സംസ്ഥാനത്തെ സര്‍ക്കാര്‍ / എയ്‍ഡഡ് സ്‍കൂളുകളിലെ 9, 10 ക്ലാസുകളില്‍ പഠിക്കുന്ന OBC, EBC വിദ്യാര്‍ഥികള്‍ക്ക് നല്‍കുന്ന പി എം യശ്വസി സ്കോളര്‍ഷിപ്പിന് അപേക്ഷ ക്ഷണിച്ചു. മാര്‍ക്ക് , വരുമാനം എന്നിവയുടെ അടിസ്ഥാനത്തില്‍ തിരഞ്ഞെടുക്കുന്ന വിദ്യാര്‍ഥികള്‍ക്ക് പ്രതിവര്‍ഷം 4000 രൂപ വീതം ലഭിക്കുന്ന പദ്ധതിയിലേക്ക് ജൂണ്‍ 15നകം ഇ-ഗ്രാന്റ്‍സ് പോര്‍ട്ടല്‍ മുഖേന അപേക്ഷ സമര്‍പ്പിക്കണം. സ്കോളര്ഷിപ്പ് ആയി ബന്ധപ്പെട്ട പ്രധാന നിര്‍ദ്ദേശങ്ങള്‍ ചുവടെ
- സര്‍ക്കാര്‍ / എയ്‍ഡഡ് സ്‍കൂളുകളില്‍ 9, 10 ക്ലാസുകളില്‍ പഠിക്കുന്ന OBC, Economically Backword Community വിഭാഗത്തില്‍ പെട്ട വിദ്യാര്‍ഥികള്‍ക്കാണ് അപേക്ഷിക്കാവുന്നത്.അപേക്ഷിക്കാവിന്ന വിഭാഗങ്ങളുടെ ലിസ്റ്റ് ചുവടെ
- OEC ആനുകൂല്യത്തിന് അപേക്ഷിച്ച വിദ്യാര്‍ഥികള്‍ക്കും ഈ പദ്ധതി മുഖേന അപേക്ഷ സമര്‍പ്പിക്കാവുന്നതാണ്.
- ന്യൂനപക്ഷ വിഭാഗത്തില്‍ പെട്ട വിദ്യാര്‍ഥികള്‍ക്ക് മൈനോരിറ്റി സ്കോളര്ഷിപ്പ് നിലവിലുള്ളതിനാല്‍ അപേക്ഷിക്കേണ്ടതില്ല
- കുടുംബ വാര്‍ഷിക വരുമാന പരിധി രണ്ടര ലക്ഷം രൂപ. ആദ്യമായി അപേക്ഷ സമര്‍പ്പിക്കുമ്പോള്‍ ഇ-ഡിസ്ട്രിക്ട് പോര്‍ട്ടല്‍ മുഖേന ലഭിക്കുന്ന വരുമാന സര്‍ട്ടിഫിക്കറ്റ് ഹാജരാക്കണം
- പ്രവേശനസമയത്ത് ജാതി തെളിയിക്കുന്ന രേഖ സമര്‍പ്പിച്ചിട്ടില്ലാത്തവര്‍ ജാതി തെളിയിക്കുന്ന രേഖ ഹാജരാക്കണം. അന്യ സംസ്ഥാനത്ത് നിന്നും വന്ന് താമസിക്കുന്നവര്‍ റവന്യൂ അധികാരികളില്‍ നിന്നുള്ള രേഖയാണ് ഹാജരാക്കേണ്ടത്
- ആധാര്‍ സീഡഡ് ബാങ്ക് അക്കൗണ്ട് ഉണ്ടായിരിക്കണം
- ഒരു കുടുംബത്തിലെ രണ്ടില്‍ കൂടുതല്‍ ആണ്‍കുട്ടികള്‍ക്ക് അപേക്ഷ സമര്‍പ്പിക്കാന്‍ പാടുള്ളതല്ല. ഈ നിബന്ധന പെണ്‍കുട്ടികള്‍ക്ക് ബാധകമല്ല
- മാര്‍ക്ക് അല്ലെങ്കില്‍ ഗ്രേഡിന്റെ ശതമാനമാണ് ഇ-ഗ്രാന്റ്‍സ് സൈറ്റില്‍ രേഖപ്പെടുത്തേണ്ടത്
- ജാതി, വരുമാനം, മാര്‍ക്ക് എന്നിവയുമായി ബന്ധപ്പെട്ട രേഖകള്‍ സ്‍കൂളില്‍ സൂക്ഷിക്കേണ്ടതും പരിശോധനക്ക് ആവശ്യപ്പെടുന്ന അവസരത്തില്‍ ഹാജരാക്കേണ്ടതുമാണ്
- ഇ-ഡിസ്ട്രിക്ട് പോര്‍ട്ടല്‍ മുഖേന ലഭിക്കുന്ന വരുമാന സര്‍ട്ടിഫിക്കറ്റിന്റെ നമ്പര്‍ സെക്യൂരിറ്റി കോഡ് എന്നിവ രേഖപ്പെടുത്തണം
- USS, NMMS,NTSE സ്കോളര്‍ഷിപ്പുകള്‍ ലഭിക്കുന്നവര്‍ക്കും അപേക്ഷിക്കാവുന്നതാണ്
Click Here for PM Yaswasi 2025-26 Circular
Click Here for Eligible Caste List for PM Yaswasi Scholarship
Click Here for Application form for P M Yaswasi