ഇന്‍കം ടാക്സ് ഇ ഫയലിംഗ് അവസാന തീയതി സെപ്തംബര് 15
2024-25 സാമ്പത്തിക വര്‍ഷത്തെ വരവിന്റെ അടിസ്ഥാനത്തില്‍ ഇന്‍കം ടാക്സ് റിട്ടേണ്‍ ഫയല്‍ ചെയ്യുന്നതിനുള്ള തീയതി 2025 സെപ്തംബര് 15 വരെ ദീര്‍ഘിപ്പിച്ചിട്ടുണ്ട്. ( മുന്‍ വര്‍ഷങ്ങളില്‍ ജൂലൈ 31 ആയിരുന്നു) . 2024 ഏപ്രില്‍ 1 മുതല്‍ 2025 മാര്‍ച്ച് 31 വരെയുള്ള വരുമാനത്തിന്റെ അടിസ്ഥാനത്തില്‍ ഓരോ വ്യക്തിയും സ്വന്തം നിലയില്‍ ആണ് റിട്ടേണ്‍ ഫയല്‍ ചെയ്യേണ്ടത്. ജോലി ചെയ്യുന്ന സ്ഥാപനത്തിന് ഇക്കാര്യത്തില്‍ ബാധ്യതയോ ഉത്തരവാദിത്വമോ ഇല്ല. റിട്ടേണ്‍ ഫയല്‍ ചെയ്യേണ്ട Financial Year 2024-25 ഉം Assessment Year 2025-26 ആണ്.
Taxable Income (Total Income after Deductions) രണ്ടര ലക്ഷത്തില്‍ അധികമുള്ളവരും TDS ഇനത്തില്‍ അധിക തുക അടച്ച് റീഫണ്ട് ആവശ്യമുള്ളവരും Housing Loan Interest വരുമാനത്തില്‍ കുറവ് ചെയ്‍തവരും നിര്‍ബന്ധമായും ഓണ്‍ലൈനായി റിട്ടേണ്‍ ഫയല്‍ ചെയ്യേണ്ടതാണ്. ITR 1 ( ശമ്പളത്തില്‍ നിന്നുള്ള വരുമാനവും നിക്ഷേപങ്ങളില്‍ നിന്നുള്ള വരുമാനവും മാത്രവുമുള്ളവര്‍ ഫയല്‍ ചെയ്യേണ്ടത് ITR1 ആണ്) .
പാന്‍ നമ്പര്‍ ഉള്ള ഓരോ വ്യക്‍തിയുടെയും TDS വിശദാംശങ്ങള്‍ ആദായനികുതി പോര്‍ട്ടലിലെ View Form-26AS ( Tax Credit ) എന്നതിലൂടെ അറിയാന്‍ സാധിക്കും. അതിനാല്‍ ഇന്‍കം ടാക്സ് റിട്ടേണ്‍ ഫയല്‍ ചെയ്യുന്നതിന് മുമ്പ് ഇത് പരിശോധിച്ച് ഉറപ്പ് വരുത്തേണ്ടതുണ്ട്. (ഓരോ സ്ഥാപനത്തിലും ശമ്പളത്തില്‍ നിന്നും കുറവ് ചെയ്യുന്ന തുക സ്ഥാപനങ്ങളുടെ TAN നമ്പറിലേക്ക് വരവ് വെക്കുകയും ഓരോ ക്വാര്‍ട്ടറിലും സ്ഥാപന മേധാവി TDS ഫയല്‍ ചെയ്യുകയും ചെയ്യുന്നതോടെ ആണ് ഇത് ജീവനക്കാരുടെ അക്കൗണ്ടില്‍ വരവ് വെക്കുന്നത്. ഏതെങ്കിലും സ്ഥാപനമേധാവി Q1, Q2,Q3,Q4 എന്നിങ്ങനെ 4 ക്വാര്‍ട്ടറുകളിലെ TDS ഫയല്‍ ചെയ്‍തില്ല എങ്കില്‍ ജീവക്കാരുടെ കുറവ് വരുത്തിയ തുക Form-26AS ല്‍ കാണുകയില്ല) . ഇപ്രകാരം Form-26AS പരിശോധിച്ച് സ്ഥാപനങ്ങളില്‍ നിന്നോ ബാങ്കുകളിലെ നിക്ഷേപങ്ങളില്‍ നിന്നോ TDS കുറവ് ചെയ്‍തത് ശരിയായി Form-26AS ല്‍ ഉണ്ട് എന്ന് ഉറപ്പ് വരുത്തുക. ഇതിനായി INCOME TAX പോര്‍ട്ടലില്‍ ലോഗിന്‍ ചെയ്യുക (Click Here for Income Tax efiling Portal ). തുറന്ന് വരുന്ന ജാലകത്തില്‍ e-File -> Income Tax Returns -> View Form 26AS എന്ന ക്രമത്തില്‍ ക്സിക്ക് ചെയ്യുക
താഴെക്കാണുന്ന മാതൃകയില്‍ തുറന്ന് വരുന്നതില്‍ Confirm ബട്ടണ് അമര്‍ത്തുക
അപ്പോള്‍ Traces സൈറ്റില്‍ 26AS പേജ് തുറന്ന് വരും . ഇതിലെ I agree to the usage and acceptance of Form 16 / 16A generated from TRACES എന്നതിന് ഇടത് വശത്തെ ചെക്ക്ബോക്സില്‍ ടിക്ക് ചെയ്ത് Proceed ബട്ടണ് അമര്‍ത്തുക. ഇതിലെ Click View Tax Credit (Form 26AS/Annual Tax Statement) to view your Form 26AS/Annual Tax Statement. എന്ന ലിങ്കില്‍ ക്ലിക്ക് ചെയ്യുക
തുറന്ന് വരുന്ന പേജില്‍ Assessment Year 2025-26 ഉം View as എന്നത് HTML എന്നും തിരഞ്ഞെടുത്ത ശേഷം View/Download എന്ന ബട്ടണ് അമര്‍ത്തുക.
നമ്മുടെ ശമ്പളം , മറ്റ് ബാങ്ക് അക്കൗണ്ടുകള്‍ , നിക്ഷേപങ്ങള്‍ ഉള്‍പ്പെടെയുള്ള വരുമാന ശ്രോതസുകളില്‍ നിന്നും പിടിച്ച ആദായനികുതി വിശാദംശങ്ങള്‍ ഈ പേജില്‍ ലഭ്യമാണ്. ശമ്പളത്തിന് പുറമേ മറ്റേതെങ്കിലും ഇനത്തില്‍ കുറവ് വരുത്തിയ വിവരങ്ങള്‍ ഇതില്‍ നിന്നും ലഭിക്കും. View/Download ബട്ടണ് വലത് വശത്തുള്ള Export as PDF എന്ന ബട്ടണ് അമര്‍ത്തിയാല്‍ 26AS പി ഡി എഫ് രൂപത്തിലും ലഭിക്കും. ഇത് ഡൗണ്‍ലോഡ് ചെയ്ത് പരിശോധിക്കുക
ANNUAL INCOME STATEMENT (AIS)
Form 26AS പോലെ തന്നെ റിട്ടേണ്‍ ഫയല്‍ ചെയ്യുന്നതിന് മുമ്പ് പരിശോധിക്കാവുന്ന മറ്റൊരു സംവിധാനമാണ് Annual Information Statement (AIS) . SB Interest, RD Interst, Dividend ഇനത്തിലും Rent ഇനത്തിലും ലഭിച്ച തുകകള്‍ തുടങ്ങി മറ്റ് Sourse കളില്‍ നിന്നും ലഭിച്ച വരുമാനത്തിന്റെ വിവരങ്ങള്‍ ഇതില്‍ ലഭ്യമാകും. ഇത് പരിശോധിച്ച് ശമ്പളത്തിന് പുറമേ റിപ്പോര്‍ട്ട് ചെയ്ത വരുമാനങ്ങള്‍ ഏതൊക്കെ എന്നറിയാന്‍ ഇത് പ്രയോജനപ്പെടും. ഇത് ലഭിക്കുന്നതിനായി
INCOME TAX പോര്‍ട്ടലില്‍ ലോഗിന്‍ ചെയ്യുക (Click Here for Income Tax efiling Portal ). തുറന്ന് വരുന്ന ജാലകത്തില്‍ e-File -> Income Tax Returns -> View Annual Information Statement (AIS) എന്ന ക്രമത്തില്‍ ക്സിക്ക് ചെയ്യുക.
തുറന്ന് വരുന്ന ബോക്സില് Proceed ബട്ടണ് അമര്‍ത്തിയാല്‍ AIS ന്റെ പേജ് ലഭ്യമാകും . ഈ പേജിന് മുകളിലെ AIS എന്നതില്‍ ക്ലിക്ക് ചെയ്യുക
ലഭിക്കുന്ന പേജിലെ Annual Information Statement എന്നതില്‍ ക്ലിക്ക് ചെയ്യുക
Annual Information Statement ല്‍ Part A, Part B എന്നിങ്ങനെ രണ്ട് വിഭാഗങ്ങളുണ്ട് . Part A General Information എന്നതും Part Bയും ഇതില്‍ Part Bയിലെ 5 ഉപവിഭാഗങ്ങളിലായി TDS/TCS Information, SFT Information, Payment of Taxes, Demand and Refund, Other Information എന്നിങ്ങനെ കാണാവുന്നതാണ്.
ഇതില്‍ TDS/TCS Information എന്നതില്‍ ശമ്പളത്തില്‍ നിന്നും ബാങ്ക് ഡെപ്പോസിറ്റുകളില്‍ നിന്നും നടത്തിയ TDS വിവരങ്ങളും മറ്റ് ശ്രോതസുകളിലെ TCS വിവരങ്ങളും ലഭ്യമാകും. രണ്ടാമത്തെ SFT Information (Statement of Financial Transactions) എന്നതില്‍ സേവിങ്സ് ബാങ്കില്‍ നിന്നും ലഭിച്ച പലിശ RD വരുമാനത്തിന്റെ വിശദാംശങ്ങള്‍ ഇവ ലഭിക്കും. Payment of Taxes എന്ന മൂന്നാമത്തെ വിഭാഗത്തില്‍ ടാക്സ് ഇനത്തില്‍ അടച്ച തുകയുടെ വിശദാംശങ്ങള്‍ അറിയാന്‍ സാധിക്കും. ഇന്‍കം ടാക്സ് ഡിപ്പാര്‍ട്ട്‍മെന്റില്‍ നിന്നും മുന്‍കാലങ്ങളില്‍ ലഭിക്കാനുള്ള റീഫണ്ടോ അടക്കാനുള്ള കുടിശികയോ ഉണ്ടെങ്കില്‍ അക്കാര്യങ്ങളാണ് Demand and Refund എന്നതിലുണ്ടാവുക. ഈ വര്‍ഷത്തെ ശമ്പള പലിശ വരുമാനങ്ങള്‍ Other Information എന്നതില്‍ ലഭ്യമാകും. സേവിങ്സ് ബാങ്കിന്റെ പലിശ ഇതില്‍ നിന്നും ലഭ്യമാകുന്നത് 80 TTA പ്രകാരമുള്ള ഡിഡക്ഷനായി റിട്ടേണ്‍ ഫയല്‍ ചെയ്യുന്ന അവസരത്തില്‍ ഉള്‍പ്പെടുത്താന്‍ സാധിക്കും.
ഇപ്രകാരം Form 26AS, AIS എന്നിവ പരിശോധിച്ച് കഴിഞ്ഞാല്‍ സാമ്പത്തിക വര്‍ഷത്തെ ഇന്‍കം ടാക്സ് റിട്ടേണ്‍ ഫയല്‍ ചെയ്യുക എന്നതാണ് അടുത്ത ഘട്ടം
E-FILING OF INCOME TAX RETURN
2024-25 സാമ്പത്തിക വര്‍ഷത്തെ ഇന്‍കം ടാക്സ് റിട്ടേണ്‍ ഫയല്‍ ചെയ്യേണ്ട അവസാന തീയതി സെപ്തംബര് 15 ആണ്. ഓരോ വ്യക്തിയും അവരുടെ Username (PAN Number) & Password ഉപയോഗിച്ച് റിട്ടേണ്‍ ഫയല്‍ ചെയ്യുന്നതിനുള്ള ഔദ്യോഗിക സൈറ്റില്‍ പ്രവേശിച്ച് ആണ് efiling നടത്തേണ്ടത്. ഈ സാമ്പത്തിക വര്‍ഷം മുതല്‍ ഇന്‍കം ടാക്സ് സൈറ്റില്‍ New Regime ആണ് Deafult Regime ആയി സെറ്റ് ചെയ്‍തിരിക്കുന്നത്. ഇത് പ്രകാരം NPS Employer Contribution മാത്രമാണ് അനുവദനീയമായ ഡിഡക്ഷന്‍. Old Regime ആവശ്യമുള്ളവര്‍ ആദ്യപേജില്‍ Do you wish to exercise the option u/s 115 BAC(6) of Opting out of new tax regime? എന്നതിന് നേരെ YES എന്ന ഉത്തരം സെലക്ട് ചെയ്താല് മാത്രമേ Old Regime പ്രകാരമുള്ള ഡിഡക്ഷനുകള്‍ ഉള്‍പ്പെട്ട റിട്ടേണ്‍ ലഭ്യമാകൂ. റിട്ടേണ്‍ സമര്‍പ്പിക്കുന്നതിനായി https://www.incometax.gov.in/iec/foportal/ എന്ന ലിങ്കിലൂടെ പ്രവേശിക്കണം . ഈ പേജിന് മുകളില്‍ വലത് വശത്തുള്ള ലോഗിന്‍ ബട്ടണ് ക്ലിക്ക് ചെയ്താല് ലോഗിന്‍ വിന്‍ഡോ ലഭിക്കും.ലഭ്യമാകുന്ന ജാലകത്തില്‍ Enter your User ID എന്നതിന് താഴെ User ID ആയി പാന്‍ നമ്പര്‍ നല്‍കി അതിന് താഴെയുള്ള Continue എന്ന ബട്ടണ് അമര്‍ത്തുക.
താഴെക്കാണുന്ന മാതൃകയില്‍ ജാലകം ലഭിക്കും . ഇതിലെ Please confirm your secure access message displayed above എന്നതിന് ഇടത് വശത്തെ ചെക്ക് ബോക്സില് ടിക്ക് മാര്‍ക്ക് നല്‍കി അതിന് താഴെയുള്ള ബോക്സില് പാസ്‍വേര്‍ഡ് നല്‍കി അതിനും ചുവട്ടിലുള്ള Continue എന്ന ബട്ടണ് അമര്‍ത്തുക.
അപ്പോള്‍ താഴെക്കാണുന്ന മാതൃകയില്‍ ജാലകം ലഭ്യമാകും ഇതില്‍ Generate OTP എന്ന റേഡിയോ ബട്ടണ് തിരഞ്ഞെടുത്ത് അതിന് താഴെ Continue അമര്‍ത്തുക. ഒരു OTP ലഭിച്ചാല്‍ അതിന് 10 മിനിട്ട് മാത്രമേ വാലിഡിറ്റി ഉണ്ടാകൂ.
ലഭ്യമാകുന്ന താഴെക്കാണുന്ന മാതൃകയിലെ ജാലകത്തിലെ I agree to validate my Aadhaar Details എന്നതിന് ഇടത് വശത്തെ ചതുരത്തില്‍ ടിക്ക് മാര്‍ക്ക് നല്‍കി Generate Aadhaar OTP എന്നതില്‍ അമര്‍ത്തുക
OTP രേഖപ്പെടുത്തുന്നതിനായി ചുവടെ കാണുന്ന ജാലകം ലഭിക്കും . ആധാര്‍ രജിസ്റ്റര്‍ ചെയ്ത മൊബൈലില്‍ ലഭിക്കുന്ന OTP ഇതില്‍ രേഖപ്പെടുത്തി Login ബട്ടണ് അമര്‍ത്തുക
ചുവടെ മാതൃകയില്‍ ലഭ്യമാകുന്ന ജാലകത്തിലെ Select Assessment year എന്നതിലെ കോമ്പോ ബോക്സില് നിന്നും 2025-26 (Current AY) എന്നത് തിരഞ്ഞെടുത്ത് അതിന് ചുവടെയുള്ള Select Mode of Filing * എന്നതിന് താഴെയുള്ള Online (Recommended) എന്നതിലെ റേഡിയോ ബട്ടണ് ക്ലിക്ക് ചെയ്യുക
പുതുതായി ലഭിക്കുന്ന ജാലകത്തിലെ Start New Filing എന്നതില്‍ ക്ലിക്ക് ചെയ്താല് പുതുതായി റിട്ടേണ്‍ ഫയല്‍ ചെയ്യുന്നതിനുള്ള ജാലകം ലഭിക്കും. ഈ വര്‍ഷത്തെ റിട്ടേണ്‍ ഫയല്‍ ചെയ്‍തതിന് മുമ്പ് നടത്തിയ ശ്രമം തുടരുന്നതിനായി Resume Filing ആണ് ക്ലിക്ക് ചെയ്യേണ്ടത്
തുടര്‍ന്ന് വരുന്ന ജാലകത്തില്‍ Please select the status applicable to you to proceed further എന്നതില്‍ Individual എന്നത് സെലക്ട് ചെയ്ത് Continue അമര്‍ത്തുക
തുടര്‍ന്ന് വരുന്ന ജാലകത്തില്‍ You need to choose an ITR Form to proceed എന്നതില്‍ ITR - 1 എന്നത് തിരഞ്ഞെടുത്ത ശേഷം Proceed with ITR - 1 എന്നതില്‍ ക്ലിക്ക് ചെയ്യുക. അപ്പോള്‍ ITR - 1 ഫയല്‍ ചെയ്യുന്നതിനുള്ള പേജ് ലഭ്യമാകും. Let's Get Started എന്നതില്‍ ക്ലിക്ക് ചെയ്യുക . ചുവടെ കാണുന്ന മാതൃകയില്‍ ലഭ്യമാകുന്ന പേജില്‍ അനുയോജ്യമായത് തിരഞ്ഞെടുത്ത് Continue ബട്ടണ് അമര്‍ത്തുക. ( 3 ലക്ഷം രൂപക്ക് മുകളില്‍ Taxable Income ഉള്ളവര്‍ Taxable Income is more than Basic Exemption Limit എന്നതാണ് ക്ലിക്ക് ചെയ്യേണ്ടത്)
ലഭ്യമാകുന്ന പുതിയ പേജിലെ Seventh Proviso to 139(1) 7thProvision പ്രകാരം ഒന്നോ അതിലധികമോ കറണ്ട് അക്കൗണ്ടുകളിലായി 1 കോടിയിലധികം രൂപ നിക്ഷേപിച്ചിട്ടുണ്ടെങ്കിലോ സ്വന്തം ആവശ്യത്തിന് വേണ്ടിയോ മറ്റൊരാള്‍ക്ക് വേണ്ടിയോ വിദേശയാത്രക്കായി 2 ലക്ഷത്തിലധികം ചിലവഴിച്ചിട്ടുണ്ടെങ്കിലോ ഇലക്ടിസിറ്റി ചാര്‍ജിനത്തില്‍ 1 ലക്ഷം രൂപയിലധികം അടച്ചിട്ടുണ്ടെങ്കിലോ ബാധകമായ കോളം ടിക്ക് ചെയ്ത് രേഖപ്പെടുത്തുക. തുടര്‍ന്ന് Continue ബട്ടണ് അമര്‍ത്തുമ്പോള്‍ അടുത്ത പേജിലേക്ക് പ്രവേശിക്കുമ്പോള്‍ താഴെക്കാണുന്ന ഓണ്‍സ്‍ക്രീന്‍ മെസ്സേജ് ലഭിക്കും. ആദായനികുതി വകുപ്പിന്റെ കൈവശമുള്ള വിവരങ്ങളുടെ അടിസ്ഥാനത്തില്‍ വിവരങ്ങള്‍ Pre-Fill ആയി നല്‍കിയിട്ടുുണ്ട് എന്നും ഡേറ്റയില്‍ വ്യത്യാസമുള്ള പക്ഷം എഡിറ്റ് ചെയ്ത് മാറ്റാവുന്നതാണെന്നും ഉള്ള ഈ മെസേജിന് OK നല്‍കുക
തുടര്‍ന്ന് വരുന്ന ജാലകത്തില്‍ 5 വ്യത്യസ്ത പേജുകളിലേക്കുള്ള ലിങ്കുകള്‍ കാണാം. ഓരോന്നിലും Pre-Fill ആയ വിവരങ്ങള്‍ ഉണ്ടാവും അവ തുറന്ന് പരിശോധിച്ച് മാറ്റങ്ങള്‍ ഉണ്ടെങ്കില്‍ അവ വരുത്തി Confirm ചെയ്യേണ്ടതാണ്
PERSONAL INFORMATION:എന്ന ഒന്നാമത്തെ പേജില്‍ വ്യക്തിഗത വിശദാംശങ്ങളാണ് ഉണ്ടാവുക . വലത് വശത്ത് കാണുന്ന ആരോ മാര്‍ക്കില്‍ ക്ലിക്ക് ചെയ്ത് ഈ പേജിലേക്ക് പ്രവേശിക്കാവുന്നതാണ്. ഈ പേജിലെ Profile എന്നതില്‍ പാന്‍ വിശദാംശങ്ങളാണ് ഉണ്ടാവുക അതില്‍ തിരുത്തലുകള്‍ സാധ്യമല്ല . Contact എന്ന ഭാഗത്ത് മാറ്റങ്ങള്‍ ഉണ്ടെങ്കില്‍ Edit ക്ലിക്ക് ചെയ്ത് തിരുത്തലുകള്‍ വരുത്തി സേവ് ചെയ്യുക. Nature of Employment എന്നതില്‍ അനുയോജ്യമായത് തിരഞ്ഞെടുക്കുക . Filing Section എന്നതില്‍ due date ആയ സെപ്തംബര് 15ന് മുമ്പ് ഫയല്‍ ചെയ്യുന്നവര്‍ 139(1) ആണ് സെലക്ട് ചെയ്യേണ്ടത്. വൈകി ഫയല്‍ ചെയ്താല് ഫൈന്‍ നല്‍കേണ്ടി വരും എന്നതിനാല്‍ കഴിയുന്നതും സമയപരിധിക്കുള്ളില്‍ ഫയല്‍ ചെയ്യാന്‍ ശ്രദ്ധിക്കുക. Do you wish to exercise the option u/s 115BAC(6) of Opting out of new
tax regime ? (default is “No”)Note : For opting out , option should be
exercised along with return of income filed u/s 139(1) എന്നതില്‍ നിലവില്‍ No എന്നതാവും സെലക്ഷന്‍ ഉണ്ടാവുക. Old Regime പ്രകാരമാണ് ഫയല്‍ ചെയ്യേണ്ടത് എങ്കില്‍ ഇവിടെ Yes എന്നത് തിരഞ്ഞെടുക്കണം. തുടര്‍ന്ന് Bank Details പരിശോധിച്ച് ഉറപ്പ് വരുത്തിയ ശേഷം ചുവടെയുള്ള Confirm അമര്‍ത്തുക. ഇവിടെ നല്‍കുന്ന ബാങ്ക് അക്കൗണ്ടിലേക്കാണ് റീഫണ്ട് ഉണ്ടെങ്കില്‍ അത് ലഭ്യമാവുക. ഇതോടെ PersonalInformation എന്ന ഭാഗത്തിന്റെ കണ്‍ഫര്‍മേഷന്‍ പൂര്‍ത്തിയാവും. അപ്പോള്‍ PersonalInformation എന്നതിന് നേരെ Confirmed എന്ന് വന്നിട്ടുണ്ടാവും. പിന്നീട് വീണ്ടും മാറ്റങ്ങള്‍ വരുത്തണമെങ്കില്‍ Modify if Required എന്നതില്‍ ക്ലിക്ക് ചെയ്ത് തിരുത്തലുകള്‍ വരുത്തി കണ്‍ഫേം ചെയ്താല് മതി
GrossTotalIncome
തുടര്‍ന്ന് രണ്ടാമത്തെ പേജായ GrossTotalIncome എന്നതിലേക്ക് പ്രവേശിക്കാം . ഇതിന് നേരേയുള്ള GT1 എന്ന ബട്ടണിലോ Modify if Required എന്നതിലോ ക്ലിക്ക് ചെയ്താല് ഈ പേജ് തുറന്ന് വരും . ഇതില്‍ 2024-25 സാമ്പത്തിക വര്‍ഷത്തെ (FY) വരുമാനത്തിന്റെ വിശദാംശങ്ങളാണ് ഉണ്ടാവുക. ഇന്‍കം ടാക്സ് ഡിപ്പാര്‍ട്ട്‍മെന്റിന്റെ കൈവശമുള്ള വിവരങ്ങള്‍ ഇതില്‍ Pre Fill ചെയ്‍തിട്ടുണ്ടാകും. ഇതില്‍ മാറ്റങ്ങളുണ്ടാവാന്‍ സാധ്യതയുണ്ട് . തെറ്റായ വിവരങ്ങള്‍ ആണ് ഉള്ളത് എങ്കില്‍ ഈ പേജിലെ Edit ബട്ടണ് ഉപയോഗിച്ച് തിരുത്തലുകള്‍ സാധ്യമാവും . Salary as per section 17(1) എന്നതില്‍ ആ വര്‍ഷത്തെ ആകെ ശമ്പള ഇനത്തിലെ വരുമാനം രേഖപ്പെടുത്തുക. Value of perquisites എന്നതിലും Profit in lieu of salary എന്നതിലും ബാധകമായവര്‍ മാത്രം വിവരങ്ങള്‍ നല്‍കുക അല്ലെങ്കില്‍ 0 ആണ് നല്‍കേണ്ടത്. Income from retirement benefit account maintained in a notified country u/s 89A എന്നത് ബാധകമല്ലാത്തതിനാല്‍ 0 നല്‍കിയാല്‍ മതി.
ഉള്‍പ്പെടുത്തിയിട്ടുണ്ടെങ്കില്‍ അവ ചേര്‍ത്താല്‍ ഇവിടെ ഉള്‍പ്പെടുത്തിയാല്‍ നികുതി കണക്കാക്കുന്നതില്‍ നിന്നും ഒഴിവാകും.
Section 89(A) പ്രകാരം ആദായനികുതി ഇളവിന് ആഗ്രഹിക്കുന്നവര്‍ ബന്ധപ്പെട്ട കോളത്തില്‍ തുക രേഖപ്പെടുത്തണം. ഇപ്രകാരം വിശദാംശങ്ങള്‍ നല്‍കി കഴിയുമ്പോള്‍ Net Salary, Deductions u/s 16 എന്നിവയും Standard deduction u/s 16(ia) യും തനിയെ വരും. New Regime പ്രകാരം Professional Tax മുതലായവക്ക് ഇളവുകള്‍ ഇല്ലാത്തതിനാല്‍ ഈ കോളങ്ങള്‍ Inactive ആയിരിക്കും. മൊത്ത വരുമാനത്തില്‍ നിന്നും Standard Deduction നും മറ്റിളവപകളും കുറവ് ചെയ്ത ശേഷമുള്ള തുക Income Chargeable under the head ‘Salaries’ (iii-iv) എന്നതില്‍ വന്നിട്ടുണ്ടാകും. ഇവ പരിശോധിച്ച് Save ചെയ്യുക.
Annual Information Statement ന് പുറമേ Income from House Property എന്നതില്‍ എന്തെങ്കിലും വിവരങ്ങള്‍ ഉള്‍പ്പെടുത്താനുണ്ടെങ്കില്‍ അത് എഡിറ്റ് ചെയ്ത് ചേര്‍ക്കാവുന്നതാണ്.
Income from Other Sources എന്നതില്‍ സേവിങ്ങ്‍സ് അക്കൗണ്ടുകളിലോ ഡെപ്പോസിറ്റ് അക്കൗണ്ടുകളിലോ നിന്നു ലഭിച്ച പലിശ, ആദായനികുതി റീഫണ്ട് ലഭിച്ചിട്ടുണ്ടെങ്കില്‍ അതില്‍ പലിശയിനത്തില്‍ ലഭ്യമായ തുക എന്നിവ ചേര്‍ക്കണം. കാര്‍ഷികാദായമുള്‍പ്പെടെ നികുതിയില്‍ നിന്നും ഒഴിവാക്കിയ വരുമാനത്തിന്റെ വിശദാംശങ്ങള്‍ Excempt Income എന്നതില്‍ ചേര്‍ക്കാവുന്നതാണ്. ഇത് reportingpurpose ന് മാത്രമുള്ളതായതിനാല്‍ ടാക്സിന് പരിഗണിക്കില്ല.
(Housing Loan Interst ന് New Regime ല്‍ ഇളവ് ലഭിക്കാത്തതിനാല്‍ ഈ കോളം ആക്ടീവ് ആയിരിക്കില്ല) ഇവയും ഉള്‍പ്പെടുത്തി സേവ് ചെയ്ത ശേഷം ഈ പേജും കണ്‍ഫേം ചെയ്യുക
New Regime പ്രകാരം റിട്ടേണ്‍ ഫയല്‍ ചെയ്യുന്നവര്‍ക്ക് ക്ലയിം ചെയ്യാന്‍ സാധിക്കുന്ന ഏക ഡിഡക്ഷന്‍ NPS ന്റെ Employer contribution ആണ്. Total Incom കോളത്തില്‍ NPS ന്റെ സര്‍ക്കാര്‍ വിഹിതം ഉള്‍പ്പെടുത്തിയവര്‍ക്ക് അതിന്റെ തുക ഈ കോളത്തില്‍ കാണിച്ച് ഇളവ് ലഭ്യമാക്കാവുന്നതാണ്. Contribution to Agnipath Scheme സംസ്ഥാന ഗവ ജീവനക്കാര്‍ക്ക് ബാധകമല്ലാത്തതിനാല്‍ ഈ ഇളവ് ലഭിക്കില്ല. ഇപ്രകാരം നല്‍കിയ ഇളവുകളുടെ തുക TotalDeductions എന്നതില്‍ വന്നിട്ടുണ്ടാകും. അല്ലാത്ത പക്ഷം Total Deduction എന്നത് 0 ആയിരിക്കും. ഇതിന് താഴെയുള്ള Confirm ബട്ടണ് ക്ലിക്ക് ചെയ്ത് ഈ പേജും കണ്‍ഫേം ചെയ്യണം
ഇക്കഴിഞ്ഞ സാമ്പത്തിക വര്‍ഷത്തില്‍ (2024-25) ശമ്പളത്തില്‍ നിന്നോ മറ്റ് ഇടപാടുകളില്‍ നിന്നും (ബാങ്കുകളിലെ നിക്ഷേപങ്ങള്‍ക്ക് ഉള്‍പ്പെടെ) നമ്മുടെ പാന്‍ നമ്പറില്‍ കുറവ് ചെയ്‍തിട്ടുള്ള എല്ലാ ആദായനികുതി വിശദാംശങ്ങളും ഈ പേജില്‍ ലഭ്യമായിട്ടുണ്ടാവും .
കുറവ് വരുത്തിയ തുക പൂര്‍ണമായി ഈ പേജില്‍ ഉള്‍പ്പെട്ടിട്ടില്ല എങ്കില്‍ അക്കാര്യങ്ങള്‍ മാനുവല്‍ ആയി എഡിറ്റ് ചെയ്ത് ചേര്‍ക്കാവുന്നതാണ്. Schedule TDS1 - Details of Tax Deducted at Source from Salary എന്നതില്‍ ശമ്പള ഇനത്തില്‍ കുറവ് വരുത്തിയ ഇന്‍കം ടാക്സ് ഡിഡക്ഷന്‍ വിവരങ്ങള്‍ ആണ് ഉണ്ടാവുക .പേജിന് മുകളിലെ Expand All എന്നതില്‍ ക്ലിക്ക് ചെയ്താല് ഓരോ സ്ഥാപനത്തില്‍ നിന്നും വരുത്തിയ കുറവുകളുടെ പട്ടിക ദൃശ്യമാകും. അതിന് ചുവട്ടിലുള്ള Do you want to add more breakup values ? എന്നതിന് താഴെ Add Another എന്നതില്‍ ക്ലിക്ക് ചെയ്താല് ഉള്‍പ്പെടാത്തവ കൂട്ടി ചേര്‍ക്കാന്‍ സാധിക്കും
Schedule TDS2 - Details of Tax Deducted at Source from Income Other than Salary എന്നതില്‍ ശമ്പളത്തിന് പുറമേ ഉള്ള വരുമാനങ്ങളില്‍ നിന്നും ടാക്സ് പിടിച്ചിട്ടുണ്ടെങ്കില്‍ അതിന്റെ വിശദാംശങ്ങള്‍ കാണാവുന്നതാണ്. ബാങ്ക് നിക്ഷേപങ്ങളില്‍ വരുത്തിയ ടാക്സ് ഡിഡക്ഷനുകള്‍ ഇവിടെ കാണാം. ഉള്‍പ്പെടാത്തവ പുതുതായി കൂട്ടിച്ചേര്‍ക്കാന്‍ ഇവിടെയും അവസരമുണ്ട്.
