ഏകജാലക
സംവിധാനത്തിലും സ്‌പോര്‍ട്‌സ് ക്വാട്ടയിലും പ്രവേശനം നേടിയ
വിദ്യാര്‍ത്ഥികള്‍ക്ക് ആവശ്യമെങ്കില്‍ സ്‌കൂള്‍/കോമ്പിനേഷന്‍ മാറ്റത്തിന് സെപ്തംബര്‍ മൂന്ന് മുതല്‍ സെപ്തംബര്‍ നാലിന് ഉച്ചയ്ക്ക് മൂന്ന്
മണിവരെ പ്രവേശനം നേടിയ സ്‌കൂളുകളില്‍ അപേക്ഷിക്കാം. ജില്ലയ്ക്കകത്തോ
പുറത്തോ ഉള്ള സ്‌കൂളുകളിലേക്ക്/ കോമ്പിനേഷനുകളിലേക്കും മാറ്റത്തിന്
അപേക്ഷിക്കാം. മെറിറ്റടിസ്ഥാനത്തില്‍ മാറ്റം അനുവദിച്ചുകൊണ്ടുള്ള
ട്രാന്‍സ്ഫര്‍ അലോട്ട്‌മെന്റ് റിസള്‍ട്ടും സ്‌കൂള്‍/കോമ്പിനേഷന്‍
ട്രാന്‍സ്ഫറിന് ശേഷമുള്ള വേക്കന്‍സി വിവരവും സെപ്തംബര്‍ അഞ്ചിന്
പ്രസിദ്ധപ്പെടുത്തും. പ്രവേശനം നേടാന്‍ ആഗ്രഹിക്കുന്ന
വിദ്യാര്‍ത്ഥികള്‍ക്ക് സെപ്തംബര്‍ ആറിന് വൈകിട്ട് നാല് മണിവരെ
അപേക്ഷിക്കാം. വിശദാംശങ്ങള്‍ സെപ്തംബര്‍ അഞ്ചിന് വെബ്‌സൈറ്റില്‍
പ്രസിദ്ധീകരിക്കും.