FLASH NEWS

LSS Revaluationന് ഇപ്പോളഅ‍ അപേക്ഷിക്കാം. ലിങ്ക് ചുവടെ. Online Transfer സീനിയോരിറ്റി ലിസ്റ്റ് പ്രസിദ്ധീകരിച്ചു. Transfer and Postings സൈറ്റില്‍ ലഭ്യമാണ്. ഹെഡ്മാസ്റ്റർ / ഉപജില്ലാ വിദ്യാഭ്യാസ ഓഫിസർ സമാന തസ്തികയിലെ 01.01.2017 മുതൽ 31.12.2018 വരെയുള്ള താല്‍ക്കാലിക സീനിയോറിറ്റി ലിസ്റ്റ് Downloads പേജില്‍. ആക്ഷേപങ്ങളും പരാതികളും ഉളളവര്‍ 15 ദിവസത്തിനകം നല്‍കാന്‍ നിര്‍ദ്ദേശം. അവധിക്കാല അധ്യാപക പരിശീലനത്തിന് Training Management System-ല്‍ ഓണ്‍ലൈനായി രജിസ്റ്റര്‍ ചെയ്യണം. Anticipatory Income Tax Calculator 2019-20ചുവടെ.


LSS/USS Results
Vacation Training to Teachers
Anticipatory Income Tax Calculator 2019-20
PRISM(Online Pension Submission)::
MID DAY MEAL
ICT Equipments Complaint Registration
TimeTable Generator Helpfile
Instructions for GAIN PF
BIMS
BROADBAND COMPLAINT REGISTRATION
NOON MEAL SOFTWARE(NMP & K2) Updated with New NMP

പാലക്കാട് ജില്ലാ വാര്‍ത്തകള്‍

DDE PALAKKAD
WEBSITEHere


Un Ecconomic വിദ്യാലയങ്ങളെ സംബന്ധിച്ച Excel മാതൃക പൂരിപ്പിച്ച് എത്രയും വേഗം സമര്‍പ്പിക്കണമെന്ന് നിര്‍ദ്ദേശം
ക്ലാസ് മുറികളിലും സ്കൂള്‍ പരിസരത്തും കച്ചവടം നടത്തുന്നതിനോ പരസ്യപ്രചാരണം നടത്തുന്നതിനോ സ്വകാര്യപരിശീലനകേന്ദ്രങ്ങളുടെ ഏജന്റുമാര്‍ക്കോ പുറത്ത് നിന്നുള്ള വ്യക്തികള്‍ക്കോ അനുവാദം നല്‍കരുതെന്ന് നിര്‍ദ്ദേശം
SPARK പാസ്‌വേര്‍ഡുകള്‍ DDOമാര്‍ സുരക്ഷിതമായി സൂക്ഷിക്കേണ്ടതാണെന്നും അത് ക്ലര്‍ക്കോ ബന്ധപ്പെട്ട അധ്യാപകനോ അല്ലാതെ മറ്റാര്‍ക്കെങ്കിലും കൈമാറ്റം ചെയ്യുന്നത് ശിക്ഷാര്‍ഹമാണെന്നും DDE അറിയിപ്പ. ശമ്പളബില്ലുകള്‍ മാസാവസാനത്തിന് രണ്ട് ദിവസം മുമ്പെങ്കിലും ട്രഷറിയില്‍ സമര്‍പ്പിക്കണമെന്നും മറ്റ് ബില്ലുകള്‍ 26ന് മുമ്പ് പാസാകാത്തക്ക രീതിയില്‍ സമര്‍പ്പിക്കാനും നിര്‍ദ്ദേശം. പാലക്കാട് ജില്ലാ ട്രഷറിയലെ SPARK Helpdesk Number(9496383754, , 04912534236)


DEO PALAKKAD

മുന്‍ വര്‍ഷങ്ങളില്‍ IED വിദ്യാര്‍ഥികള്‍ക്ക് വിതരണം നടത്തിയ സാമ്പത്തിക സഹായം ഉപകരണങ്ങള്‍ വാങ്ങിച്ച തുക എന്നിവിയില്‍ നീക്കിയിരിപ്പുണ്ടെങ്കില്‍ സ്കൂള്‍ മെയില്‍ നിര്‍ദ്ദേശ പ്രകാരം തുക തിരിച്ചടക്കണമെന്ന് DEO
2018-19 വര്‍ഷത്തെ വിവിധ സ്‌കോളര്‍ഷിപ്പുകളുടെ തുക നിക്ഷേബിച്ചതിന്റെ Procedings സ്കൂള്‍ മെയിലില്‍. പരിശോധിച്ച് തുക പിന്‍വലിച്ച് വിനിയോഗം പൂര്‍ത്തിയാക്കണമെന്ന് DEOപ്രീ പ്രൈമറി വിദ്യാര്‍ഥികളുടെ വിശദാംശങ്ങള്‍ നല്‍കാത്തവര്‍ രണ്ട് ദിവസത്തിനകം നല്‍കണമെന്ന് DEO
സംസ്‌കൃതസ്കോളര്‍ഷിപ്പ് ലഭിച്ച കുട്ടികളുടെ പേര് വിവരങ്ങള്‍ സ്കൂള്‍ മെയിലില്‍
2010-11 കാലയളവിലെ സെന്‍സസ് ഡ്യൂട്ടിയുടെ അധികമായി കൈപ്പറ്റിയ സറണ്ടര്‍ തുക സര്‍ക്കാരിലേക്ക് തിരിച്ചടച്ച് ചെല്ലാന്റെ പകര്‍പ്പുകള്‍ പരിശോധനക്ക് ഹാജരാക്കണണെന്ന് DEO


DEO OTTAPALAM
WEBSITE :Here
ഒറ്റപ്പാലം വിദ്യാഭ്യാസ ജില്ലയിലെ SSLC പരീക്ഷാ ചോദ്യപേപ്പര്‍ സോര്‍ട്ടിങ്ങ് 6,7 തീയതികളില്‍ സമയക്രമം സ്കൂള്‍ മെയിലില്‍
ഒറ്റപ്പാലം വിദ്യാഭ്യാസ ജില്ലയില്‍ SSLC IT പരീക്ഷയുടെ ഭാഗമായി റിസോഴ്‌സ് അധ്യാപകര്‍ക്കുള്ള നിയമനഉത്തരവ് സ്കൂള്‍ മെയിലില്‍
SSLC 2019 പരീക്ഷക്കുള്ള CWSN,PCO,PCN കുട്ടികളുടെ എണ്ണം ഉടനെ http://deoottapalam.co.in സൈറ്റില്‍ അപ്‌ഡേറ്റ് ചെയ്യണമെന്ന് DEO
Scribe മാതൃകാ ഫോം സ്കൂള്‍ മെയിലില്‍ പൂരിപ്പിച്ച് രണ്ട് ദിവസത്തിനകം സമര്‍പ്പിക്കുന്നതിന് DEOനിര്‍ദ്ദേശം
ഒറ്റപ്പാലം വിദ്യാഭ്യാസ ജില്ലയിലെ SSLC പരീക്ഷാ ഡ്യൂട്ടി പോസ്റ്റിങ്ങ് ഓര്‍ഡര്‍ DEO സൈറ്റില്‍. http://deoottapalam.co.in എന്ന സൈറ്റില്‍ നിന്നും ലഭിക്കും. വിശദാംശങ്ങള്‍ മെയിലില്‍
ശാസ്‌ത്രായനം പദ്ധതി നടപ്പിലാക്കുന്നത് സംബന്ധിച്ച് ഒറ്റപ്പാലം വിദ്യാഭ്യാസ ജില്ലാ ശാസ്‌ത്രദിനാഘോഷം 28ന് കാലത്ത് 9.30 മുതല്‍ ഷൊര്‍ണ്ണൂര്‍ BRCയില്‍.എല്ലാ ഹൈസ്‌കൂള്‍ പ്രധാനാധ്യാപകരും എട്ടാം തരത്തിലെ ശാസ്‌ത്രവിഷയങ്ങളിലെ താല്‍പര്യവും മികവും സഹിതം പങ്കെടുക്കണമെന്ന് DEO
എല്ലാ ഗവ സ്കൂള്‍ പ്രധാനാധ്യാപകരും നിലവിലെ വേക്കന്‍സി റിപ്പോര്‍ട്ട് 23നകം DDEയില്‍ എത്തിക്കണമെന്ന് നിര്‍ദ്ദേശം
STSB Fund വിശദാംശങ്ങള്‍ നല്‍കാത്ത പ്രധാനാധ്യാപകര്‍ അടിയന്തരമായി വിവരങ്ങള്‍ നല്‍കണമെന്ന് DEO
ഒരു കുട്ടിക്ക് ഒരു പുസ്തകം പദ്ധതിയുടെ വിശദാംശങ്ങള്‍ മെയിലില്‍
Earned Leave Surrender മാതൃക Proceedings സ്കൂള്‍ മെയിലില്‍
2020,2021വര്‍ഷങ്ങളില്‍ SSLC പരീക്ഷ എഴഉതുന്ന ഭിന്നശേഷി വിദ്യാര്‍ഥികളെ 2019 മാര്‍ച്ച് 31നകം തിരിച്ചറിയണമെന്നും ജൂണ്‍ 30നകം മെഡിക്കല്‍ ബോര്‍ഡ് സര്‍ട്ടിഫിക്കറ്റ് ഹാജരാക്കണമെന്നും DEO
COPTA 2003 പ്രകാരം വിദ്യാലയങ്ങളില്‍ പുകയില ഉപയോഗം തടയു്നതിനായി നടത്തിയ പ്രവര്‍ത്തനങ്ങളുടെ റിപ്പോര്‍ട്ട് എല്ലാ മാസവും അഞ്ചാം തീയതിക്കകം നല്‍കണമെന്ന് DEO
പെന്‍ഷന്‍ അപേക്ഷകള്‍ ലമര്‍പ്പിക്കുമ്പോള്‍ നിര്‍ബന്ധമായും E Mail IDയും മൊബൈല്‍ നമ്പരും ഉള്‍പ്പെടുത്തണമെന്ന് നിര്‍ദ്ദേശം

DEO MANNARKKAD
WEBSITE:Here

15ന് നടത്താന്‍ നിശ്ചയിച്ചി്രുന്ന SSLC പരീക്ഷയുമായി ബന്ധപ്പെട്ട് പാലക്കാട് റവന്യൂ ജില്ലയിലെ പ്രധാനാധ്യാപകരുടെ യോഗം 14ന് രാവിലെ പത്തരമണിക്ക് പാലക്കാട് പി എം ജി സ്കൂളില്‍ നട്ത്തത്തക്ക വിധം പുനക്രമീകരിച്ചതായി പരീക്ഷാഭവന്‍.എല്ലാ പ്രധാനാധ്യാപകരും പങ്കെടുക്കണമെന്ന് പരീക്ഷാ സെക്രട്ടറി







Monday, April 22, 2019

മെഡിസെപ്പ് നിര്‍ദ്ദേശങ്ങള്‍

പൊതുവിദ്യാഭ്യാസ വകുപ്പിലെ ജീവനക്കാരുടെ ആരോഗ്യ ഇന്‍ഷ്വറന്‍സ് പദ്ധതിയുമായി ബന്ധപ്പെട്ട പുതിയ നിര്‍ദ്ദേശങ്ങളാണ് ചുവടെ . സംസ്ഥാനത്തെ എല്ലാ വിദ്യാലയങ്ങളിലെയും ജീവനക്കാരുടെ വിശദാംശങ്ങള്‍ മെഡിസെപ്പ് സൈറ്റില്‍ 13 വിഭാഗങ്ങളായി ഉള്‍പ്പെടുത്തിയിട്ടുണ്ട്. ആയത് പ്രകാരം എല്ലാ ജീലനക്കാരുടെയും വിശദാംശങ്ങള്‍ പരിശോധിക്കുകയും ഉള്‍പ്പെടാത്ത ജീവനക്കാര്‍ ഉണ്ടെങ്കില്‍ അവരുടെ വിവരങ്ങള്‍ ബന്ധപ്പെട്ട വിദ്യാഭ്യാസ ഓഫീസില്‍ നിന്നും ആവശ്യപ്പെടുന്ന മുറക്ക് ഇ-മെയില്‍ മുഖേന അറിയിക്കേണ്ടതാണ്.
     ജീവനക്കാരുടെ വിവരങ്ങള്‍ 13 ഡിപ്പാര്‍ട്ട്‌മെന്റ് കോഡുകളിലായി വിന്യസിച്ചിരിക്കുന്നു. ഓരോ കോഡുകളിലും ഉള്‍പ്പെട്ട വിദ്യാലയങ്ങള്‍ അറിയുന്നതിനായി മെഡിസെപ്പ് സൈറ്റിലെ Downloads (Click Here for Downloads) എന്ന മെനുവില്‍ നിന്നും ഓരോ വിഭാഗവും ഡൗണ്‍ലോഡ് ചെയ്‌ത് അവരുടെ വിദ്യാലയം ഏത് ഗ്രൂപ്പിലാണ് വരുന്നത് എന്ന് പരിശോധിക്കുക. ( ഇതിനായി ഓരോ വിഭാഗവും ഡൗണ്‍ലോഡ് ചെയ്തതിന് ശേഷം ctrl+F ഉപയോഗിച്ച് Search Box ല്‍ വിദ്യാലയം ഉള്‍പ്പെട്ട പ്രദേശത്തിന്റെ പേര് നല്‍കി Search ചെയ്യാവുന്നതാണ്. ) വിദ്യാലയം കണ്ടെത്തി കഴിഞ്ഞാല്‍ ഏത് ഗ്രൂപ്പിലാണോ ആ വിദ്യാലയം ഉള്‍പ്പെട്ടിരിക്കുന്നത് ആ ഗ്രൂപ്പിന്റെ User ID & Password ഉപയോഗിച്ച് ലോഗിന്‍ ചെയ്യുക. തുറന്ന് വരുന്ന ജാലകത്തിലെ View മെനുവില്‍ നിന്നും Report എന്നത് ക്ലിക്ക് ചെയ്യുക. ഇതില്‍ നിന്നും Office തിരഞ്ഞെടുത്ത്  Combined എന്നത് ക്ലിക്ക് ചെയ്‌ത് Report ബട്ടണ്‍ അമര്‍ത്തുക. 
അപ്പോള്‍ ആ വിദ്യാലയത്തിലെ ജീവനക്കാരുടെ വിശദാംശങ്ങള്‍ pdf രൂപത്തില്‍ ലഭിക്കും. തുടര്‍ന്ന് ഇതേ ക്രമത്തില്‍ Combined എന്നതിന് പകരം Dependents എന്നത് തിരഞ്ഞെടുത്ത് Report ബട്ടണ്‍ അമര്‍ത്തിയാല്‍ Dependents വിശദാംശങ്ങള്‍ ലഭിക്കും.
 Dependent വിശദാംശങ്ങള്‍ ഇല്ല എങ്കില്‍ User Manual പറഞ്ഞ പ്രകാരം പ്രധാനാധ്യാപകര്‍ക്ക് ഉള്‍പ്പെടുത്താവുന്നതേയുള്ളു.
 


Sunday, April 21, 2019

11 തിരിച്ചറിയൽ രേഖകളിലൊന്ന് ഹാജരാക്കിയാൽ വോട്ടുചെയ്യാം


     വോട്ടർ തിരിച്ചറിയൽ കാർഡ് ഇല്ലാത്ത വോട്ടർമാർക്ക് ഫോട്ടോ പതിച്ച 11 തിരിച്ചറിയൽ രേഖകളിലൊന്ന് ഹാജരാക്കിയാൽ വോട്ട് ചെയ്യാം. വോട്ടെടുപ്പ് സമയം എപ്രിൽ 23ന് രാവിലെ ഏഴുമുതൽ വൈകിട്ട് ആറുവരെയാണ്.
     പാസ്‌പോർട്ട്, ഡ്രൈവിംഗ് ലൈസൻസ്, കേന്ദ്ര/ സംസ്ഥാന സർക്കാരുകൾ/ പൊതുമേഖലാ സ്ഥാപനങ്ങൾ/ പബ്‌ളിക് ലിമിറ്റഡ് കമ്പനികൾ എന്നിവർ നൽകിയ ഫോട്ടോയോടുകൂടിയ സർവീസ് തിരിച്ചറിയൽ കാർഡ്, ഫോട്ടോയോടുകൂടിയ ബാങ്ക്/ പോസ്റ്റ് ഓഫീസ് പാസ്ബുക്ക് (കേരളത്തിലെ സഹകരണ ബാങ്കുകൾ നൽകിയ പാസ് ബുക്ക് ഒഴികെ), പാൻ കാർഡ്, നാഷണൽ പോപ്പുലേഷൻ രജിസ്റ്ററിനായി രജിസ്ട്രാർ ജനറൽ ഓഫ് ഇന്ത്യ നൽകിയ സ്മാർട്ട് കാർഡ്, എം.എൻ.ആർ.ഇ.ജി.എ ജോബ് കാർഡ്, തൊഴിൽ മന്ത്രാലയം അനുവദിച്ച ആരോഗ്യ ഇൻഷുറൻസ് സ്മാർട്ട് കാർഡ്, ഫോട്ടോയോടു കൂടിയ പെൻഷൻ രേഖ, എം.പി/ എം.എൽ.എ/ എം.എൽ.സി മാർക്ക് അനുവദിച്ചിട്ടുള്ള ഔദ്യോഗിക തിരിച്ചറിയൽ കാർഡ്, ആധാർ കാർഡ് എന്നീ രേഖകളാണ് വോട്ടർ കാർഡിനു പകരമായി തിരിച്ചറിയൽ രേഖയായി തിരഞ്ഞെടുപ്പ് കമ്മീഷൻ അംഗീകരിച്ചിട്ടുള്ളത്.

Individual Login for Employees in SPARK

     SPARKല്‍ ജീവനക്കാര്‍ക്ക് Individual Login അനുവദിച്ച് മുമ്പ് നിര്‍ദ്ദേശങ്ങള്‍ വന്നിരുന്നെങ്കില്‍ ചില പ്രശ്‌നങ്ങള്‍ നേരിട്ടിരുന്നു. ഇവ പരിഹരിച്ച് ജീവനക്കാര്‍ക്ക് Individual Login ലഭിക്കുന്നതിന് പുതിയ ലിങ്ക് നിലവില്‍ വന്നു. ഇതിനായി SPARK-ന്റെ ലോഗിന്‍ പേജില്‍ നല്‍കിയിരിക്കുന്ന Not registered a user yet, register now  എന്ന ലിങ്കില്‍ ക്ലിക്ക് ചെയ്‌താല്‍ രജിസ്ട്രേഷനുള്ള പേജ് ലഭിക്കും. ഇതില്‍ ആവശ്യമായ വിവരങ്ങള്‍ നല്‍കി Submit ചെയ്‌താല്‍ ഒരു OTP രജിസ്റ്റര്‍ ചെയ്‌ത മൊബൈലിലേക്ക് ലഭിക്കും. ഈ OTP നല്‍കി Verify ബട്ടണ്‍ അമര്‍ത്തുന്നതോടെ രജിസ്ട്രേഷന്‍ പൂര്‍ത്തിയായതായും 30 മിനിട്ടുകള്‍ക്കകം Activation  പൂര്‍ത്തിയായി ലോഗിന്‍ സാധ്യമാകുമെന്ന മെസ്സേജ് ലഭിക്കും
    ഈ പ്രവര്‍ത്തനങ്ങള്‍ ചെയ്യുന്നതിന് മുമ്പ് ഓരോ ജീവനക്കാരനും SPARK ലെ അവരുടെ Personal Memoranda പേജിലെ Contact Details ല്‍ നല്‍കിയിരിക്കുന്ന മൊബൈല്‍ നമ്പരും മെയില്‍ ഐ ഡിയും ശരിയെന്നുറപ്പ് വരുത്തണം. കൂടാതെ Service matters -‍>Personal details->Present Service details ക്രമത്തില്‍ ആധാര്‍ വേരിഫിക്കേഷന്‍ നടത്തിയിരിക്കണം. അതിനായി DDO മാരെ സമീപിച്ച് ഇവ പരിശോധിക്കുക. ഇതോടൊപ്പം ആധാര്‍ നമ്പര്‍ രജിസ്ട്രേഷന് ആവശ്യമാണ്. പുതിയ പാസ്‌വേര്‍ഡ് തിരഞ്ഞെടുക്കുമ്പോള്‍ 8 മുതല്‍ 15 വരെ characters (alphabets special Character & digits) ഉണ്ടാവണം.
Individual Login മുഖേന ലഭിക്കുന്ന പുതിയ പേജില്‍ താഴെക്കാണുന്ന മെനുകള്‍ ഉള്‍പ്പെട്ട പേജ് ലഭിക്കും

ഇതിലെ മെനുകള്‍ മുഖേന സ്‌പാര്‍ക്കില്‍ ജീവനക്കാരുടെ വിശദാംശങ്ങള്‍ , ലീവ് അക്കൗണ്ട്, Online Leave Application, Salary Slip, Drawn Salary Details, Loan Details എന്നിവ ജീവനക്കാര്‍ക്ക് സ്വയം പരിശോധിക്കാവുന്നതാണ്
Click Here for the Help File

GPF Admission & NRA module available in SPARK

   G.O(P) No 9/2019/Fin, dated12/02/2019 പ്രകാരം SPARK ല്‍ GPF NRA Application & Convertion ഇവ ഓണ്‍ലൈനായി AGക്ക് സമര്‍പ്പിക്കുന്നതിനും , പുതിയ Admission എന്നിവക്കുള്ള  മൊഡ്യൂള്‍ തയ്യാറായാതായി സ്‌പാര്‍ക്ക് PMUവിന്റെ അറിയിപ്പില്‍ പറയുന്നു. ഇവ എങ്ങനെ ഉപയോഗിക്കണമെന്ന് വിശദമാക്കുന്ന ഹെല്‍പ്പ് ഫയല്‍ ചുവടെ ലിങ്കില്‍ നിന്നും ഡൗണ്‍ലോഡ് ചെയ്യാവുന്നതാണ്
Click Here for GENERAL PROVIDENT FUND Module Help File

Friday, April 19, 2019

എൽ.എസ്.എസ് പരീക്ഷാഫലം പ്രസിദ്ധീകരിച്ചു

     ഫെബ്രുവരിയിൽ നടത്തിയ LSS പരീക്ഷാഫലം പ്രസിദ്ധീകരിച്ചു. പരീക്ഷാഭവന്റെ www.keralapareekshabhavan.in എന്ന വെബ്‌സൈറ്റിൽ ലഭ്യമാണ്.
പുനർമൂല്യനിർണയത്തിന് അപേക്ഷിക്കാൻ താത്പര്യമുള്ള പരീക്ഷാർഥികൾ പരീക്ഷാഭവൻ വെബ്‌സൈറ്റിൽ ഓൺലൈനായി അപേക്ഷ രജിസ്റ്റർ ചെയ്യണം. രജിസ്റ്റർ ചെയ്യുമ്പോൾ ലഭിക്കുന്ന പ്രിൻറ് ഔട്ടും, പേപ്പർ ഒന്നിന് 100 രൂപ രൂപ നിരക്കിൽ ഫീസും സഹിതം ബന്ധപ്പെട്ട ഉപജില്ലാ വിദ്യാഭ്യാസ ഒാഫീസർക്ക് ഏപ്രിൽ 30 നകം സമർപ്പിക്കണം.

Click Here to View Individual Result
Click Here for Schoolwise Result
Click Here for AEOwise Consolidated Result

Saturday, April 13, 2019

Elections 2019 Updates

  • തിരഞ്ഞെടുപ്പ് ദിവസം ഓരോ മണിക്കൂര്‍ ഇടവിട്ട് കണക്കുകള്‍ നല്‍കുന്നതിനാവശ്യമായ  Voter Turnout Report ഇവിടെ നിന്നും ലഭിക്കും


Friday, April 12, 2019

ഗ്രേസ് മാർക്ക്: അപേക്ഷാ സ്ഥിതി ഓൺലൈനായി പരിശോധിക്കാം

2019 മാർച്ച് SSLC/THSLC/SSLC (HI), THSLC (HI) പരീക്ഷയിൽ രജിസ്റ്റർ ചെയ്ത വിദ്യാർത്ഥികളിൽ ഗ്രേസ്മാർക്കിന് അർഹതയുളളവരുടെ അപേക്ഷയുടെ സ്ഥിതി ഓൺലൈനായി അറിയാം. SSLC വിദ്യാർത്ഥികൾ https://sslcexam.kerala.gov.in എന്ന വെബ്‌സൈറ്റിലും റ്റി.എച്ച്.എസ്.എൽ.സി വിദ്യാർത്ഥികൾ  www.thslcexam.kerala.gov.in  എന്ന വെബ്‌സൈറ്റിലും SSLC (HI) വിദ്യാർത്ഥികൾ www.sslchiexam.kerala.gov.in/thslchi_2019 എന്ന വെബ്‌സൈറ്റിലും "GRACE MARK APPLICATION STATUS" എന്ന ലിങ്കിലൂടെ വിദ്യാർത്ഥികൾക്കും രക്ഷകർത്താക്കൾക്കും പരിശോധിക്കാം. 
  ലിങ്കിൽ രജിസ്റ്റർ  നമ്പറും, ജനനത്തീയതിയും നൽകിയാൽ അപേക്ഷയുടെ സ്ഥിതി അറിയാം. ഇതുവരെയും അപ്രൂവ് ചെയ്യാത്ത അപേക്ഷകളുടെ സ്ഥിതി അതത് സ്‌കൂൾ ഹെഡ്മാസ്റ്റർമാർ മുഖാന്തരം ബന്ധപ്പെട്ട അധികാരികളെ അറിയിക്കണം. നിരസിച്ച അപേക്ഷകൾ പോരായ്മ പരിഹരിച്ച് സ്‌കൂൾ അധികൃതർക്ക് പുന:സമർപ്പിക്കാം. ഏപ്രിൽ 23ന് മുൻപ് ഗ്രേസ്മാർക്ക് അപേക്ഷകളുടെ അപ്രൂവൽ പൂർത്തീകരിക്കും. അതിനുശേഷം യാതൊരുവിധ ഉൾപ്പെടുത്തലുകളും/ തിരുത്തലുകളും അനുവദിക്കില്ലെന്ന് പരീക്ഷാഭവൻ സെക്രട്ടറി അറിയിച്ചു.
   വിദ്യാലയങ്ങള്‍ക്ക് HM Login മുഖേന iExaMSല്‍ പ്രവേശിച്ചാല്‍ ആ വിദ്യാലയത്തിലെ എല്ലാ വിദ്യാര്‍ഥികളുടെയും ഗ്രേസ് മാര്‍ക്ക് അപേക്ഷയുടെ കണ്‍സോളിഡേറ്റഡ് സ്റ്റാറ്റസ് ലഭിക്കും. ഇതിനായി iExaMSല്‍ Pre Examination -> Grace Mark Application-> Grace Mark Entry എന്ന ക്രമത്തില്‍ പരിശോധിക്കാവുന്നതാണ്

സർക്കാർ ടെക്‌നിക്കൽ ഹൈസ്‌കൂളുകളിലേക്കുള്ള പ്രവേശനം: അപേക്ഷ ക്ഷണിച്ചു

       സംസ്ഥാനത്തെ സർക്കാർ ഉടമസ്ഥതയിലുള്ള 39 ടെക്‌നിക്കൽ ഹൈസ്‌കൂളുകളിലേക്കുള്ള എട്ടാം ക്ലാസ്സ് പ്രവേശനത്തിനുള്ള അപേക്ഷ അതാത് ടെക്‌നിക്കൽ ഹൈസ്‌കൂളുകളിൽ ഏപ്രിൽ 30 വരെ ലഭിക്കും. പൂരിപ്പിച്ച അപേക്ഷ അതത് ടെക്‌നിക്കൽ ഹൈസ്‌കൂളുകളിൽ സമർപ്പിക്കാം. മെയ് മൂന്നിന് ടെക്‌നിക്കൽ ഹൈസ്‌കൂളുകളിൽ നടക്കുന്ന പ്രവേശന പരീക്ഷയുടെ അടിസ്ഥാനത്തിലാണ് പ്രവേശനം. ഏഴാം ക്ലാസ്സ് നിലവാരത്തിലുള്ള ഇംഗ്ലീഷ്, മാത്തമാറ്റിക്‌സ്, ഫിസിക്‌സ്, കെമിസ്ട്രി, ജനറൽ നോളേജ്, മെന്റൽ എബിലിറ്റി എന്നീ വിഷയങ്ങളിൽ നിന്നുമായിരിക്കും പ്രവേശന പരീക്ഷയ്ക്കുള്ള ചോദ്യങ്ങൾ.
      പഠന മാധ്യമം ഇംഗ്ലീഷാണ്. സംസ്ഥാനത്തെ പൊതുവിദ്യാഭ്യാസ സ്ഥാപനങ്ങളിൽ പഠിപ്പിക്കുന്ന വിഷയങ്ങൾ പഠിക്കുന്നതോടൊപ്പം സാങ്കേതിക വിഷയങ്ങളിൽ പരിജ്ഞാനവും അവയുടെ പ്രായോഗിക പരിശീലനവും ടെക്‌നിക്കൽ ഹൈസ്‌കൂളുകളിൽ വിദ്യാർത്ഥികൾക്ക് ലഭിക്കും.
     ടെക്‌നിക്കൽ ഹൈസ്‌കൂളുകളിൽ നിന്നും പാസ്സാകുന്ന വിദ്യാർത്ഥികൾക്ക് സംസ്ഥാനത്തെ പോളിടെക്‌നിക് കോളേജുകളിൽ പ്രവേശനത്തിനായി 10% സീറ്റുകൾ സംവരണം ചെയ്തിട്ടുണ്ട്. ടെക്‌നിക്കൽ ഹൈസ്‌കൂളുകളിൽ വിദ്യാർത്ഥികൾക്ക് ആവശ്യമായ പ്രയോഗിക പരിശീലനം നൽകുന്നതിനുള്ള ആധുനിക സൗകര്യങ്ങളുണ്ട്.
അപേക്ഷ സമർപ്പിക്കുന്നതിനും പ്രവേശനം സംബന്ധിച്ചുള്ള നിശ്ചിത വിവരങ്ങൾക്കും അതാത് ടെക്‌നിക്കൽ ഹൈസ്‌കൂളുകളിൽ ബന്ധപ്പെടണം.

Thursday, April 11, 2019

ഹയർസെക്കൻഡറി സ്‌കൂൾ പ്രിൻസിപ്പൽമാരുടെ സ്ഥലംമാറ്റത്തിന് അപേക്ഷ ക്ഷണിച്ചു

        സംസ്ഥാനത്തെ സർക്കാർ ഹയർസെക്കൻഡറി സ്‌കൂൾ പ്രിൻസിപ്പൽമാരിൽ നിന്നും 2019-20 ലേക്കുള്ള പൊതുസ്ഥലംമാറ്റത്തിന് അപേക്ഷ ക്ഷണിച്ചു.  അപേക്ഷയുടെ മാതൃക www.dhsekerala.gov.in  ൽ ലഭ്യമാണ്.  നിശ്ചിത മാതൃകയിൽ തയ്യാറാക്കിയ അപേക്ഷകൾ ഹയർസെക്കൻഡറി ഡയറക്ടർ, ഹൗസിംഗ് ബോർഡ് ബിൽഡിംഗ്‌സ്, ശാന്തി നഗർ, തിരുവനന്തപുരം - 1 എന്ന വിലാസത്തിൽ 22ന് വൈകിട്ട് അഞ്ചിന് മുമ്പ് ലഭിക്കണം.  നിശ്ചിത മാതൃകയിൽ അല്ലാതെയും വൈകി ലഭിക്കുന്നതുമായ അപേക്ഷകൾ പരിഗണിക്കില്ല.  അപേക്ഷകൾ അയയ്ക്കുന്ന കവറിനു പുറത്ത് 'സർക്കാർ ഹയർസെക്കൻഡറി സ്‌കൂൾ പ്രിൻസിപ്പൽമാരുടെ സ്ഥലംമാറ്റം' എന്ന് രേഖപ്പെടുത്തണം.

Click Here for Circular - principal transfer

Tuesday, April 09, 2019

ഉബുണ്ടു 18.04 Installation Details

     ഈ അധ്യയന വര്‍ഷം മുതല്‍ സ്ക്കൂളുകളില്‍ പഠനാവശ്യങ്ങള്‍ക്കായി ഉപയോഗിക്കുന്ന എല്ലാ കമ്പ്യൂട്ടറുകളിലും  ഉബുണ്ടു 18.04 വേര്‍ഷന്‍ ആണ് ഉപയോഗിക്കേണ്ടത്. പ്രൈമറി, ഹൈസ്ക്കൂള്‍, HSS, VHS വിഭാഗങ്ങളിലെ അവധിക്കാല അധ്യാപക പരിശീലനത്തില്‍ പങ്കെടുക്കുന്ന അധ്യാപകര്‍ അപ്ഡേറ്റ് ചെയ്ത ലാപ്‌ടോപുകളാണ് കൊണ്ടു വരേണ്ടത്. പരിശീലന സമയത്ത് ഒരു കാരണവശാലും ഇന്‍സ്റ്റലേഷന്‍ നടത്തുന്നതല്ല. താഴെ പറയുന്ന ലിങ്ക് വഴി ഉബുണ്ടു 18.04  ഡൗണ്‍ലോഡ് ചെയ്യാവുന്നതാണ്. വിശദമായ Installation Guide അതോടൊപ്പം ഉണ്ട്. iso ഒരു DVD യില്‍ ആക്കി ഉപയോഗിക്കാവുന്നതാണ്. ചുവടെ ലിങ്കില്‍ നിന്നും ഉബുണ്ടു 18.04 & Resource CD ഇവ ഡൗണ്‍ലോഡ് ചെയ്യാവുന്നതാണ്.
Click Here to Download Ubuntu18.04 & Resourse CD

Click Here for Installation Guide

Install Fest Exclusive for Schools From 10 AM to 4 PM.

16/4/19 ന് പാലക്കാട് കൈറ്റ് ജില്ലാ കേന്ദ്രത്തില്‍
17/4/19 ന് ഒറ്റപ്പാലം LSN ഹൈസ്ക്കൂളില്‍
17/4/19 ന് മണ്ണാര്‍ക്കാട് GMUPS Mannarkkad and GUPS Kadampazhippuram

സംശയങ്ങള്‍ക്ക് വിളിക്കേണ്ട നമ്പറുകള്‍

പാലക്കാട് വിദ്യാഭ്യാസ ജില്ല.
Prasad R                 9446240315  Chittur
Prasad P G             9495725004   Kollegode
Abdul Majeed P     9495229693   Kuzhalmannam
Padmakumar G      9446789875   Alathur
Ajitha Viswanath   9447839107   Palakkad
Sindu Y                   9496717290   Parli

ഒറ്റപ്പാലം വിദ്യാഭ്യാസ ജില്ല.

Rajeev Warrier  9447674149        Thrithala
Sushern M         9020719400         Shornur
Ravikumar P     8592842117         Ottapalam
Simraj K S         9961538961         Pattambi

മണ്ണാര്‍ക്കാട് വിദ്യാഭ്യാസ ജില്ല.

Ramachandran A            9400469488  Cherpulassery
Dr. Abdul Latheeef K       9745618816   Mannarkkad and Cherpulassery
Liven Paul V  Arakkal     9447927781   Mannarkkad
Iqbal M K                           9447266464   Mannarkkad

Saturday, April 06, 2019

അഖിലകേരള വായനോൽസവം പുസ്തകങ്ങൾ പ്രഖ്യാപിച്ചു

      കേരള സ്റ്റേറ്റ് ലൈബ്രറി കൗൺസിൽ സംസ്ഥാനത്തെ ഹൈസ്‌കൂൾ വിദ്യാർത്ഥികളെ പങ്കെടുപ്പിച്ച് നടത്തുന്ന അഖിലകേരള വായനോൽസവത്തിന്റെ പുസ്തകങ്ങൾ പ്രഖ്യാപിച്ചു. സ്‌കൂൾതലം, താലൂക്ക്തലം, ജില്ലാതലം, സംസ്ഥാനതലം എന്നീ നാല് ഘട്ടങ്ങളിലായാണ് ഹൈസ്‌കൂൾതല മൽസരം നടത്തുന്നത്. സ്‌കൂൾതല മത്സരം ജൂലൈ നാലിനും താലൂക്ക് തലത്തിൽ ആഗസ്റ്റ് നാലിനും ജില്ലാ തലത്തിൽ സെപ്റ്റംബർ 22നും സംസ്ഥാനതലത്തിൽ നവംബർ 9, 10 തിയതികളിലുമാണ് മത്സരം. മത്സരങ്ങൾക്കായി തെരെഞ്ഞെടുത്ത പുസ്തകങ്ങളുടെ വിവരം ചുവടെ 
     സ്വാമിയും കൂട്ടുകാരും (നോവൽ) - ആർ.കെ.നാരായണൻ, സ്മാരകശിലകൾ (നോവൽ) - പുനത്തിൽ കുഞ്ഞബ്ദുളള, നവരസകഥകൾ (കഥ) - ടി.പത്മനാഭൻ, അപരിഗ്രഹം (കവിത) - പ്രഭാവർമ്മ, ചിന്താവിഷ്ടയായ സീത (കവിത) - കുമാരനാശാൻ, കടലറിവുകളും നേരറിവുകളും (ശാസ്ത്രം) - റോബർട്ട് പനിപ്പിളള, രാഷ്ട്രീയത്തിൽ നിന്നും ശാസ്ത്ര ഗവേഷണത്തിലേക്ക് (ജീവിതകഥ) - ഡോ.എം.വിജയൻ, ഇന്ദ്രധനുസിൻ തീരത്ത് (ഓർമ്മക്കുറിപ്പുകൾ) - ഭാരതി തമ്പുരാട്ടി, നാസി ഭീകരതയുടെ നിലവിളികൾക്കിടയിലൂടെ (യാത്രാവിവരണം) - വി.കെ.ജോസഫ്, കേശവ്‌ദേവ്, ഓടയിൽ മനുഷ്യനെ കണ്ടെത്തിയ എഴുത്തുകാരൻ (ജീവചരിത്രം) - എം.കെ.സാനു, ശ്രീനാരായണഗുരു വിശ്വമാനവികതയുടെ പ്രവാചകൻ - പി.കെ.ഗോപാലകൃഷ്ണൻ, നവോത്ഥാനം, ശബരിമല, മതനിരപേക്ഷത - പിണറായി വിജയൻ, പൂജ്യത്തിന്റെ കഥ (ഗണിതം - ബാലസാഹിത്യം) - പള്ളിയറ ശ്രീധരൻ, ഗ്രന്ഥാലോകത്തിന്റെ 2018 ജൂലൈ, സെപ്തംബർ എന്നീ ലക്കങ്ങൾ.

Tuesday, April 02, 2019

അധ്യാപകർക്ക് അവധിക്കാല ഐ.ടി. പരിശീലനം; ഓൺലൈൻ രജിസ്‌ട്രേഷൻ ഏപ്രിൽ 16 വരെ

      കേരള ഇൻഫ്രാസ്ട്രക്ചർ ആൻഡ് ടെക്‌നോളജി ഫോർ എഡ്യൂക്കേഷന്റെ (കൈറ്റ്)  നേതൃത്വത്തിൽ സ്‌കൂൾ അധ്യാപകർക്കായി നാല് ദിവസത്തെ പ്രത്യേക ഐ.ടി പരിശീലനം നൽകുന്നു.  3,500 ഓളം പരിശീലകരുടെ സേവനം പ്രയോജനപ്പെടുത്തി വിവിധ ജില്ലകളിലെ 1,500 പരിശീലന കേന്ദ്രങ്ങളിൽ ഒരേ സമയം 37,500 ഓളം അധ്യാപകർക്ക്  പരിശീലനം നൽകും. ഏപ്രിൽ 26 ന് ആരംഭിക്കുന്ന പരിശീലനങ്ങൾ മെയ് അവസാനവാരം വരെ നീണ്ടുനില്ക്കും.  ഏപ്രിൽ 16 നകം അധ്യാപകർ രജിസ്റ്റർ ചെയ്യണം.  കാഴ്ച്ചപരിമിതിയുള്ള അധ്യാപകർക്ക് പ്രത്യേക സോഫ്റ്റ്‌വെയർ അധിഷ്ഠിതമാക്കിയുള്ള ഐ.സി.ടി പരിശീലനവും ഒരുക്കിയിട്ടുണ്ട്. 
     പരിശീലനത്തിൽ പങ്കെടുക്കുന്ന അധ്യാപകർക്ക്  താല്പര്യമുള്ള കേന്ദ്രവും ബാച്ചും തിരഞ്ഞെടുക്കുന്നതിനുള്ള ഓൺലൈൻ സംവിധാനം കൈറ്റ് വെബ്‌സൈറ്റിലെ  www.kite.kerala.gov.in ട്രെയിനിംഗ് മാനേജ്‌മെന്റ് സിസ്റ്റം 2019 വിഭാഗത്തിൽ ലഭ്യമാണ്.  ഈ സംവിധാനം വഴി അധ്യാപകർക്ക്  ഏത് ജില്ലയിലും പരിശീലനത്തിൽ പങ്കെടുക്കാം. ഓരോ ബാച്ചിലെയും നിശ്ചിത എണ്ണത്തിൽ ആദ്യം രജിസ്റ്റർ ചെയ്യുന്നവർക്ക്  അവസരം നല്കും. 

Click Here to Download the Circular 

Click Here to Register on Training Management System

Thursday, March 28, 2019

എസ്.എസ്.എൽ.സി: മൂല്യനിർണയം ഏപ്രിൽ നാലുമുതൽ

ഈ വർഷത്തെ എസ്.എസ്.എൽ.സി പരീക്ഷ ഉത്തരക്കടലാസ് മൂല്യനിർണ്ണയം സംസ്ഥാനത്തൊട്ടാകെ 54 ക്യാമ്പുകളിലായി ഏപ്രിൽ നാലിന് ആരംഭിച്ച് 29ന് അവസാനിക്കുന്ന രീതിയിൽ മൂന്നു ഘട്ടങ്ങളിലായി നടത്തും.  ഒന്നാം ഘട്ടം ഏപ്രിൽ നാല് മുതൽ 12 വരെയും (8 ദിവസം), രണ്ടാം ഘട്ടം ഏപ്രിൽ 16 മുതൽ 17 വരെയും (2 ദിവസം), മൂന്നാം ഘട്ടം ഏപ്രിൽ 25 മുതൽ 29 വരെയും (4 ദിവസം) നടക്കും.  വിവിധ വിഷയങ്ങളുടെ സ്‌കീം ഫൈനലൈസേഷൻ ക്യാമ്പുകൾ 12 കേന്ദ്രീകൃത മൂല്യനിർണ്ണയ ക്യാമ്പുകളിൽ ഏപ്രിൽ ഒന്നിനും രണ്ടിനും നടത്തും. 
           സംസ്ഥാനത്തൊട്ടാകെ മൂല്യനിർണ്ണയത്തിനായി 919 അഡീഷണൽ ചീഫ് എക്‌സാമിനർമാരെയും 9,104 അസിസ്റ്റന്റ് എക്‌സാമിനർമാരെയും നിയമിച്ച് ഉത്തരവായി.  കൂടാതെ രണ്ടു കാറ്റഗറിയിലും റിസർവായി എക്‌സാമിനർമാരെ നിയമിച്ചിട്ടുണ്ട്.  നിയമന ഉത്തരവ് മാർച്ച് 29ന് തന്നെ പ്രഥമാദ്ധ്യാപകരിൽ നിന്നും എക്‌സാമിനർമാർ കൈപ്പറ്റണമെന്ന് പരീക്ഷാഭവൻ സെക്രട്ടറി അറിയിച്ചു.

CLICK Here for SSLC Valuation Revised Circular

SSLC2019 Answerkeys


ഈ വര്‍ഷത്തെ എസ് എസ് എല്‍ സി പരീക്ഷയുടെ ലഭ്യമായ ഉത്തര സൂചികകള്‍ ആണിവിടെ പ്രസിദ്ധീകരിക്കുന്നുത്
  • Mathematics(Mal Med) (prepared by Sri.Muhammed Farooque Aplus Educare, Athanikkal, Ramanattukara)
  • Mathematics(Eng Med) (prepared by Sri.Muhammed Farooque Aplus Educare, Athanikkal, Ramanattukara)
  • MATHS (Prepared by  Sri Muraleedharan C R GHS Chalissery Palakkad)
  • BIOLOGY Eng Med (Prepared by  Sri Riyas [HST-NS]PPMHSS Kottukkara;Kondotty)
  • BIOLOGY Mal Med (Prepared by  Sri Riyas [HST-NS]PPMHSS Kottukkara;Kondotty) 
  • SOCIAL SCIENCE (Prepared by  Sri K S Deepu, HSS Brahmamangalam & Bindumol P R;Govt. GHSS Vaikom)  
  • HINDI (Prepared by  Sri Asok kumar N.A;GHSS Perumbalam, Alappuzha)
  • ENGLISH (Prepared by  Sri Rasheed Kuzhiyengal;PPMHSS Kottkkara&Sri Mohammed Faris K,  A Plus Educare Athanical) 
  • PHYSICS(Mal Med) (Prepared by  Sri. Manoj K.M; HST, GHSS Anakkara, Palakkad)
  • PHYSICS(Mal Med) (Prepared by  Smt Nisha Velayudhan; A Plus Educare Athanical)
  • PHYSICS(Eng Med) (Prepared by  Smt Nisha Velayudhan; A Plus Educare Athanical)  
  • CHEMISTRY(MalMed) (Prepared by  Sri Shinoy M M; A Plus Educare Athanical) 
  • CHEMISTRY(Eng Med) (Prepared by  Sri Shinoy M M; A Plus Educare Athanical)  

Wednesday, March 27, 2019

'കൂൾ' രണ്ടാം ബാച്ചിന്റെ ഫലം പ്രഖ്യാപിച്ചു; 95.91% വിജയം

കേരള ഇൻഫ്രാസ്ട്രക്ചർ ആന്റ് ടെക്‌നോളജി ഫോർ എഡ്യൂക്കേഷൻ (കൈറ്റ്) നടപ്പാക്കുന്ന കേരളത്തിലെ ഏറ്റവും വലിയ ഓൺലൈൻ പരിശീലന പദ്ധതിയായ  KOOL (KITEs Open Online Learning) വഴി നടത്തിയ കോഴ്‌സിന്റെ രണ്ടാം ബാച്ചിന്റെ ഫലം പ്രഖ്യാപിച്ചു. ഈ ബാച്ചിലെ 2883 അധ്യാപകരിൽ 2765 പേർ (95.91%) കോഴ്‌സ് വിജയിച്ചു. അധ്യാപകരുടെ പ്രൊബേഷൻ വിജയകരമായി പൂർത്തിയാക്കുന്നതിന് 'കൂൾ' കോഴ്‌സ് പാസായി നൽകുന്ന സർട്ടിഫിക്കറ്റ് പര്യാപ്തമാണെന്ന സർക്കാർ ഉത്തരവ് പുറത്തിറക്കിയിരുന്നു. കേരളത്തിൽ ആദ്യമായി ഒരു ഓൺലൈൻ കോഴ്‌സിന് സർക്കാർ അംഗീകാരം നൽകിയതും 'കൂളി'നാണ്.
അദ്ധ്യയന ദിനങ്ങൾ നഷ്ടപ്പെടുത്താതെ ഇഷ്ടമുള്ള കോഴ്‌സ് തെരഞ്ഞെടുക്കാനും വിദഗ്ധരായ ഫാക്കൽറ്റികളുടെ സേവനം പ്രയോജനപ്പെടുത്താനും കഴിയുന്ന വിധത്തിലാണ് 'കൂൾ' ഓൺലൈൻ പരിശീലന സംവിധാനം കൈറ്റ് ഏർപ്പെടുത്തിയത്. www.kool.itschool.gov.in ആണ് കൂളിന്റെ വെബ്‌സൈറ്റ്. ആദ്യഘട്ടം സമഗ്ര പോർട്ടലിൽ ലോഗിൻ ചെയ്തു മാത്രമേ 'കൂളി'ലെ കോഴ്‌സിന് അധ്യാപകർക്ക് രജിസ്റ്റർ ചെയ്യാനാകൂ. 20 പഠിതാക്കൾക്ക് കൈറ്റിന്റെ ഒരു മെന്റർ വീതം ഉണ്ടാകും. ആദ്യ ദിവസം കോൺടാക്ട് ക്ലാസിനും അവസാന ദിവസം സ്‌കിൽ പ്രസന്റേഷനും പഠിതാവ് നേരിട്ട് ഹാജരാകണം. മറ്റു ക്ലാസുകൾ പൂർണ്ണമായും ഓൺലൈൻ വഴിയായിരിക്കും. കോഴ്‌സിന്റെ ഭാഗമായി അസൈൻമെന്റുകൾ, ക്വിസുകൾ, ചർച്ചാഫോറം എന്നിവ ഉണ്ടായിരിക്കും. സംശയനിവാരണ ത്തിനായി 'കൂളി'ൽ പ്രത്യേക മെസേജിംഗ് ചാറ്റ്‌റൂം ഉണ്ട്. പ്രവർത്തനങ്ങൾ പരിശീലിക്കുന്നതിന് സചിത്ര പഠന സഹായികൾ, വീഡിയോ ട്യൂട്ടോറിയലുകൾ, ചെക്ക് ലിസ്റ്റുകൾ തുടങ്ങിയവ 'കൂളി'ൽ സജ്ജീകരിച്ചിട്ടുണ്ട്. പ്രവർത്തന വിശദാംശങ്ങളും ഡിജിറ്റൽ റിസോഴ്‌സുകളും ഡൗൺലോഡ് ചെയ്‌തെടുത്ത് ഇന്റർനെറ്റില്ലാതെ തന്നെ പരിശീലിക്കാം. എന്നാൽ അസൈൻമെന്റ് സമർപ്പണം, ഓരോ വാരാന്ത്യത്തിലുമുള്ള ലൈവ് ക്ലാസുകളിൽ പങ്കെടുക്കൽ എന്നിവ നിർബന്ധമായും ഓൺലൈനായി ചെയ്യണം.
ആദ്യ ബാച്ചിൽ 89.43% ആയിരുന്നു വിജയശതമാനം. രണ്ട് ബാച്ചുകളിലായി 5134 അധ്യാപകർ കോഴ്‌സ് വിജയകരമായി പൂർത്തിയാക്കി.
KOOL -Basic ICT Training for Teachers (Skill Test; 23.03.2019) Result New

Saturday, March 23, 2019

ഹൈടെക് സ്‌കൂൾ ഉപകരണങ്ങളുടെ അവധിക്കാല പരിപാലനം നിർദേശങ്ങളായി

      സംസ്ഥാനത്ത് 4752 സ്‌കൂളുകളിലെ ഹൈടെക് സ്‌കൂൾ പദ്ധതിയുടെ ഉപകരണങ്ങൾ അവധിക്കാലത്ത് ഉപയോഗിക്കുന്നതിനും പരിരക്ഷിക്കുന്നതിനും സ്‌കൂളുകൾ ഏർപ്പെടുത്തേണ്ട ക്രമീകരണങ്ങൾ നിഷ്‌കർഷിക്കുന്ന സർക്കുലർ കൈറ്റ് പുറത്തിറക്കി.ലാപ്‌ടോപ്പുകൾ ശരിയായി ഷട്ട് ഡൗൺ ചെയ്ത് പവർ അഡാപ്റ്റർ വിച്ഛേദിച്ച് ബാഗിൽ സൂക്ഷിക്കണം.  അവധിക്കാലത്ത് രണ്ടാഴ്ചയിലൊരിക്കലെങ്കിലും ഇവ ഓൺ ആക്കുകയോ ചാർജ് ചെയ്യുകയോ വേണം.   ലാപ്‌ടോപ്പിനു മുകളിൽ ഭാരമുള്ള വസ്തുക്കൾ വെക്കുകയോ ബാഗുകൾ ഒന്നിനു മുകളിൽ ഒന്നായി അടുക്കി വെയ്ക്കുകയോ ഡിസ്‌പ്ലേ വളയ്ക്കുകയോ ചെയ്യരുത്,  മൾട്ടിമീഡിയാ പ്രൊജക്ടർ ഓഫാക്കി പവർ കേബിളുകൾ വിച്ഛേദിച്ച് പൊടി, വെള്ളം തുടങ്ങിയവ വീഴാത്തവിധവും ചെറുജീവികൾ അകത്ത് പ്രവേശിക്കാത്ത വിധവും പൊതിഞ്ഞു സൂക്ഷിക്കേണം.  റിമോട്ടിന്റെ ബാറ്ററി അഴിച്ചു വെക്കണം.
   ഡി.എസ്.എൽ.ആർ ക്യാമറ ഉപയോഗിക്കാത്ത അവസരങ്ങളിൽ ബാറ്ററി ക്യാമറയിൽ നിന്നും വേർപെടുത്തി സൂക്ഷിക്കണം.  ക്യാമറയിൽ പൊടി, ഉപ്പ്, മണൽ, ഈർപ്പം തുടങ്ങിയവയുടെ സാന്നിദ്ധ്യം ഉണ്ടാകരുത്.  ക്യാമറാ ബാഗിനുള്ളിൽ സിലിക്ക ജെല്ലുകൾ വെയ്ക്കുന്നത് ഈർപ്പത്തിൽ നിന്നും സംരക്ഷിക്കും.  യു.എസ്.ബി. സ്പീക്കറുകളും ഈർപ്പം തട്ടാത്തവിധം സൂക്ഷിക്കണം. ഇടിമിന്നൽ സാധ്യത ഉള്ളതിനാൽ പവർ കേബിളുകൾ അഴിച്ചു വെക്കണം.
      മാർഗനിർദേശങ്ങൾ പാലിക്കുന്നതിന് സ്‌കൂൾ സ്വീകരിച്ചിട്ടുള്ള നടപടിക്രമങ്ങൾ ഐ.ടി. അഡൈ്വസറി കമ്മിറ്റിയുടെ മിനിറ്റ്‌സ് രൂപത്തിൽ വിദ്യാഭ്യാസ വകുപ്പിന്റെ പരിശോധനക്കായി ലഭ്യമാക്കാൻ പ്രഥമാധ്യാപകർ ശ്രദ്ധിക്കണമെന്ന് കൈറ്റ് വൈസ് ചെയർമാൻ & എക്‌സിക്യൂട്ടീവ് ഡയറക്ടർ കെ.അൻവർ സാദത്ത് അറിയിച്ചു.

 Click Here for Instructions on usage and maintanance of ICT equipments during vacation

സാമൂഹ്യമാധ്യമങ്ങളിലൂടെ സർക്കാർ ഉദ്യോഗസ്ഥർ തിരഞ്ഞെടുപ്പ് പ്രചാരണം നടത്തിയാൽ കർശന നടപടി

സർക്കാർ ഉദ്യോഗസ്ഥർ സാമൂഹ്യമാധ്യമങ്ങൾ മുഖേന രാഷ്ട്രീയ കക്ഷികളുമായി ബന്ധപ്പെട്ട ഉള്ളടക്കം തിരഞ്ഞെടുപ്പ് പ്രചാരണത്തിന് സമാനമായവിധം പ്രചരിപ്പിച്ചാൽ ശക്തമായ നടപടി കൈക്കൊള്ളുമെന്ന് ഉദ്യോഗസ്ഥ ഭരണ പരിഷ്‌കാര വകുപ്പ് സർക്കുലറിലൂടെ അറിയിച്ചു. തിരഞ്ഞെടുപ്പ് പെരുമാറ്റച്ചട്ടം നിലവിലുള്ളതിനാൽ ഉദ്യോഗസ്ഥർ ഇത്തരം പ്രവർത്തനങ്ങളിൽ നിന്ന് വിട്ടുനിൽക്കണം. ചില ഉദ്യോഗസ്ഥർ സാമൂഹ്യമാധ്യമങ്ങളിലൂടെ ഇത്തരം പ്രവർത്തനം നടത്തുന്നതായി ശ്രദ്ധയിൽപ്പെട്ടതിനെത്തുടർന്നാണ് സർക്കുലർ.

Wednesday, March 20, 2019

SSLC Hindi Study Material

SSLC ഹിന്ദി പരീക്ഷക്ക് തയ്യാറെടുക്കുന്ന വിദ്യാര്‍ഥികള്‍ക്കായി പട്ടഞ്ചേരി ഗവ ഹൈസ്‌കൂളിലെ ശ്രീ അരുണ്‍ദാസ് സാര്‍ തയ്യാറാക്കിയ ഒരു വര്‍ക്ക് ഷീറ്റ് ആണ് ചുവടെ ലിങ്കില്‍ ബ്ലോഗിന് വേണ്ടി ഇത് പങ്ക് വെച്ച സാറിന് നന്ദി
Click Here to Download the Study Material

Tuesday, March 19, 2019

Class X Mathematical Constructions

SSLC ഗണിത പരീക്ഷ അടുത്ത് വരുന്ന സാഹചര്യത്തില്‍ പത്താം ക്ലാസ് ഗണിത പാഠപുസ്തകത്തിലെ വിവിധ പാഠഭാഗങ്ങളുമായി ബന്ധപ്പെട്ട നിര്‍മ്മിതികള്‍ ഒരു വീഡിയോ ട്യൂട്ടോറിയര്‍ രൂപത്തില്‍ തയ്യാറാക്കി നല്‍കിയത് പാലക്കാട് ജില്ലയിലെ കല്ലിങ്കല്‍പാടം ഗവ ഹൈസ്‌കൂളിലെ ലിറ്റില്‍ കൈറ്റ്‌സ് യൂണിറ്റംഗങ്ങള്‍ ആണ്. ഈ വീഡിയോ ട്യൂട്ടോറിയല്‍ തയ്യാറാക്കിയ കല്ലിങ്കല്‍ പാടെ ലിറ്റില്‍കൈറ്റ്‌സ് യൂണിറ്റിനും അത് ബ്ലോഗുമായി പങ്ക് വെക്കുന്നതിന് അയച്ചു തന്ന ശ്രീ ഗോപീകൃഷ്‌ണന്‍ സാറിനും എസ് ഐ ടി സി ഫോറം ബ്ലോഗിന്റെ നന്ദി
Click Here to Download the Video Tutorial

Saturday, March 16, 2019

Annual Exam Answer Keys

CLASS VIII
CLASS IX
  • Physics(Mal Med)(Prepared by Mr MANOJ K M,GHSS Anakkara,Palakkad)
  • Physics(Eng Med)(Prepared by Sri MANOJ K M,GHSS Anakkara,Palakkad)
  • Physics (Mal Med)(Prepared by Smt NISHA VELAYUDHAN, A+ EDUCARE, Athanikkal)
  • Physics (Eng Med)(Prepared by Smt NISHA VELAYUDHAN, A+ EDUCARE, Athanikkal)
  • Hindi  ( Prepared by Sri ASHOK KUMAR, GHSS Perumbalam ,Alappuzha)
  • MATHEMATICS (Prepared By Sri MURALEEDHARAN C R, GHS Chalissery Palakkad)

Friday, March 15, 2019

CALC PASSWORD REMOVER


       Libre Office Calc ല്‍ തയ്യാറാക്കിയ ഫയലുകളെ ദത്തസുരക്ഷയെ കരുതി നാം Password Protection നല്‍കി സൂക്ഷിക്കാറുണ്ട്. എന്നാല്‍ ചില സമയങ്ങളില്‍ ഈ Password മറന്ന് പോവുകയും തല്‍ഫലമായി അവ ഉപയോഗിക്കാന്‍ പറ്റാത്ത അവസ്‌ഥയില്‍ ആവുകയും ചെയ്യും. അത്തരത്തില്‍ Password മറന്ന് പോയ ഒരു Calc ഫയലിനെ(.ods Format) Password വിമുക്‌തമാക്കുന്നതിനുള്ള ആപ്ലിക്കേഷനാണ് Calc Password Remover. പാലക്കാട്  കുണ്ടൂര്‍ക്കുന്ന് TSNMHS ലെ Little Kite ന് വേണ്ടി  ശ്രീ പ്രമോദ് മൂര്‍ത്തി സാര്‍ തയ്യാറാക്കിയ ഈ ആപ്ലിക്കേഷന്‍ ഏവര്‍ക്കും പ്രയോജനപ്രദമാകും. ഇത് തയ്യാറാക്കി ബ്ലോഗുമായി പങ്ക് വെച്ച പ്രമോദ് മൂര്‍ത്തി സാറിന് ബ്ലോഗ് ടീമിന്റെ നന്ദി.

How to Install :

image.png
എന്ന ഫയല്‍ ഡൗണ്‍ലോഡ് ചെയ്ത് double click ചെയ്ത് GdebiPackageInstaller ഉപയോഗിച്ച് install ചെയ്യുക.


How to Run :

Application –> Universal Access –>CALC_PASSWORD_REMOVER എന്ന ക്രമത്തില്‍ ഈ ആപ്ലിക്കേഷന്‍ പ്രവര്‍ത്തിപ്പിക്കാം

STEP 1:

image.png

ചിത്രത്തില്‍ കാണുന്ന താക്കോലില്‍ ക്ലിക്കു ചെയ്യുക

STEP 2:

image.png



Browse ബട്ടണില്‍ ക്ലിക്ക് ചെയ്ത് ആവശ്യമായ Calc (.ods) ഫയല്‍ സെലക്റ്റ് ചെയ്യുക

Thursday, March 14, 2019

Anticipatory IncomeTax Calculator 2019-20


    2019-20 സാമ്പത്തികവര്‍ഷത്തേക്കുള്ള ഏകദേശ ആദായനികുതി എത്രയെന്ന് കണക്കാക്കി സാമ്പത്തിക വര്‍ഷത്തിന്റെ ആദ്യമാസം മുതല്‍ അടച്ച് തുടങ്ങേണ്ടതുണ്ടല്ലോ. പുതിയ ബഡ്‌ജറ്റ് നിര്‍ദ്ദേശപ്രകാരം നികുതി നിരക്കുകളിലുണ്ടായ മാറ്റം മൂലം ഒരു വിഭാഗം ജീവനക്കാര്‍ക്ക് നികുതിയില്‍ കുറവ് അനുഭവപ്പെട്ടേക്കാം. നികുതി നിരക്കില്‍ മാറ്റമില്ലെങ്കില്‍ പോലും സ്റ്റാന്‍ഡേര്‍ഡ് ഡിഡക്ഷന്‍ 40000 ആയിരുന്നത് 50000 രൂപയാക്കിയതിന്റെയും അ‍ഞ്ച് ലക്ഷം രൂപ വരെ വരുമാനമുള്ളവര്‍ക്ക് സെക്ഷന്‍ 87A പ്രകാരം നല്‍കിയിരുന്ന റിബേറ്റ് 12500 ആക്കിയതിന്റെയുമെല്ലാം പ്രയോജനം ലഭിക്കും. നികുതി കണക്കാക്കി Anticipatory Income Tax കണക്കാക്കുന്നതിനുള്ള സോഫ്റ്റ്‌വെയര്‍ ചുവടെ ലിങ്കില്‍ നിന്നും ഡൗണ്‍ലോഡ് ചെയ്യാവുന്നതാണ്.
  • Click Here to Download TDS Calculator 2019-20 by Sri SudheerKumar T K
  • Click Here for EASYTAX Income Tax Calculator by Sri Babu Vadakkumchery

Monday, March 11, 2019

Instructions to Invigilators


ചീഫ് /ഡെപ്യൂട്ടി ചീഫ് സൂപ്രണ്ടുമാര്‍ ശ്രദ്ധിക്കേണ്ടത്

പരീക്ഷാ ദിവസങ്ങളില്‍ പരീക്ഷ ആരംഭിച്ച് അരമണിക്കൂര്‍ കഴിയുമ്പോള്‍ ഓണ്‍ലൈനായി Absentees Entryനടത്തണം. iExaMSല്‍ Examination എന്ന മെനുവിലൂടെയാണ ഇത് പൂര്‍ത്തീകരിക്കേണ്ടത്. Answer Script Distribution എന്ന മെനുവിലൂടെ ഉത്തരക്കടലായുകള്‍ അയക്കേണ്ട ക്യാമ്പുകളുടെ വിലാസവും സ്ലിപ്പും ലഭിക്കും. ഉത്തരക്കടലാസുകള്‍ മൂല്യനിര്‍ണ്ണയ ക്യാമ്പുകളിലേക്കയച്ചതിന് ശേഷം ആ വിവരവും ഓണ്‍ലൈനായി നല്‍കേണ്ടതാണ്.
വിശദാംശങ്ങള്‍ ഇവിടെ
  • ആദ്യദിവസം(മാര്‍ച്ച് 13) ന് രാവിലെ 11 മണിക്ക് ഇന്‍വിജിലേറ്റര്‍മാരുടെ യോഗം വിളിക്കണം. അവര്‍ക്കുള്ള നിര്‍ദ്ദേശങ്ങള്‍ നല്‍കണം
  • പരീക്ഷാ ദിവസങ്ങളില്‍ രാവിലെ വിദ്യാലയങ്ങളില്‍ എത്തുന്ന ചോദ്യപേപ്പറുകള്‍ ചീഫ് സൂപ്രണ്ട്, ഡെപ്യൂട്ടി ചീഫ് സൂപ്രണ്ട് എന്നിവര്‍ ചേര്‍ന്ന് ഏറ്റ് വാങ്ങേണ്ടതും അവ പരിശോധിച്ച് ശരിയെന്നുറപ്പ് വരുത്തിയതിന് ശേഷം ഇരട്ടതാഴുള്ള അലമാരിയില്‍ പൂട്ടി സീല്‍ വെക്കേണ്ടതാണ്. ഒരു താക്കോല്‍ ചീഫ് സൂപ്രണ്ടും മറ്റൊന്ന് ഡെപ്യൂട്ടി ചീഫുമാണ് സൂക്ഷിക്കേണ്ടത്. ചോദ്യപേപ്പറിന്റെ വിശദാംശങ്ങള്‍ രജിസ്റ്ററില്‍ എഴുതി സൂക്ഷിക്കണം.
  • കൂള്‍ ഓഫ് സമയം ആരംഭിക്കുന്നതിന് പത്ത് മിനിട്ട് മുമ്പ് അലമാരയില്‍ നിന്നും ചീഫ് സൂപ്രണ്ട് ഡെപ്യൂട്ടി ചീഫിന്റെ സാന്നിധ്യത്തില്‍ ചോദ്യപേപ്പറുകള്‍ പുറത്തെടുക്കണം. ഇവയും രജിസ്റ്ററില്‍ രേഖപ്പെടുത്തണം.
  • പുറത്തെടുത്ത ചോദ്യപേപ്പറുകള്‍ ചീഫ് സൂപ്രണ്ട്, ഡെപ്യൂട്ടി ചീഫ് സൂപ്രണ്ട് എന്നിവരാണ് റൂമുകളില്‍ എത്തിക്കേണ്ടത് . ഇതിനായി മറ്റ് ജീവനക്കാരെ നിയോഗിക്കാന്‍ പാടില്ല
  • സ്ക്രൈബ് ആവശ്യമുള്ള വിദ്യാര്‍ഥികളുടെ സ്ക്രൈബുമാരായി ഒമ്പതാം ക്ലാസ് വിദ്യാര്‍ഥികളെ നിയോഗിക്കുകയും ഇവരുടെ ഐഡന്റിഫിക്കേഷന്‍ സര്‍ട്ടിഫിക്കറ്റ് ഡി ഇ ഒയില്‍ നിന്നും മുന്‍കൂട്ടി വാങ്ങേണ്ടതാണ്.
  • ഇന്റര്‍പ്രെട്ടര്‍ അനുവദിച്ചിട്ടുള്ള വിദ്യാര്‍ഥികള്‍ക്കായി LD വിഭാഗത്തിന് 8 പേര്‍ക്ക് ഒരു ഇന്റര്‍പ്രെട്ടറും മറ്റു വിഭാഗങ്ങളില്‍ 4 ഒരാളും എന്ന ക്രമത്തില്‍ ആണ് ഇന്റര്‍പ്രെട്ടറെ നിയോഗിക്കേണ്ടത്.
  • ഇന്റര്‍പ്രെട്ടര്‍ ഉള്ള പരീക്ഷാ മുറികളില്‍ ഇന്‍വിജിലേഷന്‍ ചുമതലക്ക് ഒരു അധ്യാപകനെ നിര്‍ബന്ധമായും നിയോഗിക്കണം
  • ഇന്‍വിജിലേഷന്‍ ഡ്യൂട്ടിക്ക് അധികമായി നിയോഗിക്കുന്ന അധ്യാപകരെ പൂര്‍ണ്ണമായും പരീക്ഷാ ചുമതലയില്‍ നിന്നും ഒഴിവാക്കരുത്. റൊട്ടേഷന്‍ അടിസ്ഥാനത്തില്‍ വേണം ഡ്യൂട്ടി നല്‍കേണ്ടത്.
  • അധിക സമയം അനുവദിച്ചിരിക്കുന്ന വിദ്യാര്‍ഥികള്‍ക്ക് ഒരു മണിക്കൂറിന് പത്ത് മിനിട്ട് എന്ന ക്രമത്തിലാവണം അധിക സമയം നല്‍കേണ്ടത്
  • എക്‌സ്ട്രാ ടൈം മാത്രം അനുവദിക്കുന്ന കുട്ടികളെ പ്രത്യേക മുറിയില്‍ ഇരുത്തരുത്. ഇവരെ മറ്റ് കുട്ടികളോടൊപ്പം ആണ് ഇരുത്തേണ്ടത്
  • സ്ക്രൈബ് / ഇന്റര്‍പ്രെട്ടര്‍ ഇവരെ ഒരേ മുറിയില്‍ പരീക്ഷക്ക് ഇരുത്തരുത്
  • SSLC പരീക്ഷാ ചുമതലയുള്ള ഇന്‍വിജിലേറ്റര്‍മാരെ റിലീവ് ചെയ്യുമ്പോള്‍ 13ന് രാവിലെ 11 മണിക്ക് പരീക്ഷാ ചുമതലയുള്ള സെന്ററില്‍ റിപ്പോര്‍ട്ട് ചെയ്യാനുള്ള നിര്‍ദ്ദേശം ഉത്തരവില്‍ ചേര്‍ക്കണം
  • പരീക്ഷാ ദിവസം രാവിലെ ക്ലാസുകള്‍ നടത്തുന്നുവെങ്കില്‍ 11.30ന് തന്നെ അവ അവസാനിപ്പിക്കണം
  • പരീക്ഷാ സമയത്ത് പരീക്ഷാ ചുമതലയുള്ളവര്‍ മാത്രമേ സ്കൂളില്‍ കാണാന്‍ പാടുള്ളു
  • പരീക്ഷാ സമയത്ത് സ്കൂള്‍ ഗേറ്റുകള്‍ തുറന്നിടണം.
  • പരീക്ഷാ ഡ്യൂട്ടിക്ക് നിയോഗിക്കപ്പെടുന്ന ഇന്‍വിജേലേറ്റര്‍മാരുടെ ബന്ധുക്കള്‍ ആരും തന്നെ പ്രസ്‌തുത പരീക്ഷാ ഹാളില്‍ ഇല്ലെന്ന കാര്യം ഉറപ്പ് വരുത്തേണ്ടതും ഇക്കാര്യത്തില്‍ ഡിക്ലറേഷന്‍ എഴുതി വാങ്ങേണ്ടതുമാണ്.
  • പരീക്ഷാ പേപ്പറുകള്‍ അയക്കുന്നതിനുള്ള പരീക്ഷാ കേന്ദ്രത്തിന്റെ പേരും വിലാസവുമുള്‍പ്പെട്ട സ്ലിപ്പ് iExaMSല്‍ നിന്നും അതത് ദിസവം ലഭിക്കുന്നതാണ്. ആബ്‌സന്റീസ് എന്‍ട്രി ഓണ്‍ലൈനായി iExaMSല്‍ നടത്താത്ത പക്ഷം തൊട്ടടുത്ത ദിവസത്തെ സ്ലിപ്പ് ലഭിക്കില്ല
  • ഓരോ ദിവസവും അതത് ദിവസത്തെ ആബ്‌സന്റീസ് എന്‍ട്രി ഓണ്‍ലൈനായി iExaMSല്‍ നല്‍കണം.
  • പരീക്ഷ അവസാനിച്ചതിന് ശേഷം ഉത്തരക്കടലാസുകള്‍ ബന്ധപ്പെട്ട ക്യാമ്പുകളിലേക്ക് അന്നന്ന് അയക്കാന്‍ ശ്രമിക്കണം സാധിക്കാത്ത പക്ഷം . അവ പരീക്ഷാ കേന്ദ്രത്തില്‍ സൂക്ഷിക്കുകയും വാച്ച്മാനെ നിയമിക്കേണ്ടതുമാണ്. തൊട്ടടുത്ത ദിവസം തന്നെ അവ അയച്ച് രസീതുകള്‍ ചീഫ് സൂപ്രണ്ട് സൂക്ഷിക്കേണ്ടതാണ്. 
    ഉത്തരക്കടലാസുകള്‍ അയക്കുമ്പോള്‍ ഗ്രേസ് മാര്‍ക്കിന് അര്‍ഹതയുള്ള വിദ്യാര്‍ഥികളുടെ ഉത്തരക്കടലാസിലെ മെയിന്‍ ഷീറ്റില്‍ ഇക്കാര്യം വ്യക്തമായി സൂചിപ്പിക്കണം. ഉത്തരവ് നമ്പര്‍, ഉത്തരവ് തീയതി, വിഭാഗം, ആനൂകൂല്യം എന്നിവ ഉണ്ടെങ്കില്‍ മാത്രമേ ഇവ ഗ്രേസ് മാര്‍ക്കിന് പരിഗണിക്കൂ



എസ് എസ് എല്‍ സി പരീക്ഷ 2019 ഇന്‍വിജിലേറ്റര്‍മാര്‍ക്കുള്ള നിര്‍ദ്ദേശങ്ങള്‍
  • പരീക്ഷാ ഡ്യൂട്ടിയുള്ള അധ്യാപകര്‍ ഒരു മണിക്ക് തന്നെ സ്കൂളില്‍ എത്തിച്ചേരേണ്ടതാണ്.
  • പരീക്ഷാ ചുമതലയുള്ള റൂം ഏതെന്ന് രജിസ്റ്ററില്‍ കണ്ടെത്തി ഒപ്പിടേണ്ടതും ആ റൂമിലേക്കാവശ്യമായ മെയില്‍ അഡീഷണല്‍ ഷീറ്റുകള്‍ ഉള്‍പ്പെട്ട ഫയല്‍ ഏറ്റ് വാങ്ങേണ്ടതുമാണ്
  • പരീക്ഷാ ഹാളില്‍ ബന്ധുക്കളാരും പരീക്ഷ എഴുതുന്നില്ല എന്ന ഡിക്ലറേഷന്‍ ചീഫ് സൂപ്രണ്ടിന് നല്‍കണം
  • പരീക്ഷാ ഹാളില്‍ അധ്യാപകരോ അനധ്യാപകരോ മൊബൈല്‍ ഫോണുകള്‍ കൊണ്ടുപോവരുത്. ഫോണുകള്‍ കൈവശമുള്ളവര്‍ അത് ചീഫ് സൂപ്രണ്ടിനെ ഏല്‍പ്പിക്കേണ്ടതാണ്.
  • 1.30ന് ആദ്യ ബെല്‍ അടിക്കുമ്പോള്‍ അധ്യാപകര്‍ പരീക്ഷാ ഹാളില്‍ എത്തേണ്ടതാണ്.
  • വിദ്യാര്‍ഥികളെ ഹാള്‍ടിക്കറ്റുമായി ഒത്ത് നോക്കി അതത് സ്ഥാനങ്ങളില്‍ ഇരിക്കുന്നവരെ ഉറപ്പ് വരുത്തിയതിന് ശേഷം അറ്റന്‍ഡന്‍സ് ഷീറ്റില്‍ അവരുടെ ഒപ്പുകള്‍ വാങ്ങേണ്ടതാണ്
  • എല്ലാ കുട്ടികളുടെ കൈവശവും ഹാള്‍ ടിക്കറ്റ് ഉണ്ടെന്നു് ഉറപ്പ് വരുത്തുക.
  • മെയിന്‍ ഷീറ്റിലും അഡീഷണല്‍ ഷീറ്റിലും ചീഫ് സൂപ്രണ്ടിന്റെ മോണോഗ്രാം പതിച്ചിട്ടുണ്ടെന്ന് ഉറപ്പാക്കുക
  • ഓരോ കുട്ടികള്‍ക്കും മെയിന്‍ ഷീറ്റ് നല്‍കി അത് ശ്രദ്ധാപൂര്‍വ്വം പൂരിപ്പിക്കുന്നതിന് വേണ്ട നിര്‍ദ്ദേശം നല്‍കണം. അവര്‍ പൂരിപ്പിച്ചതിന് ശേഷം ഇന്‍വിജിലേറ്റര്‍ അവ പരിശോധിച്ച് മെയിന്‍ ഷീറ്റില്‍ ഒപ്പു ഇടേണ്ടതാണ്.
  • ചീഫ് സൂപ്രണ്ട്, ഡെപ്യൂട്ടി ചീഫ് സൂപ്രണ്ട് ഇവരിലൊരാള്‍ റൂമുകളിലെത്തിക്കുന്ന ചോദ്യപേപ്പറുകള്‍ ഏറ്റ് വാങ്ങി അന്നത്തെ പരീക്ഷക്ക് ആ റൂമില്‍ അവശ്യമുള്ളവയാണെന്ന് ഉറപ്പാക്കേണ്ടതും ചോദ്യപേപ്പറുകളുടെ കവഠുകള്‍ പൊട്ടിച്ചിട്ടില്ലെന്ന് ഉറപ്പാക്കേണ്ടതുമാണ്. തുടര്‍ന്ന് ഇതുമായി ബന്ധപ്പെട്ട ഡിക്ലറേഷന്‍ എഴുതി രണ്ട് വിദ്യാര്‍ഥികളെ കൊണ്ട് ഒപ്പിടാച്ചതിന് ശേഷം കവറുകള്‍ തുറക്കാന്‍ പാടുള്ളു..
  • 1.45ന് ബെല്‍ അടിക്കുമ്പോള്‍ കുട്ടികള്‍ക്ക് ചോദ്യപേപ്പറുകള്‍ വിതരണം ചെയ്യുകയും കുട്ടികളോട് 1,3 പേജുകളില്‍ രജിസ്റ്റര്‍ നമ്പര്‍ എഴുതി ഒപ്പിടാന്‍ ആവശ്യപ്പെടുകയും അത് പരിശോധിക്കുകയും ചെയ്യുക.
  • വിതരണത്തിന് ശേഷം ചോദ്യപേപ്പറുകള്‍ ബാക്കിയുണ്ടെങ്കില്‍ അവ പാക്കറ്റിനുള്ളില്‍ തിരികെ വെച്ച് പാക്കറ്റ് ടേപ്പ് ഉപയോഗിച്ച് സീല്‍ ചെയ്യേണ്ടതും അര മണിക്കൂര്‍ കഴിഞ്ഞ് അവ ചീഫ് സൂപ്രണ്ടിന് കൈമാറണം
  • അരമണിക്കൂറിന് ശേഷം താമസിച്ച് വരുന്ന വിദ്യാര്‍ഥികളെ പരീക്ഷാ ഹാളില്‍ പ്രവേശിപ്പിക്കരുത്.
  • പരീക്ഷ തീരുന്നതിന് മുമ്പ് ഒരു വിദ്യാര്‍ഥിയേയും പരീക്ഷാ ഹാള്‍ വിട്ട് പോകുന്നതിന് അനുവദിക്കരുത്.
  • ചോദ്യപേപ്പറുകളില്‍ മറ്റൊന്നും എഴുതരുതെന്ന നിര്‍ദ്ദേശവും നല്‍കാവുന്നതാണ്
  • കൂള്‍ ഓഫ് സമയത്ത് കുട്ടികള്‍ ഉത്തരങ്ങള്‍ എഴുതുന്നില്ലെന്ന് ഉറപ്പ് വരുത്തേണ്ടതാണ്.
  • രണ്ട് മണിക്ക് ബെല്‍ അടിക്കുന്ന സമയത്ത് എഴുതി തുടാങ്ങനുള്ള നിര്‍ദ്ദേശം നല്‍കുക.
  • അഡീഷണ്‍ ഷീറ്റ് ആവശ്യമുള്ള വിദ്യാര്‍ഥികള്‍ അവരുിടെ സീറ്റുകളില്‍ എഴുന്നേറ്റ് നില്‍ക്കാന്‍ പറയുക . ഇന്‍വിജേലേറ്റര്‍ അവരുടെ സീറ്റുകളില്‍ പേപ്പറുകള്‍ എത്തിക്കുകയാണ് വേണ്ടത് . യാതൊരു കാരണവശാലും കുട്ടികളെ ഇന്‍വിജിലേറ്ററുടെ അടുത്തേക്ക് വിളിച്ച് വരുത്തരുത്
  • വിദ്യാര്‍ഥികള്‍ക്ക് അഡീഷണല്‍ ഷീറ്റുകള്‍ നലകുമ്പോള്‍ അവയില്‍ രജിസ്റ്റര്‍ നമ്പര്‍ നിര്‍ബന്ധമായും എഴുതിയിരിക്കണം. ഇന്‍വിജിലേറ്റര്‍ അഡീഷണല്‍ ഷീറ്റില്‍ ഒപ്പുകള്‍ രേഖപ്പെടുത്തിയിരിക്കണം
  • അവസാന ബെല്‍ അടിക്കുന്നത് വരെ പരീക്ഷ എഴുതാന്‍ കുട്ടികള്‍ക്ക് അവകാശമുണ്ട് അതിനാല്‍ അവസാന ബെല്ലിന് ശേഷം മാത്രമേ ഉത്തരക്കടലാസുകള്‍ ശേഖരിക്കാവു.
  • പരീക്ഷ അവസാനിക്കുമ്പോള്‍ മെയിന്‍ ഷീറ്റ് ഒഴികെയുള്ള അഡീഷണല്‍ ഷീറ്റുകള്‍ എണ്ണം മെയിന്‍ ഷീറ്റില്‍ അതിനുള്ള ബോക്‌സില്‍ എഴുതുന്നതിന് കുട്ടികളോട് നിര്‍ദ്ദേശിക്കണം
  • ഇന്‍വിജിലേറ്റര്‍ ഓരോ വിദ്യാര്‍ഥി ഉപയോഗിച്ച അഡീഷണല്‍ ഷീറ്റുകളുടെ എണ്ണവും ആ റൂമിലെ ആകെ അഡീഷണല്‍ ഷീറ്റുകളുടെ എണ്ണവും അറ്റന്‍ഡന്‍സ് ഷീറ്റില്‍ രേഖപ്പെടുത്തി ഒപ്പ് വെക്കേണ്ടതാണ്
  • പരീക്ഷ അവസാനിച്ചതിന് ശേഷം രജിസ്റ്റര്‍ നമ്പര്‍ ക്രമത്തില്‍ അവ ശേഖരിച്ച് ഉത്തരക്കടലാസില്‍ വിദ്യാര്‍ഥി എഴുതിയ അവസാനവരിയുടെ തൊട്ടുതാഴെ മോണോഗ്രാം പതിപ്പിച്ചതിന് ശേഷം ചീഫ് സൂപ്രണ്ടിന് കൈമാറണം.




ബെല്‍ സമയക്രമം
  • 1.30PM ആദ്യ ബെല്‍ (ലോങ് ബെല്‍) -ഇന്‍വിജിലേറ്റര്‍മാരും കുട്ടികളും ക്ലാസ് മുറികളില്‍ എത്തുക
  • 1.45PM സെക്കന്റ് ബെല്‍ (2 Stroke) -ചോദ്യപേപ്പര്‍ വിതരണം കൂള്‍ ഓഫ് സമയം ആരംഭിക്കുന്നു
  • 2.00PM തേര്‍ഡ് ബെല്‍ (ലോങ് ബെല്‍) - കുട്ടികള്‍ക്ക് എഴുതുന്നതിനുള്ള സമയം ആരംഭിക്കുന്നു.
  • 2.30PM ബെല്‍ (1stroke) - അരമണിക്കൂര്‍ പൂര്‍ത്തിയായതിനുള്ളത്
  • 3.00PM ബെല്‍ (1stroke) - ഒരു മണിക്കൂര്‍ പൂര്‍ത്തിയായതിനുള്ളത്
  • 3.25PM ബെല്‍ (1stroke) - 1½ മണിക്കൂര്‍ പരീക്ഷാ ദിവസങ്ങളില്‍ വാണിങ്ങ് ബെല്‍
  • 3.30PM ബെല്‍ (Long stroke) - 1½ മണിക്കൂര്‍ പരീക്ഷാദിവസങ്ങളില്‍ പരീക്ഷ അവസാനിക്കും
  • 3.30PM ബെല്‍ (1stroke) - 1½ മണിക്കൂര്‍ പൂര്‍ത്തിയായതിനുള്ളത്(2½മണിക്കൂര്‍ ദിവസങ്ങളില്‍)
  • 4.00PM ബെല്‍ (1stroke) - രണ്ട് മണിക്കൂര്‍ പൂര്‍ത്തിയായതിനുള്ളത്
  • 4.25PM ബെല്‍ (1stroke) - 2½ മണിക്കൂര്‍ പരീക്ഷാ ദിവസങ്ങളില്‍ വാണിങ്ങ് ബെല്‍
  • 4.30PM ബെല്‍ (1stroke) - 2½ മണിക്കൂര്‍ പരീക്ഷാദിവസങ്ങളില്‍ പരീക്ഷ അവസാനിക്കും
  •  
 ഈ പോസ്റ്റ് pdf രൂപത്തില്‍ ലഭിക്കുന്നതിന് ഇവിടെ ക്ലിക്ക് ചെയ്യുക

Wednesday, March 06, 2019

SSLC പരീക്ഷാ SEATING PLANNER



      SITC Forum Blogല്‍ മുന്‍ വര്‍ഷങ്ങളില്‍ പ്രസിദ്ധീകരിച്ചിരുന്ന 2019 മാര്‍ച്ചിലെ SSLC പരീക്ഷക്കാവശ്യമായ SEATING PLANNER ഇവിടെ പുനപ്രസിദ്ധീകരിക്കുന്നു. കുഴല്‍മന്ദം CAHS ലെ SITCയും ഫോറത്തിന്റെ കുഴല്‍മന്ദം ഉപജില്ലാ കണ്‍വീനറുമായ ശ്രീ സുരേഷ് കുമാര്‍ സാര്‍ തയ്യാറാക്കി നല്‍കിയ Seating Plannerന്റെ Updated Version ആണ് ഇവിടെ പുന:പ്രസിദ്ധീകരിക്കുന്നത്. SSLC പരീക്ഷക്കാവശ്യമായ Room Allotment, Stickers , Notice, Attendance , Seating Plan, Paper Account , Packing details എന്നിവ തയ്യാറാക്കാന്‍ സഹായിക്കുന്ന ഈ Seating Planner ചുവടെയുള്ള ലിങ്കില്‍ നിന്നും ഡൗണ്‍ലോഡ് ചെയ്തെടുക്കാവുന്നതാണ്. ഷീറ്റ് 1 എന്ന പേജില്‍ നല്‍കുന്ന വിവരങ്ങളുടെ അടിസ്ഥാനത്തില്‍ തുടര്‍ന്നുള്ള ഷീറ്റുകളില്‍ നിന്നും ആശ്യമായ ഫോമുകളുടെ പ്രിന്റ് എടുക്കാവുന്നതാണ്. 
         Seating Planner തയ്യാറാക്കി നല്‍കിയ സുരേഷ് സാറിന് ബ്ലോഗ് ടീമിന്റെ നന്ദി
Click Here to Download SEATING PLANNER

1000ല്‍ കൂടുതല്‍ വിദ്യാര്‍ഥികളുള്ള വിദ്യാലയങ്ങള്‍ ആവശ്യപ്പെട്ടതനുസരിച്ച് 2500 വിദ്യാര്‍ഥികള്‍ വരെയുള്ള വിദ്യാലയങ്ങള്‍ക്കായി പുതിയ വേര്‍ഷന്‍ ചുവടെ. (Ubuntuവില്‍ പ്രവര്‍ത്തിക്കുമെങ്കിലും പേജ് സെറ്റ് അപ്പുകള്‍ Windowsലായിരിക്കും കൂടുതല്‍ അഭികാമ്യം). Cancellation , Absent എന്നിവ ഉണ്ടാകുന്ന പക്ഷം വരുന്ന മാറ്റങ്ങള്‍ പ്രത്യേകം ശ്രദ്ധിക്കേണ്ടതാണ്.

Click Here to Download Seating Planner upto 2500 Students

വിദ്യാര്‍ഥികളുടെ പേരുകള്‍ ഉള്‍പ്പെടുത്താന്‍ സമ്പൂര്‍ണ്ണയില്‍ നിന്നും ലഭിക്കുന്ന A List Report(Draft) ഉപയോഗിച്ച് തയ്യാറാക്കുന്നതിന് ശ്രീ പ്രമോദ് മൂര്‍ത്തിസാര്‍ തയ്യാറാക്കിയ ഒരു സ്‌പ്രെഡ്‌ഷീറ്റ് ആപ്ലിക്കേഷന്‍ ബ്ലോഗില്‍ മുമ്പൊരു പോസ്റ്റായി നല്‍കിയത് ഇവിടെ നിന്നും ലഭിക്കും അതുമല്ലെങ്കില്‍ സമ്പൂര്‍ണ്ണയില്‍ നിന്നും Report തയ്യാറാക്കിയാലും  മതിയാവും  

Friday, March 01, 2019

ഐ ടി തിയറി ചോദ്യശേഖരം

എസ് എസ് എല്‍ സി IT പരീക്ഷക്ക് തയ്യാറെടുക്കുന്ന വിദ്യാര്‍ഥികള്‍ക്കായി അവസാനവട്ട റിവിഷന് വേണ്ടിയുള്ള പരിശീലനത്തിന് ഉതകുന്ന ഒരു തിയറി ചോദ്യശേഖരം തയ്യാറാക്കി അയച്ച് തന്നിരിക്കുന്നത് കൊണ്ടോട്ടി PPMHSS KOTTUKKARAയിലെ ശ്രീ റിയാസ് സാറാണ്. ചുവടെ ലിങ്കുകളില്‍ നിന്നും ഇംഗ്ലീഷ് , മലയാളം മീഡിയങ്ങള്‍ക്കായുള്ള ചോദ്യങ്ങള്‍ ഡൗണ്‍ലോഡ് ചെയ്‌തെടുക്കാവുന്നതാണ്.
Click Here to Download Mal Medium Question Bank
Click Here to Download Eng Medium Question Bank

Tuesday, February 26, 2019

SSLC 2019- IT Examination Forms

      SSLC IT Practical പരീക്ഷ 2019 മാര്‍ച്ച് മാസം ഒന്നാം തായിതി മുതല്‍ ആതംഭിക്കുകയാണല്ലോ. മുമ്പ് പ്രഖ്യാപിച്ചതില്‍ നിന്ന് വ്യത്യസ്‌ഥമായി മാര്‍ച്ച് 11നുള്ളില്‍ പരീക്ഷ അവസാനിപ്പിച്ചാല്‍ മതി എന്ന് പരീക്ഷാഭവന്‍ നിര്‍ദ്ദേശം ലഭിച്ചിട്ടുണ്ട്. ഫെബ്രുവരി 28നാണ് ഇന്‍സ്റ്റലേഷന്‍ നടത്തേണ്ടത്. മുല്‍വര്‍ഷങ്ങളിലേത് പോലെ പരീക്ഷക്ക് മുന്നോടിയായി വിവിധ ഫോമുകള്‍ തയ്യാറാക്കുന്നതിനും ലാബുകള്‍ സജ്ജീകരിക്കുന്നതിനുമായി മുമ്പ് പ്രസിദ്ധീകരിച്ച സ്‌പ്രെഡ്ഷീറ്റ് മാതൃക പരിഷ്കരിച്ച് അവതരിപ്പിക്കുകയാണ്. 2016ല്‍ ശ്രീ സുഷേണ്‍ മാഷ് തയ്യാറാക്കിയ മാതൃകാ ഫോം പരിഷ്‌കരിച്ചതാണ് ഇത്. ഇതിലെ ഡേറ്റാ പേജിലെ പച്ച കള്ളികളില്‍ അടിസ്ഥാന വിവരങ്ങള്‍ നല്‍കിയാല്‍ തുടര്‍ന്നുള്ള P3, P4, P5, P7 എന്നീ ഷീറ്റുകളില്‍ നിന്നും പ്രസ്തുത ഫോമുകള്‍ പ്രിന്റ് എടുക്കാവുന്നതാണ്. 1000 കുട്ടികള്‍ വരെയുള്ള വിദ്യാലയങ്ങള്‍ക്ക് തയ്യാറാക്കിയതിനാല്‍ പ്രിന്റ് എടുക്കുമ്പോള്‍ പ്രിവ്യൂ നോക്കി ആവശ്യമായ ഷീറ്റുകള്‍ മാത്രം എടുക്കാന്‍ ശ്രദ്ധിക്കേണ്ടതാണ്
P6,P8 എന്നിവയും മറ്റ് ഏതാനും ഫോമുകളും പി ഡി എഫ് രൂപത്തിലാണ് നല്‍കിയിരിക്കുന്നത്.
CLICK HERE for Various IT Forms(Updated)(Excel Format) 
CLICK HERE for Notice to Children(For Pasting at Lab)
CLICK HERE for Form P6
Click Here for Form P8
Click Here for the Certificate by Invigilator
Click Here for SSLC IT Examination2019 Circular

Thursday, February 21, 2019

SSLC Model Exam 2019 Answer Keys

SSLC Model പരീക്ഷയുടെ ലഭ്യമായ ഉത്തര സൂചികകള്‍ ആണ് ചുവടെ ലിങ്കുകളില്‍ . ഛത്തര സൂചികകള്‍ തയ്യാറാക്കുന്നവര്‍ sitcforumpkd@gmail.com എന്ന വിലാസത്തില്‍ അയച്ച് തന്നാല്‍ പ്രസിദ്ധീകരിക്കുന്നതാണ്

SSLC A List Spreadsheet ആയി

SSLC പരീക്ഷക്ക് ഇരിക്കുന്ന കുട്ടികളുടെ A List പി ഡി എഫ് രൂപത്തിലാണ് പരീക്ഷാഭവന്‍ സൈറ്റില്‍ നിന്നും ലഭിക്കുക. എന്നാല്‍ വിവിധ ആവശ്യങ്ങള്‍ക്കായി വിദ്യാലയങ്ങള്‍ക്ക് ഇവ എക്‌സല്‍ മാതൃകയില്‍ ലഭിച്ചാല്‍ നന്നായിരുന്നു എന്ന അഭിപ്രായത്തിന്റെ അടിസ്ഥാനത്തില്‍ ഇതിന് അനുയോദ്യമായ ഒരു Libre Office Calc Macro Application തയ്യാറാക്കി നല്‍കിയിരിക്കുകയാണ് കുണ്ടൂര്‍കുന്ന് TSNMHS ലെ ശ്രീ പ്രമോദ് മൂര്‍ത്തി സാര്‍. ബ്ലോഗിനായി ഇത് തയ്യാറാക്കി നല്‍കിയ പ്രമോദ് മൂര്‍ത്തി സാറിന് നന്ദി
  •  ചുവടെ ലിങ്കില്‍ നിന്നും ലഭിക്കുന്ന mnp_2019_New.ods എന്ന ഫയല്‍ ഡൗണ്‍ലോഡ് ചെയ്ത് സേവ് ചെയ്യുക.
  • തുടര്‍ന്ന് സമ്പൂര്‍ണയില്‍ നിന്നും ലഭിക്കുന്ന A List Report (Draft) എന്നത് ഡൗണ്‍ലോഡ് ചെയ്ത് സ്പ്രെഡ്ഷീറ്റ് Formatല്‍ സേവ് ചെയ്യുക.
  • ഈ ഫയല്‍ തുറന്ന് ഇതിനെ Edit -> Select All , Edit -> Copy ചെയ്‌ത് മുമ്പ് സേവ് ചെയ്തിരിക്കുന്ന mnp_2019_New.ods എന്നതിലെ Worksheet 1 എന്ന ഷീറ്റിലെ A1 സെല്‍ സെലക്ട് ചെയ്‌ത് Edit-> Paste വഴി പേസ്റ്റ് ചെയ്യുക.
  • തുടര്‍ന്ന് Admission No എന്ന ഷീറ്റില്‍ ആദ്യ രജിസ്റ്റര്‍ നമ്പര്‍, അവസാന രജിസ്റ്റര്‍ നമ്പര്‍ ഇവ നല്‍കുക.
  • തുടര്‍ന്ന് View -> ToolBars-> A List Generator എന്നതില്‍ ടിക്ക് മാര്‍ക്ക് നല്‍കുക
  • ഇതോടെ SSLC_2019_Alist_Generator എന്ന ടൂള്‍ബാര്‍ ദൃശ്യമാകും. ഇതില്‍ ക്ലിക്ക് ചെയ്‌ത് അല്‍പ്പനേരം കാത്തിരിക്കുക.
  • പെണ്‍ , ആണ്‍, M/S/A/U എന്ന ക്രമത്തില്‍ തയ്യാറാക്കിയ രജിസ്റ്റര്‍ നമ്പറോട് ചേര്‍ന്ന എ ലിസ്റ്റ് ലഭ്യമാകും.

ശ്രദ്ധിക്കുക :-Tools-Options-Security-MacroSecurity-Low എന്ന ക്രമത്തില്‍ Reset ചെയ്താല്‍ മാത്രമേ ഈ Macro പ്രവര്‍ത്തിക്കുകയുള്ളു. 
Click Here to Download mnp2019_New.ods
  

Wednesday, February 20, 2019

PDF Compressor


         ഒരു PDF ഫയലിന്റെ സൈസ് കംപ്രസ്സ് ചെയ്യുവാനുള്ള സോഫ്റ്റ്‌വെയര്‍ തയ്യാറാക്കി നല്‍കിയിരിക്കുന്നത് കുണ്ടൂര്‍കുന്ന് TSNMHS ലെ ശ്രീ പ്രമോദ് മൂര്‍ത്തി സാറാണ്.ഇതിനായി ചുവടെ നല്‍കിയിരിക്കുന്ന ലിങ്കിലുള്ള  gampdf-compressor.debന്ന ഫയല്‍ install ചെയ്ത് Application -‍> UniversalAccess എന്ന ക്രമത്തില്‍ RUN ചെയ്യുക. ഇതിനുമുമ്പായി കംപ്രസ് ചെയ്യേണ്ട പി ഡി എഫ് ഫയലിന്റെ Filenameല്‍ Blank Space ഉണ്ടെങ്കില്‍ അവ ഒഴിവാക്കേണ്ടതാണ്
Click Here to Download gampdf-compressor.deb

Sunday, February 17, 2019

സമേതം വിശദാംശങ്ങള്‍ പി ഡി എഫ് രൂപത്തില്‍


    സംസ്‌ഥാനത്തെ എല്ലാ വിദ്യാലയങ്ങളുടെയും അടിസ്ഥാനവിവരങ്ങള്‍ ലഭ്യമാക്കുന്നതിന് KITE തയ്യാറാക്കിയ സോഫ്റ്റ്‌വെയറാണല്ലോ സമേതം (Click Here to get സമേതം.)ഇക്രകാരം സമേതത്തില്‍ ദൃശ്യമാകുന്ന വിവരങ്ങളെ  pdf രൂപത്തില്‍ തയ്യാറാക്കുവാനൊരു പ്രോഗ്രാം തയ്യാറാക്കി നല്‍കിയിരിക്കുന്നത് പാലക്കാട് ജില്ലയിലെ കുണ്ടൂര്‍കുന്ന് TSNMHSലെ ശ്രീ പ്രമോദ് മൂര്‍ത്തി സാറാണ്. ഇതോടൊപ്പമുള്ള സോഫ്റ്റ്‌വെയര്‍ ഇന്‍സ്റ്റാള്‍ ചെയ്‌തതിന് ശേഷം Application -> Universal Access -> Sametham_Data എന്ന ക്രമത്തില്‍ തുറക്കുമ്പോള്‍ തുറന്നു വരുന്ന ജാലകത്തിലെ കള്ളിയില്‍ സ്കൂള്‍ കോഡ് ടൈപ്പ് ചെയ്ത് ENTER അമര്‍ത്തി അല്പനേരം കാത്തിരിക്കുക.

How to install :

ആദ്യം sametham_pdf.deb എന്ന ഫയല്‍ ഇന്‍സ്റ്റാള്‍ ചെയ്യുക.

തുടര്‍ന്ന് sametham-data_0.0-1.deb എന്ന ഫയലും.

How to Run :

Application - UniversalAccess-Sametham_Data എന്ന ക്രമം

Click Here to Download sametham_pdf.deb 

Click Here to Download sametham-data_0.0-1.deb

Facts & Formulas for SSLC Maths


         ഈ വര്‍ഷം എസ് എസ് എല്‍ സി പരീക്ഷക്ക് തയ്യാറെടുക്കുന്ന കുട്ടികള്‍ക്കായി ഗണിതത്തിലെ എല്ലാ ആശയങ്ങളെയും ഉള്‍പ്പെടുത്തി അവയിലെ സൂത്രവാക്യങ്ങളുടെ ഒരു ശേഖരം തയ്യാറാക്കി അയച്ച് തന്നിരിക്കുന്നത് കല്ലിങ്കല്‍പാടം ഗവ ഹൈസ്കൂളിലെ ഗണിതാധ്യാപകനായ ശ്രീ വി കെ ഗോപീകൃഷ്‌ണന്‍ സാറാണ്. ചുവടെ ലിങ്കില്‍ നിന്നും ഇത് ഡൗണ്‍ലോഡ് ചെയ്‌തെടുക്കാവുന്നതാണ്. ഇവ തയ്യാറാക്കി ബ്ലോഗുമായി പങ്ക് വെച്ച ഗോപീകൃഷ‌ണല്‍ സാറിന് ബ്ലോഗ് ടീമിന്റെ നന്ദി.

Click Here to Download the collection of Mathematics facts and formulas for Class X

Friday, February 15, 2019

SSLC 2019 -ചീഫ് സൂപ്രണ്ടുമാരുടെ ശ്രദ്ധക്ക്

 ഈ വര്‍ഷത്തെ എസ് എസ് എല്‍ സി പരീക്ഷ മാര്‍ച്ച് 13-ന് ആരംഭിച്ച് 28 ന് അവസാനിക്കുകയാണല്ലോ. പരീക്ഷക്ക് മുന്നോടിയായി പ്രധാനാധ്യാപകര്‍ക്കായി പരീക്ഷാഭവന്‍ ജില്ലാടിസ്ഥാനത്തില്‍ സംഘടിപ്പിച്ച പരിശീലനത്തില്‍ വ്യക്‌തമാക്കിയ വിവരങ്ങള്‍ താഴെ
  • എസ് എസ് എല്‍ സി പരീക്ഷയുടെ പുതുക്കിയ ടൈംടേബിള്‍ ഇവിടെ
  • എസ് എസ് എല്‍ സി മോഡല്‍ പരീക്ഷയുടെ  ടൈംടേബിള്‍ പുതുക്കിയ സമയപ്രകാരമുള്ളത് (ഇവിടെ) കുട്ടികള്‍ക്ക് നല്‍കണം. രണ്ട് ടൈംടേബിളുകളും സ്കൂള്‍ നോട്ടീസ് ബോര്‍ഡില്‍ പ്രദര്‍ശിപ്പിക്കണം.
  • IT പ്രാക്‌ടിക്കല്‍ പരീക്ഷ ഇന്‍സ്റ്റലേഷന്‍ ഫെബ്രുവരി 27നും പ്രാക്ടിക്കല്‍ പരീക്ഷ 28 നും ആരംഭിക്കും. 8ന് അവസാനിപ്പിക്കണം
  • ഐ ടി പ്രാക്ടിക്കല്‍ പരീക്ഷ ആദ്യംദിവസം തന്നെ ആരംഭിക്കണമെന്നും അവസാന ദിവസങ്ങളിലേക്ക് മാറ്റി വെച്ച് വൈദ്യുതി ഇല്ലാത്തതിന്റെ പേരില്‍ ജനറേറ്റര്‍ ഉപയോഗിച്ചാല്‍ അതിന്റെ ചിലവ് ലഭിക്കാന്‍ സാധ്യത കുറവെന്നും പറഞ്ഞു
  • ഐ ടി പരീക്ഷ പൂര്‍ത്തിയാകുന്ന ദിവസം തന്നെ സ്കോറുകള്‍ അപ്‌ലോഡ് ചെയ്യണം
  • എസ് എസ് എല്‍ സി A Listലെ മലയാളം ഫോണ്ടുകള്‍ പരീക്ഷ ഭവന്‍ തന്നെ തിരുത്തുമെന്നും ഇക്കാര്യത്തില്‍ ആശങ്ക വേണ്ടെന്നും അറിയിച്ചു.
  • ചോദ്യപേപ്പര്‍ ഇന്‍ഡന്റിന്റെ ഒരു കോപ്പി സ്കൂളില്‍ സൂക്ഷിക്കുന്നതോടൊപ്പം ഒരു കോപ്പി DEOയില്‍ നല്‍കാനും നിര്‍ദ്ദേശം
  • ഈ വര്‍ഷം CE Markകള്‍ ഹാള്‍ ടിക്കറ്റില്‍ ഉണ്ടാകാന്‍ സാധ്യതയില്ല.
  • ക്യാന്‍സലേഷന്‍ നടത്തുമ്പോള്‍ മരിച്ചു പോയ കുട്ടിയുടെ കാര്യത്തില്‍ പ്രധാനാധ്യാപകന്‍ നല്‍കുന്ന ഡിക്ലറേഷന്‍ ആവശ്യമുള്ളു
  • ഹാള്‍ ടിക്കറ്റുകള്‍ ഫെബ്രുവരി 18 മുതല്‍ 24 വരെ ലഭിക്കും
  • ഗ്രേസ് മാര്‍ക്ക് എന്‍ട്രി, ഹാള്‍ടിക്കറ്റ് ലഭിച്ചതിന് ശേഷം പൂര്‍ത്തീകരിക്കത്തക്ക വിധത്തില്‍ സമയക്രമത്തില്‍ മാറ്റം വരാം
  • പ്രസിദ്ധീകരിച്ച എ ലിസ്റ്റില്‍ കുട്ടിയുടെ Gender , Language ,Medium ഇവയില്‍ തെറ്റുകള്‍ സംഭവിച്ചാല്‍ തിരുത്തലുകള്‍ വരുത്തിയാലും രജിസ്റ്റര്‍ നമ്പ‍ര്‍ മാറില്ല എന്നതിനാല്‍ പരീക്ഷാ ദിവസങ്ങളില്‍ ഇവരെ രജിസ്റ്റര്‍ നമ്പര്‍ പ്രകാരമുള്ള റൂമുകളിലേ ഇരുത്താവൂ.
  • CWSN വിദ്യാര്‍ഥികളില്‍ കണക്ക്,ഭാഷ ഇവക്ക് പകരം മറ്റ് വിഷയങ്ങള്‍ തിരഞ്ഞെടുത്ത വിദ്യാര്‍ഥികളുടെ CE സ്കോറുകള്‍ അതത് വിഷയങ്ങളിലാണ് നല്‍കേണ്ടത്
  • CWSN വിദ്യാര്‍ഥികളില്‍ കണക്ക് ഭാഷ ഇവക്ക് പകരം മറ്റ് വിഷയങ്ങള്‍ തിരഞ്ഞെടുത്ത വിദ്യാര്‍ഥികളുടെ  പരീക്ഷ ഏപ്രില്‍ 2,3,4 തീയതികളിലാവും നടക്കുക. ജില്ലയില്‍ ഒരു പരീക്ഷാ കേന്ദ്രം മാത്രമേ കാണൂ.
  • ഈ വര്‍ഷം മുതല്‍ ഐ ടി പരീക്ഷക്ക് ഗ്രേസ് മാര്‍ക്ക് ആനുകൂല്യം ലഭിക്കും.
  • പരീക്ഷാ ആനുകൂല്യമുള്ള ഉള്ള വിദ്യാര്‍ഥികളുടെ ഉത്തരക്കടലാസുകള്‍ അയക്കുമ്പോള്‍ അവയില്‍ ചുവന്ന മഷിയില്‍ ഉത്തരവിന്റെ നമ്പര്‍, ഉത്തരവ് തീയതി, വിഭാഗം, ആനുകൂല്യം ഇവ രേഖപ്പെടുത്തിയിരിക്കണം. MR,HI വിഭാഗം വിദ്യാര്‍ഥികള്‍ക്ക് മാത്രമാണ് ഗ്രേസ് മാര്‍ക്ക് ലഭിക്കുക. MR വിഭാഗത്തില്‍ ജയിക്കുന്നതിനാവശ്യമായ മാര്‍ക്കും(ലഭിച്ച മാര്‍ക്കിന്റെ 25% കണക്കാക്കുമ്പോള്‍) HI വിഭാഗത്തിന് ലഭിച്ച മാര്‍ക്കിന്റെ 25% വും ആയിരിക്കും ഗ്രേസ് മാര്‍ക്ക്. Extra Time ആനുകൂല്യം ലഭിച്ച വിദ്യാര്‍ഥികള്‍ക്ക് ഒരു മണിക്കൂറിന് 10 മിനിട്ട് എന്ന അനുപാതത്തില്‍ എക്‌സ്ട്രാ ടൈം നല്‍കണം
  • സ്ക്രൈബ് , ഇന്റര്‍പ്രെട്ടര്‍ ആനുകൂല്യമുള്ള കുട്ടികളെ പ്രത്യേകം മുറിയില്‍ ഇരുത്തണം LD വിഭാഗത്തില്‍ 8 കുട്ടികള്‍ക്ക് ഒരു ഇന്റര്‍പ്രെട്ടറും മറ്റ് വിഭാഗങ്ങളില്‍ നാലിന് ഒന്ന് എന്ന ക്രമത്തിലും ഇന്റര്‍പ്രെട്ടരെ നിയോഗിക്കാം. ഈ കുട്ടികളെ ഒരാള്‍ പറയുന്നത് മറ്റ് കുട്ടി കേള്‍ക്കാത്ത വിധത്തില്‍ ഇരുത്തുകയും ഇന്‍വിജിലേറ്റര്‍ ഉണ്ടാവുകയും വേണം.
  • Question Paper Statementല്‍ എന്തെങ്കിലും തെറ്റുകള്‍ ഉണ്ടെങ്കില്‍ ആ വിവരം DEOയെ അറിയിക്കണം
  • ഇന്‍വിജിലേറ്റര്‍മാരെ നിയമിക്കുമ്പോള്‍ ഓരോ വിദ്യാലയത്തിനും അധികമായ നല്‍കുന്ന ഇന്‍വിജിലേറ്റര്‍മാരെ പൂര്‍ണ്ണമായും ഒഴിവാക്കരുതെന്നും റൊട്ടേഷന്‍ അടിസ്ഥാനത്തിലാവണം ഡ്യൂട്ടി നല്‍കേണ്ടതെന്നും നിര്‍ദ്ദേശം
  • സ്ക്രൈബിന്റെ സേവനം ആവശ്യമുള്ളവര്‍ അവരെ നേരത്തെ തയ്യാറാക്കണം
  • പരീക്ഷ തുടങ്ങുന്ന ആദ്യ ദിവസം 11 മണിക്ക് ഇന്‍വിജിലേറ്റര്‍മാരുടെ യോഗം ചേരണം



Disclaimer

മുന്നറിയിപ്പ് : ഇവിടെ ലഭ്യമാക്കിയിരിക്കുന്ന വിവരങ്ങള്‍, വിവിധ സൈറ്റുകളില്‍ നിന്നും ലഭിച്ചവയാണ്, അവയുടെ ആധികാരികത ഉറപ്പാക്കേണ്ടത് വായനക്കാരാണ്. ലഭ്യമായ വിവരങ്ങള്‍ പ്രദര്‍ശിപ്പിക്കുന്നുവെന്നേയുള്ളൂ. തീര്‍ത്തും അനൗദ്യോഗികം.!