ടൈപ്പിങ്ങ് സ്പീഡ് സോഫ്റ്റ്‌വെയര്‍

വിദ്യാലയങ്ങള്‍ മേളകളിലേക്ക് പ്രവേശിക്കുന്ന ഈ സമയത്ത് വിദ്യാര്‍ഥികള്‍ക്ക് ഏറെ പ്രയോജനപ്പെടുന്ന ഒരു സോഫ്റ്റ്‌വെയര്‍കൂടി SITC ഫോറം പരിചയപ്പടുത്തുന്നു. IT മേളയില്‍ UP/HS/HSS വിഭാഗക്കാര്‍ക്ക് നടത്തുന്ന മലയാളം ടൈപ്പിങ്ങ് സ്വയം പരിശീലിക്കുന്നതും  പ്രവര്‍ത്തനം വിലയിരുത്തുന്നതിനുമായി ഒരു സോഫ്റ്റ്‌വെയര്‍ തയ്യാറാക്കി അവതരിപ്പിച്ചിരിക്കുന്നത് ഫോറം അംഗവും കുണ്ടൂര്‍ക്കുന്ന് സ്കൂള്‍ അധ്യാപകനുമായ ശ്രീ പ്രമോദ് മൂര്‍ത്തി സാറാണ്. ഉബുണ്ടു 10.04-ലും 14.04-ലും പ്രവര്‍ത്തിക്കുന്ന രണ്ട് വ്യത്യസ്ഥ പാക്കേജുകള്‍ തയ്യാറാക്കിയിട്ടുണ്ട്. ഇവയില്‍ അനുയോജ്യമായത് സിസ്റ്റത്തില്‍ സേവ് ചെയ്ത് Extract ചെയ്യുകയേ വേണ്ടു. പ്രവര്‍ത്തനത്തിന്റെ ഘട്ടങ്ങള്‍ താഴെപ്പറയുന്ന പ്രകാരമാണ്

ആദ്യമായി അനുയോജ്യമായ സോഫ്റ്റ്‌വെയര്‍ ഡൗണ്‍ലോഡ് ചെയ്ത് Extract ചെയ്യുക.

ലഭ്യമാകുന്ന ജാലകത്തിലെ File മെനുവില്‍ നിന്നും സമയം തിരഞ്ഞെടുക്കുന്നതിന് അവസരം ലഭിക്കും

സമയം തിരഞ്ഞടുത്ത് കഴിഞ്ഞാല്‍ വീണ്ടും ഫയല്‍ മെനുവില്‍ ക്ലിക്ക് ചെയ്യുമ്പോള്‍ അവിടെ നിന്നും ടൈപ്പ് ചെയ്യുന്നതിനുള്ള ഖണ്ഡിക തിരഞ്ഞെടുക്കാം. Default ആയ ഖണ്ഡികയോ അതല്ലെങ്കില്‍ പുതുതായി മറ്റൊരു ഖണ്ഡിക ഉള്‍പ്പെടുത്താനോ സാധിക്കും.

ഖണ്ഡിക തിരഞ്ഞെടുത്തതിന് ശേഷം ഫയല്‍ മെനുവില്‍ത്തന്നെയുള്ള തുടങ്ങാം എന്ന ബട്ടണ്‍ അമര്‍ത്തുന്നതോടെ ഒരു ചതുരത്തില്‍ ഖണ്ഡികയും അതിന് താഴെ ടൈപ്പ് ചെയ്യുന്നതിന് ഉള്ള രണ്ട് ചതുരങ്ങള്‍ ലഭിക്കും ചുവടെയുള്ള ചതുരത്തിലാണ് ഖണ്ഡിക ടൈപ്പ് ചെയ്യേണ്ടത്. 

പൂര്‍ണ്ണമായും ടൈപ്പ് ചെയ്തതിന് ശേഷമോ സമയം അവസാനിച്ചാലോ ഫയല്‍ മെനുവില്‍ മതിയാക്കാം എന്നതില്‍ ക്ലിക്ക് ചെയ്യുക

അപ്പോള്‍ പുതിയൊരു ജാലകം ലഭിക്കും ഇതില്‍ നിലവിലുള്ള വാക്കുകളും നമ്മള്‍ ടൈപ്പ് ചെയ്തതും രണ്ട് ബോക്സുകളിലായി കാണാം. ഏതൊക്കെ വാക്കുകളാണ് തെറ്റിയതെന്നും എന്താണ് തെറ്റെന്നും തിരിച്ചറിയാന്‍ ഇത് സഹായിക്കും.

ഇതിന് മുന്നെ ഫയല്‍ മെനുവിലെ Report എന്നതില്‍ ക്ലിക്ക് ചെയ്താല്‍ ചെയ്ത പ്രവര്‍ത്തനത്തിന്റെ ഒരു വിശകലനം ലഭിക്കുന്നതാണ്. 

ടൈപ്പിങ്ങ് പരിശീലനത്തിന് ഏറെ പ്രയോജനകരമായ ഈ സോഫ്റ്റ്‌വെയര്‍ ഫോറത്തിന് തയ്യാറാക്കി നല്‍കിയ പ്രമോദ് മൂര്‍ത്തി സാറിനും കുണ്ടൂര്‍ക്കുന്ന് സ്കൂളിലെ ഐ ടി ക്ലബിനും എസ് ഐ ടി സി ഫോറത്തിന്റെ അഭിനന്ദനങ്ങളും നന്ദിയും അറിയിക്കുന്നു. നിങ്ങളുടെ പ്രതികരണങ്ങളാണ് ഈ പ്രവര്‍ത്തനങ്ങള്‍ തുടരുന്നതിനുള്ള പ്രചോദനമെന്നതിനാല്‍ അഭിപ്രായങ്ങള്‍ കമന്റുകളായി നല്‍കാന്‍ മറക്കരുത്.

UBUNTU 10.04 ഉപയോഗിക്കുന്നവര്‍ക്ക്

Click Here For TypeSpeedGam(10.04).tar.gz

Click Here For malayalam typespeed_Source(10.04) .tar.gz

UBUNTU 14.04 ഉപയോഗിക്കുന്നവര്‍ക്ക്

Click Here For TypeSpeedGam(14.04).tar.gz

Click Here For malayalamtypespeed_Source(14.04) .tar.gz