പ്രത്യേക
പരിഗണന അര്‍ഹിക്കുന്ന ഹൈസ്‌കൂള്‍ വിദ്യാര്‍ത്ഥികള്‍ക്കുവേണ്ടിയുള്ള
സംയോജിത വിദ്യാഭ്യാസ പദ്ധതി (ഐ.ഇ.ഡി.എസ്.എസ്) യുമായി ബന്ധപ്പെട്ട്
സംസ്ഥാനത്തിലെ ഹൈസ്‌കൂളുകളിലെ 2803 പ്രഥമാധ്യാപകര്‍ക്കും,
തിരഞ്ഞെടുക്കപ്പെട്ട 2803 അധ്യാപകര്‍ക്കും സെപ്തംബര്‍-ഒക്ടോബര്‍
മാസങ്ങളില്‍ പൊതുവിദ്യാഭ്യാസ ഡയറക്ടറേറ്റിന്റേയും സീമാറ്റ്-കേരളയുടെയും
സംയുക്താഭിമുഖ്യത്തില്‍ മാനേജ്‌മെന്റ് പരിശീലനം നല്‍കും. സീമാറ്റ് -
കേരളയില്‍ വച്ച് സെപ്തംബര്‍ ആറ് മുതല്‍ 12 വരെ തീയതികളില്‍ മൂന്ന്
ബാച്ചുകളിലായി നടത്തുന്ന പരിശീലനത്തില്‍ കേരളത്തിനകത്തും പുറത്തുമുള്ള
വിദഗ്ദ്ധര്‍ ക്ലാസ്സുകള്‍ നയിക്കും.
ദ്വിദിന പരിശീലനത്തില്‍ പങ്കെടുക്കേണ്ടവരുടെ ജില്ലതിരിച്ചുള്ള സമയക്രമം -
സെപ്തംബര്‍ ആറ്, ഏഴ് - കണ്ണൂര്‍, കാസര്‍ഗോഡ്, വയനാട്, കോഴിക്കോട്,
പാലക്കാട്, ഇടുക്കി ജില്ലകളില്‍ നിന്നുള്ളവര്‍, ഒന്‍പത്, 10- കോട്ടയം,
എറണാകുളം, തൃശൂര്‍, മലപ്പുറം. 11, 12 - തിരുവനന്തപുരം, കൊല്ലം, ആലപ്പുഴ,
പത്തനംതിട്ട.
പരിശീലനത്തില്‍ പങ്കെടുക്കാന്‍ നിയോഗിക്കപ്പെട്ടവര്‍ ആദ്യദിവസം രാവിലെ
ഒന്‍പത് മണിക്ക് തിരുവനന്തപുരത്തുള്ള സീമാറ്റ് - കേരളയില്‍ എത്തണമെന്ന്
സീമാറ്റ് - കേരള ഡയറക്ടര്‍ ഡോ.ഇ.വത്സല കുമാര്‍ അറിയിച്ചു.