മുഖ്യമന്ത്രിയുടെ ദുരിതാശ്വാസനിധിയിലേക്ക് രാജ്യത്തിനകത്തും പുറത്തുമുളളവര്ക്ക് ഓണ്ലൈനായി പണമടക്കാനുളള സംവിധാനം ഏര്പ്പെടുത്തിയിട്ടുണ്ട്. https://donation.cmdrf.kerala.gov.in വെബ്സൈറ്റ് മുഖേന സുരക്ഷിതമായി ക്രഡിറ്റ് / ഡെബിറ്റ് കാര്ഡ് ഉപയോഗിച്ചോ നെറ്റ് ബാങ്കിംഗ് സംവിധാനം വഴിയോ പണമടക്കാന് പേമെന്റ് ഗേറ്റ് വേ സജ്ജമാക്കിയിട്ടുണ്ട്. പണമടക്കുന്നവര്ക്ക് സംസ്ഥാന സര്ക്കാരിനു വേണ്ടി ധനവകുപ്പ് പ്രിന്സിപ്പല് സെക്രട്ടറി നല്കുന്ന രശീത് ഓണ്ലൈനില് തല്സമയം ലഭ്യമാകും. ഈ സൗകര്യം ഉപയോഗപ്പെടുത്തണമെന്ന് അഭ്യര്ത്ഥിക്കുന്നു.
ഓണ്ലൈന് സംവിധാനം
• വിദേശ മലയാളികള്ക്ക് മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്കുന്ന സംഭാവനകള്ക്ക് സര്വ്വീസ് ചാര്ജ്ജ്/കമ്മീഷന് ഒഴിവാക്കാന് UAE എക്സ്ചേഞ്ച്/ LULU എക്സ്ചേഞ്ച് എന്നീ സ്ഥാപനങ്ങള് സന്നദ്ധത പ്രകടിപ്പിച്ചിട്ടുണ്ട്.
• കേന്ദ്ര സര്ക്കാരിന്റെ Unified Payment Interface (UPI) അധിഷ്ഠിതമായി സംഭാവനകള് ചെയ്യാനുള്ള സംവിധാനവും സംസ്ഥാന സര്ക്കാരിന്റെ www.kerala.gov.in വെബ്സൈറ്റില് ഏര്പ്പെടുത്തിയിട്ടുണ്ട്.
• ഇത്തരത്തിലുള്ള സംഭാവനകള്ക്കുള്ള രസീതും ആദായനികുതി ഇളവിനാവശ്യമായ സര്ട്ടിഫിക്കറ്റും തത്സമയം തന്നെ നല്കുന്ന സംവിധാനവും ഏര്പ്പെടുത്തിയിട്ടുണ്ട്.
• ബാങ്ക് കൗണ്ടറുകളില് നല്കുന്ന തുകയ്ക്ക് ഒരു ദിവസത്തിനകം ആദായനികുതി ഇളവിനാവശ്യമായ സര്ട്ടിഫിക്കറ്റ് ലഭ്യമാക്കും.
• ഇക്കാര്യത്തില് എന്തെങ്കിലും സഹായമാവശ്യമുണ്ടെങ്കില് 0471-155300 എന്ന നമ്പറില് ബന്ധപ്പെടാവുന്നതാണ്.