2013
ഏപ്രില്‍ ഒന്നിനു ശേഷം സംസ്ഥാന സര്‍ക്കാര്‍ സര്‍വ്വീസില്‍ പ്രവേശിച്ചവരും
നാഷണല്‍ പെന്‍ഷന്‍ പദ്ധതിയിയുടെ പരിധിയില്‍ വരുന്നവരുമായ എല്ലാ ജീവനക്കാരും
മെയ് മാസത്തിനുളളില്‍ പെര്‍മനന്റ് റിട്ടയര്‍മെന്റ് അക്കൗണ്ട് നമ്പര്‍
(PRAN) എടുത്തിട്ടുണ്ട്/ അപേക്ഷിച്ചിട്ടുണ്ടെന്ന് ഉറപ്പുവരുത്തണമെന്ന്
എല്ലാ ഡ്രോയിംഗ് ആന്‍ഡ് ഡിസ്‌ബേഴ്‌സിംഗ് ഓഫീസര്‍മാര്‍ക്കും നിര്‍ദ്ദേശം
നല്‍കി ധന വകുപ്പ് സര്‍ക്കുലര്‍ പുറപ്പെടുവിച്ചു. തങ്ങളുടെ ഓഫീസിന്റെ
പരിധിയില്‍ വരുന്നവരും നാഷണല്‍ പെന്‍ഷന്‍ സ്‌കീമില്‍
ഉള്‍പ്പെട്ടിട്ടുളളവരുമായ എല്ലാ ജീവനക്കാരും പെര്‍മനന്റ് റിട്ടയര്‍മെന്റ്
അക്കൗണ്ട് നമ്പര്‍ (PRAN) എടുത്തിട്ടുണ്ട്/ അപേക്ഷിച്ചിട്ടുണ്ടെന്ന
സര്‍ട്ടിഫിക്കറ്റ് എല്ലാ ഡി.ഡി.ഒ. മാരും ജൂണ്‍ മാസത്തെ ശമ്പള
ബില്ലിനോടൊപ്പം സമര്‍പ്പിക്കണമെന്നും സര്‍ക്കുലറില്‍
നിര്‍ദ്ദേശിച്ചിട്ടുണ്ട്.