ഡിസംബറില്‍ ആലപ്പുഴയില്‍ നടത്താന്‍ നിശ്ചയിച്ചിരിക്കുന്ന സംസ്ഥാന സ്കൂള്
കലോത്സവം മാറ്റി വയ്ക്കാന്‍ തീരിമാനിച്ചതായി പ്രചരിക്കുന്ന വാര്‍ത്ത
അടിസ്ഥാനരഹിതമെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു. കലോത്സവ തിയതിയോ
വേദിയോ മാറ്റുന്നത് സംബന്ധിച്ച് യാതൊരു ആലോചനയും ഇതുവരെ ഉണ്ടായിട്ടില്ല.
കലോത്സവം ഉള്‍പ്പെടെയുള്ള വിവിധ മേളകളുടെ തിയതി നീട്ടുന്ന കാര്യം ഇന്നലെ
നടന്ന (ആഗസ്റ്റ് രണ്ട്) ക്യൂ.ഐ.പി. മീറ്റിംഗില്‍
ഉള്‍പ്പെടുത്തിയിട്ടുള്ളതായി ചില പത്രങ്ങളില്‍ വന്ന വാര്‍ത്തയും
അടിസ്ഥാനരഹിതമാണെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു.