2021 ജനുവരി 10ന് നടത്തിയ സ്റ്റേറ്റ് എലിജിബിലിറ്റി ടെസ്റ്റിന്റെ ഫലം പ്രസിദ്ധീകരിച്ചു. www.lbscentre.kerala.gov.in ലും ഫലം
ലഭിക്കും. 12717 പേർ പരീക്ഷ എഴുതിയതിൽ 2564 പേർ വിജയിച്ചു. വിജയശതമാനം
20.16 ആണ്. പാസ്സായവർ സെറ്റ് സർട്ടിഫിക്കറ്റുകൾ ലഭിക്കുന്നതിന് എൽ.ബി.എസ്.
സെന്ററിന്റെ വെബ്സൈറ്റിൽ നിന്നും അപേക്ഷാഫോം ഡൗൺലോഡ് ചെയ്ത് പൂരിപ്പിച്ച്
രേഖകളുടെ (ഗസറ്റഡ് ഓഫീസർ സാക്ഷ്യപ്പെടുത്തിയ) കോപ്പികൾ സഹിതം 40 രൂപയുടെ
സ്റ്റാമ്പ് ഒട്ടിച്ച് സ്വന്തം മേൽവിലാസം എഴുതിയ എ4 വലിപ്പത്തിലുള്ള
ക്ലോത്ത് ലൈൻഡ് കവർ സഹിതം ഡയറക്ടർ, എൽ.ബി.എസ്. സെന്റർ ഫോർ സയൻസ് ആൻഡ്
ടെക്നോളജി, പാളയം, തിരുവനന്തപുരം-33 എന്ന വിലാസത്തിൽ അയയ്ക്കണം.
എസ്.എസ്.എൽ.സി സർട്ടിഫിക്കറ്റിൽ പേര് ഉൾപ്പെടുന്ന പേജ്, ബിരുദാനന്തര ബിരുദ
സർട്ടിഫിക്കറ്റ് (പ്രൊവിഷണൽ/അസ്സൽ), മാർക്ക്ലിസ്റ്റ്/ഗ്രേഡ് കാർഡ്,
ബി.എഡ്. സർട്ടിഫിക്കറ്റ് (പ്രൊവിഷണൽ/അസ്സൽ), അംഗീകാര തുല്യത
സർട്ടിഫിക്കറ്റുകൾ (കേരളത്തിനു പുറത്തുള്ള ബിരുദാനന്തര ബിരുദത്തിനും
ബി.എഡ്.നും), പ്രോസ്പെക്ടസിലെ ഖണ്ഡിക 2.2-ൽ പറഞ്ഞിട്ടില്ലാത്ത വിഷയങ്ങളിൽ
ബിരുദാനന്തര ബിരുദം നേടിയവർ തങ്ങളുടെ വിഷയങ്ങളുടെ അംഗീകാര തുല്യതാ
സർട്ടിഫിക്കറ്റ്, ഒ.ബി.സി (നോൺ ക്രിമിലെയർ) വിഭാഗത്തിൽ ഓൺലൈൻ അപേക്ഷ നൽകി
വിജയിച്ചവർ ഒറിജിനൽ നോൺ ക്രീമിലെയർ സർട്ടിഫിക്കറ്റ് ഓൺലൈൻ അപേക്ഷ
സമർപ്പിച്ച സമയത്ത് സാധുവായത്. (28/12/2018 മുതൽ 10/01/2020 വരെയുള്ള
കാലയളവിൽ ലഭിച്ചത്). എസ്.സി/എസ്.റ്റി, പി.എച്ച്/ വി.എച്ച് വിഭാഗത്തിൽ
അപേക്ഷ നൽകി വിജയിച്ചവർ അവരുടെ ജാതി/ വൈകല്യം തെളിയിക്കുന്ന (ഗസറ്റഡ് ഓഫീസർ
സാക്ഷ്യപ്പെടുത്തിയ) ബന്ധപ്പെട്ട രേഖകൾ എന്നിവ അപേക്ഷയോടൊപ്പം നൽകണം.
സെറ്റ് സർട്ടിഫിക്കറ്റുകൾ മെയ് മുതൽ വിതരണം ചെയ്യും. ഫോൺ: 0471 2560311,
312, 313, 314.
CLICK HERE for the RESULT