സംസ്ഥാന സ്‌കൂൾ കലോത്സവം 2025 ജനുവരി ആദ്യ വാരം തിരുവനന്തപുരത്ത് നടത്തുമെന്ന് പൊതുവിദ്യാഭ്യാസ മന്ത്രി വി. ശിവൻകുട്ടി വാർത്താസമ്മേളനത്തിൽ പറഞ്ഞു. നേരത്തെ ഡിസംബർ മൂന്നു മുതൽ ഏഴു വരെ നടത്താനായിരുന്നു തീരുമാനിച്ചിരുന്നത്. നാഷണൽ അച്ചീവ്മെന്റ് എക്സാം ഡിസംബർ നാലിന് നടക്കുന്ന സാഹചര്യത്തിലാണ് തീയതി മാറ്റിയത്. ഇതനുസരിച്ച് സ്‌കൂൾ, ഉപജില്ല, ജില്ലാതല മത്സരങ്ങളും മാറ്റും. സ്‌കൂൾതല മത്സരങ്ങൾ ഒക്ടോബർ 15നകവും ഉപജില്ലാതല മത്സരങ്ങൾ നവംബർ 10നകവും ജില്ലാതല മത്സരങ്ങൾ ഡിസംബർ 3നകവും പൂർത്തിയാക്കും.
സംസ്ഥാന സ്കൂള് കലോല്‍സം ജനുവരി മാസത്തിലേക്ക് മാറ്റിയ സാഹചര്യത്തില്‍ പുതുക്കിയ കലോല്‍സവ സമയക്രമം ച‍ുവടെ
- സ്കൂള് തലം :- ഒക്ടോബര്‍ 15 നകം പൂര്‍ത്തിയാക്കണം
- സബ്‍ജില്ലാ തലം :- നവംബര്‍ 10നകം
- ജില്ലാ തലം :- ഡിസംബര്‍ 3നകം
കലോല്‍സവം സ്കൂള് തല എന്‍ട്രി നടത്തുന്നതിനുള്ള സൈറ്റ് ഇപ്പോള്‍ ലഭ്യമാണ് . ഹയര്‍ സെക്കണ്ടറി , വിഎച്ച്എസ്ഇ വിഭാഗം എന്‍ട്രികള്‍ നടത്തുന്നതിനായി ക്ലാസ്, അഡ്മിഷന്‍ നമ്പര്‍ എന്നിവ കൂടാതെ ആപ്ലിക്കേഷന്‍ നമ്പര്‍ കൂടേ ചേര്‍ക്കേണ്ടതുണ്ട്
സ്കൂള് കലോല്‍സവ സൈറ്റ് ഇവിടെ
കേരള സ്കൂള് കലോല്‍സവ മാന്വല്‍ ഇവിടെ