്ഷ അയയ്ക്കുമ്പോള്‍ ഫോട്ടോ കൂടി അപ്‌ലോഡ് ചെയ്യുന്നതിന് സൗകര്യമുണ്ടായിരിക്കും. ഓണ്‍ലൈനില്‍ അപേക്ഷ സമര്‍പ്പിച്ചാലുടന്‍ നേര്‍വിചാരണയ്ക്കുള്ള നോട്ടീസ് അപേക്ഷകന് ലഭിക്കും. ഇത് പ്രകാരം നിശ്ചിത സ്ഥലത്തും തീയതിയിലും രേഖകള്‍ സഹിതം ഹാജരാകണം. ഓണ്‍ലൈനില്‍ ഫോട്ടോ അപ്‌ലോഡ് ചെയ്യാത്തവര്‍ക്ക് അപ്പോള്‍ ഫോട്ടോ ഹാജരാക്കാം. ഓണ്‍ലൈന്‍ അപേക്ഷ അക്ഷയ സെന്റര്‍ വഴിയും സമര്‍പ്പിക്കാം. ഇതിനായി അപേക്ഷയൊന്നിന് 20 രൂപ ഫീസ് നിശ്ചയിച്ചിട്ടുണ്ട്. എന്നാല്‍ കരട് വോട്ടര്‍ പട്ടികയില്‍ നിലവിലുള്ള വോട്ടര്‍മാരെ ഉള്‍പ്പെടുത്തിയതും ഉള്‍പ്പെടുത്തുന്നതും സംബന്ധിച്ചുള്ള മറ്റ് വോട്ടര്‍മാരുടെ ആക്ഷേപങ്ങള്‍ ഫോറം അഞ്ചില്‍ ബന്ധപ്പെട്ട ഇലക്ടറല്‍ രജിസ്‌ട്രേഷന്‍ ഓഫീസര്‍ക്ക് നേരിട്ടോ തപാല്‍ മുഖേനയോ വേണം സമര്‍പ്പിക്കേണ്ടത്. വാര്‍ഡ് പുനര്‍വിഭജനം നടക്കുന്ന തദ്ദേശസ്വയംഭരണ സ്ഥാപനങ്ങളുടെ പട്ടിക പുനര്‍വിഭജനം കഴിഞ്ഞാല്‍ പുനര്‍വിന്യസിക്കും. പുനഃപ്രസിദ്ധീകരിക്കുന്ന പട്ടികയിലുള്ള പരാതികള്‍ പരിഹരിക്കാന്‍ സമയം അനുവദിക്കുമെന്നും അദ്ദേഹം അറിയിച്ചു. സംസ്ഥാന തെരഞ്ഞെടുപ്പ് കമ്മീഷന്‍ ആദ്യമായാണ് വോട്ടര്‍പട്ടികയുമായി ബന്ധപ്പെട്ട ഇ-സേവനങ്ങള്‍ ലഭ്യമാക്കിയിട്ടുള്ളത്. നാഷണല്‍ ഇന്‍ഫര്‍മാറ്റിക്‌സ് സെന്ററിന്റെ (എന്‍.ഐ.സി) കേരള ഘടകമാണ് ഇതിനാവശ്യമായ സോഫ്റ്റ്‌വേര്‍ നിര്‍മ്മിച്ചത്.

    Disclaimer

    മുന്നറിയിപ്പ് : ഇവിടെ ലഭ്യമാക്കിയിരിക്കുന്ന വിവരങ്ങള്‍, വിവിധ സൈറ്റുകളില്‍ നിന്നും ലഭിച്ചവയാണ്, അവയുടെ ആധികാരികത ഉറപ്പാക്കേണ്ടത് വായനക്കാരാണ്. ലഭ്യമായ വിവരങ്ങള്‍ പ്രദര്‍ശിപ്പിക്കുന്നുവെന്നേയുള്ളൂ. തീര്‍ത്തും അനൗദ്യോഗികം.!