2026 മാര്ച്ചിലെ എസ് എസ് എല് സി പരീക്ഷയില് ഉപരിപഠനത്തിന് യോഗ്യത നേടാത്തവര്ക്കായി നടത്തുന്ന സേ പരീക്ഷ അപേക്ഷ ക്ഷണിച്ചു. 2026 ജൂണ് 10 മുതല് 17 വരെയാണ് സേ പരീക്ഷ പരമാവധി 3 പേപ്പറുകള്ക്ക് ഡി പ്ലസ് ഗ്രേഡ് ലഭിക്കാത്ത റഗുലര് വിദ്യാര്ഥികള്ക്ക് മാത്രമാണ് സേ പരീക്ഷക്ക് അപേക്ഷിക്കാന് സാധിക്കുക. എന്നാല് 2026 മാര്ച്ചിലെ എസ് എസ് എല് സി പരീക്ഷക്ക് രജിസ്റ്റര് ചെയ്തെങ്കിലും അപകടം,ഗുരുതരമായ രോഗം,പിതാവ് / മാതാവ്/സഹോദരങ്ങള് എന്നിവരുടെ മരണം എന്നീ കാരണങ്ങളാല് പരീക്ഷ എഴുതാന് സാധിക്കാത്തവര്ക്ക് മൂന്നില് കൂടുതല് പേപ്പറുകള്ക്ക് അപേക്ഷിക്കാന് സാധിക്കും. ഇവര് വില്ലേജ് ഓഫീസര് / സര്ക്കാര് ഡോക്ടറുടെ മെഡിക്കല് സര്ട്ടിഫിക്കറ്റ് എന്നിവ ഹാജരാക്കണം,
- ഒരു വിഷയത്തിന് 100 രൂപയാണ് പരീക്ഷാ ഫീസ്
- എസ് എസ് എല് സിപരീക്ഷ എഴുതിയ പരീക്ഷാ കേന്ദ്രത്തിലെ പ്രധാനാധ്യാപകനാണ് അപേക്ഷ നല്കേണ്ടത്
- 19/05/2026 മുതല് 22/052026 വരെയാണ് സേ പരീക്ഷക്ക് അപേക്ഷ സ്വീകരിക്കാവുന്നത്
- ശേഖരിക്കുന്ന അപേക്ഷകള് സേ പരീക്ഷാ കേന്ദ്രത്തിലെ ചീഫ് സൂപ്രണ്ടിന് 23/05/2026ന് വൈകിട്ട് 4 മണിക്കകം സമര്പ്പിക്കണം
- സേ പരീക്ഷക്ക് അപേക്ഷിച്ചവര് പുനര് മൂല്യനിര്ണയത്തില് വിജയിച്ചാല് സേ പരീക്ഷാ ഫലം പരിഗണിക്കില്ല
- ഐ ടി പരീക്ഷക്ക് ജില്ലയിലെ തിരഞ്ഞെടുത്ത ഏതെങ്കിലും ഒരുപരീക്ഷാ കേന്ദ്രം മാത്രമേ ഉണ്ടാവൂ
- അപേക്ഷാ ഫോമിനോടൊപ്പം , ഫീസ്, മാര്ക്ക് ലിസ്റ്റിന്റെ കമ്പ്യൂട്ടര് പകര്പ്പ് എന്നിവ ഹാജരാക്കണം