അഷ്വേര്‍ഡ് പെന്‍ഷന്‍ ഏപ്രില്‍ ഒന്നുമുതല്‍ ഏര്‍പ്പെടുത്തി ഉത്തരവായി . ഇത് സംബന്ധിച്ച് ധനകാര്യമന്ത്രിയുടെ ഓഫീസ് പുറത്തിറക്കിയ പത്രക്കുറിപ്പ് ചുവടെ
ധനകാര്യ മന്ത്രിയുടെ ഓഫീസ്
28-02-2026, ശനി
പ്രസിദ്ധീകരണത്തിന്...
തിരുവനന്തപുരം
സംസ്ഥാന സര്‍ക്കാര്‍ ജീവനക്കാര്‍ക്ക് അഷ്വേര്‍ഡ് പെന്‍ഷന്‍ ഉറപ്പാക്കിക്കൊണ്ട് സര്‍ക്കാര്‍ ഉത്തരവായി. നാഷണല്‍ പെന്‍ഷന്‍ സ്കീമിന് പകരമായി അഷ്വേര്‍ഡ് പെന്‍ഷന്‍ സ്കീം കൊണ്ടുവരുമെന്ന് ധനകാര്യ മന്ത്രി കെ.എന്‍. ബാലഗോപാല്‍ ബജറ്റില്‍ പ്രഖ്യാപിച്ചിരുന്നു. ഇതിന്റെ ഭാഗമായാണ് മിനിമം പെന്‍ഷന്‍ ഉറപ്പാക്കുന്ന അഷ്വേര്‍ഡ് പെന്‍ഷന്‍ സ്കീം 2026 ഏപ്രില്‍ ഒന്നുമുതല്‍ പ്രാബല്യത്തില്‍ വരുത്തികൊണ്ട് ഉത്തരവിറക്കിയത്.
2026 ഏപ്രിൽ ഒന്നുമുതല്‍ സര്‍വീസില്‍ പ്രവേശിക്കുന്നവര്‍ക്ക് അഷ്വേര്‍ഡ് പെന്‍ഷന്‍ സ്കീമോ നാഷണല്‍ പെന്‍ഷന്‍ സ്കീമോ തെരഞ്ഞെടുക്കാം. നിലവില്‍ നാഷണല്‍ പെന്‍ഷന്‍ സ്കീമില്‍ ഉള്‍പ്പെട്ടിട്ടുള്ള ജീവനക്കാര്‍ക്ക് അഷ്വേര്‍ഡ് പെന്‍ഷന്‍ സ്കീം തെരഞ്ഞെടുക്കാനും അവസരമുണ്ട്.
വിരമിക്കുന്ന സമയത്തെ അടിസ്ഥാന ശമ്പളത്തിന്റെ 50 ശതമാനമായിരിക്കും അഷ്വേര്‍ഡ് പെന്‍ഷന്‍ സ്കീമിലെ പരമാവധി പെന്‍ഷന്‍ തുക. ഇത് സംസ്ഥാന സര്‍ക്കാര്‍ അനുവദിച്ചിട്ടുള്ള ശമ്പള സ്കെയില്‍ അടിസ്ഥാനമാക്കിയായിരിക്കും
വിശദാംശങ്ങള്‍
- Assuared Pension 2026 ഏപ്രില്‍ 1 ന് പ്രാബല്യത്തില്‍ വരും
- 01.04.2026 ന് ശേഷം സര്‍വീസില്‍ പ്രവേശിക്കുന്നവര്‍ക്ക് NPS ലോ Assuared Pension പദ്ധതിയിലോ വേണ്ടത് തിരഞ്ഞെടുക്കാം
- പരമാവധി Assuared Pension തുക വിരമിക്കുന്ന സമയത്തെ അടിസ്ഥാനശമ്പളത്തിന്റെ 50%. (30 വര്‍ഷം പൂര്‍ത്തിയാക്കിയവര്‍ക്ക് 50% പെന്‍ഷന്‍ ലഭിക്കും)
- അടിസ്ഥാന പെന്‍ഷനോടൊപ്പം Dearness Relief ലഭിക്കും