സ്കൂള് ഉച്ചഭക്ഷണപരിപാടി കാര്യക്ഷമമാക്കുന്നതിന്റെ ഭാഗമായി കേന്ദ്രസര്‍ക്കാര്‍ നിര്‍ദ്ദേശപ്രകാരം സംസ്ഥാനത്ത് ഉച്ചഭക്ഷണപദ്ധതിയുടെ ദൈനംദിന മോണിട്ടറിങ്ങ് സംവിധാനം ഈ വര്‍ഷം മുതല്‍ നടത്താന്‍ നിശ്ചയിച്ചിട്ടുണ്ട്. ഇതിനുള്ള സോഫ്റ്റ്‌വെയര്‍ http://103.251.43.85/mdmms/index.php/login എന്ന ലിങ്കില്‍ ലഭ്യമാണ്. ടി സോഫ്റ്റ്‌വെയറിന്റെ കാര്യക്ഷമത പരിശോധിച്ച് ഉറപ്പ് വരുത്തുന്നതിന് വേണ്ടി എല്ലാ ഉപജില്ലാ വിദ്യാഭ്യാസ ഓഫീസര്‍മാരും തങ്ങളുടെ പരിധിയിലുള്ള ഹെഡ്‌മാസ്റ്റര്‍മാര്‍ക്ക് നല്‍കി നിര്‍ദ്ദേശാനുസരണം വിവരങ്ങള്‍ എന്‍ട്രി ചെയ്യുന്നുവെന്നുറപ്പാക്കണമെന്ന് DPI യുടെ നിര്‍ദ്ദേശം. നിര്‍ദ്ദേശത്തിന്റെ പകര്‍പ്പും സോഫ്റ്റ്‌വെയറിന്റെ പ്രവര്‍ത്തനക്രമവും ഇവിടെ നിന്നും ഡൗണ്‍ലോഡ് ചെയ്യാവുന്നതാണ്.
നിര്‍ദ്ദേശങ്ങള്‍
103.251.43.85/mdmms/ എന്ന ലിങ്കിലൂടെ സൈറ്റിലേക്ക് പ്രവേശിച്ച് സമ്പൂര്‍ണ്ണക്കുപയോഗിക്കുന്ന സ്കൂള് കോഡ് Username , Password ഇവയായി നല്‍കി ലോഗിന്‍ ചെയ്യുക
ആദ്യതവണപ്രവേശിക്കുമ്പോള്‍ Profile മെനുവിലെ Change Password ഉപയോഗിച്ച് പാസ്‌വേര്‍ഡ് മാറ്റാന്‍ മറക്കരുത്
