സംസ്ഥാന അധ്യാപക അവാർഡുകൾ പ്രഖ്യാപിച്ചു. ലോവർ പ്രൈമറി, അപ്പർ പ്രൈമറി, സെക്കൻഡറി, ഹയർ സെക്കൻഡറി വിഭാഗങ്ങളിൽ 5 അധ്യാപകരെ വീതവും, വൊക്കേഷണൽ, ഹയർ സെക്കൻഡറി വിഭാഗത്തിൽ 2 അധ്യാപകരെയുമാണ് 2021-22 വർഷത്തെ അവാർഡിന് തെരഞ്ഞെടുത്തത്.
പാഠ്യ-പാഠ്യേതര രംഗങ്ങളിലെ പ്രവർത്തനം പരിഗണിച്ചും, മാതൃകാ ക്ലാസ്സ് അവതരണം, അഭിമുഖം എന്നിവയിലെ പ്രകടനം കൂടി വിലയിരുത്തിയുമാണ് പൊതുവിദ്യാഭ്യാസ പ്രിൻസിപ്പൽ സെക്രട്ടറി ചെയർമാനും, പൊതുവിദ്യാഭ്യാസ ഡയറക്ടർ കൺവീനറും, എസ്.സി.ഇ.ആർ.ടി, എസ്.എസ്.കെ, എസ്.ഐ.ഇ.ടി. ഡയറക്ടർമാർ അംഗങ്ങളുമായ സമിതിയാണ് സംസ്ഥാന അവാർഡ് ജേതാക്കളെ തെരഞ്ഞെടുത്തത്.
അവാർഡുകൾ ഈ മാസം 16 ന് വൈകീട്ട് 3 ന് തിരുവനന്തപുരം തമ്പാനൂർ ശിക്ഷക് സദനിൽ മന്ത്രി വി.ശിവൻകുട്ടി വിതരണം ചെയ്യും. മന്ത്രി ആന്റണി രാജു അധ്യക്ഷത വഹിക്കും. പ്രൊഫ.ജോസഫ് മുണ്ടശ്ശേരി സ്മാരക സാഹിത്യ അവാർഡും ചടങ്ങിൽ വിതരണം ചെയ്യും.
ജേതാക്കൾ:
ഹയർ സെക്കൻഡറി വിഭാഗം:
- സീമാ കനകാമ്പരൻ, പ്രിൻസിപ്പാൾ, എസ്.എൻ.ഡി.പി എച്ച്.എസ്.എസ്, ആലുവ.,
- ബീന.ടി.എസ്, പ്രിൻസിപ്പാൾ, ഗവ.മോഡൽ എച്ച്.എസ്.എസ്, വെങ്ങാനൂർ, തിരുവനന്തപുരം.
- പ്രമോദ് വി.എസ്, എച്ച്.എസ്.എസ് ടി, എസ്.എൻ.വി സംസ്കൃതം ഹയർ സെക്കൻഡറി, നോർത്ത് പരവൂർ, എറണാകുളം.
- സാജൻ കെ.എച്ച്, പ്രിൻസിപ്പാൾ, ഗവ.എച്ച്.എസ്.എസ്, പെരിങ്ങോട്ടുകര, തൃശൂർ.
- മാത്യു എൻ. കുര്യാക്കോസ്, പ്രിൻസിപ്പാൾ, സെന്റ് തോമസ് എച്ച്. എസ്.എസ്, പാലാ, കോട്ടയം.
യു.പി വിഭാഗം:
- മണികണ്ഠൻ. വി.വി, പി.ടി ടീച്ചർ, വി.വി യുപി സ്കൂൾ, ചേന്നര, മലപ്പുറം
- കെ. ശിവപ്രസാദ്, യു.പി.എസ്.ടി, വി.വി.എ.യു.പി.എസ്, കുണ്ടൂർകുന്ന് പി.ഒ, മണ്ണാർകാട്, പാലക്കാട്.
- മുഹമ്മദ് ഇല്യാസ് കാവുങ്ങൽ, പി.ടി ടീച്ചർ, ജി.വി എച്ച്.എസ്.എസ്, മഞ്ചേരി മലപ്പുറം.
- സന്തോഷ് കുമാർ എ.വി, യു.പി.എസ്.ടി, എ.യു.പി.എസ്, ഉദിനൂർ സെൻട്രൽ, കാസർകോട്.
- മിനി മാത്യു, പ്രഥമാധ്യാപിക, ജി.യു.പി.എസ്, നോർത്ത് വാഴക്കുളം, എറണാകുളം.
എൽ.പി വിഭാഗം:
- ആശ.എസ്.കെ, പി.ടി ടീച്ചർ, ഗവ.എൽ.പി.എസ്, കരിങ്കുന്നം, ഇടുക്കി
- ഷർമിള ദേവി എസ്, പ്രഥാമാധ്യാപിക, ഗവ.എസ്.എസ്.എൽ.പി.എസ്, കരമന, തിരുവനന്തപുരം.
- സാബു പുല്ലാട്ട്, പ്രഥമാധ്യാപകൻ, സി.എം.എസ് എൽ.പി.എസ് എണ്ണൂറാം വയൽ, വെച്ചൂച്ചിറ, പത്തനംതിട്ട.
- നജീറാ എം.പി, ഫുൾടൈം അറബിക് ടീച്ചർ, പാപ്പിനിശേരി, വെസ്റ്റ് യു.പി.എസ്, കണ്ണൂർ.
- കൃഷ്ണകുമാർ പള്ളിയത്ത്, പി.ടി ടീച്ചർ, ജി.ബി എൽ.പി.എസ്, ആരിക്കാടി, കാസർകോഡ്.
വൊക്കേഷണൽ ഹയർ സെക്കൻഡറി:
- അബ്ദുൾ മജീദ് എം.പി, നോൺ വൊക്കേഷണൽ ടീച്ചർ, റഹുമാനിയ വി.എച്ച്.എസ്.എസ് ഫോർ ഹാൻഡിക്യാപ്ഡ്, മെഡിക്കൽ കോളജ് പി.ഒ, കോഴിക്കോട്.,
- നാരായണൻ നമ്പൂതിരി പി.പി, പ്രിൻസിപ്പാൾ, ശ്രീകൃഷ്ണ വി.എച്ച്.എസ്.എസ്, കുറിച്ചിത്താനം, കോട്ടയം.
സെക്കൻഡറി വിഭാഗം:
- ശ്രീലത യു.സി, പ്രഥമാധ്യാപിക, ഗവ. ഹയർ സെക്കൻഡറി സ്കൂൾ, മാവൂർ, കോഴിക്കോട്.,
- സരസു കെ.എസ്, എച്ച്.എസ്.ടി, മാത്സ്, ജി.എച്ച്.എസ്, കുഴൂർ, തൃശൂർ.,
- ജോൺസൺ ഐ, പ്രഥമാധ്യാപകൻ, ഫാത്തിമ മാതാ എച്ച്.എസ്, ചിന്നക്കനാൽ, ഇടുക്കി.,
- സിസ്റ്റർ ജിജി പി.ജെയിംസ്, എച്ച്.എസ്.ടി നാച്ചുറൽ സയൻസ്, സെന്റ് മേരീസ് ജി.എച്ച്.എസ് കാഞ്ഞിരപ്പള്ളി, കോട്ടയം.,
- സുബാഷ് ബി, പ്രഥമാധ്യാപകൻ, കെ.കെ.കെ.വി.എം എച്ച്.എസ്.എസ് പോത്തപ്പള്ളി തെക്ക്, ആലപ്പുഴ.