അധ്യാപകര്‍ തയ്യാറാക്കുന്ന പഠനപ്രവര്‍ത്തനങ്ങള്‍ ബ്ലോഗില്‍ പ്രസിദ്ധീകരിക്കാന്‍ താല്‍പര്യപ്പെടുന്നവര്‍ sitcforumpkd@gmail.com എന്ന മെയിലിലേക്ക് അയച്ച് തന്നാല്‍ പ്രസിദ്ധീകരിക്കുന്നതാണ്
സംസ്ഥാന സ്കൂള്‍ ശാസ്‍ത്രോല്‍സവം ഇന്ന് മുതല്‍ മണ്ണാര്‍ക്കാട്. ശാസ്‍ത്രമേള ഫലം ഇവിടെ " SSLC പൊതുപരീക്ഷ മാർച്ച് 1 മുതൽ 30 വരെയും ഹയര്‍ സെക്കണ്ടറി പരീക്ഷ മാർച്ച് 2 മുതൽ 30 വരെയും .SSLC ഐ ടി പരീക്ഷ ഫെബ്രുവരി 1ന് ആരംഭിക്കും കെ-ടെറ്റ് 2026 സെപ്റ്റംബർ വിജ്ഞാപന പ്രകാരം നവംബർ 14, 15 തീയതികളിൽ നടത്തുന്ന കെ-ടെറ്റ് പരീക്ഷയുടെ ഹാൾടിക്കറ്റ് https://ktet.kerala.gov.in ൽ പ്രസിദ്ധീകരിച്ചു. ഗവ സ്‍കൂള്‍ അധ്യാപകരുടെ അന്തിമ സ്ഥലം മാറ്റ ഉത്തരവ് പ്രസിദ്ധീകരിച്ചു. ഉത്തരവ് ഇവിടെ പാഠപുസ്തക ഇന്‍ഡന്റ് സമര്‍പ്പിക്കാത്ത വിദ്യാലയങ്ങളുടെ പട്ടിക ഡൗണ്‍ലോഡ്‍സില്‍ OEC/ST പ്രീമെട്രിക്ക് വിദ്യാഭ്യാസാനുകൂല്യത്തിന് അപേക്ഷ www.egrantz.kerala.gov.in എന്ന ഇ-ഗ്രാന്റ്‍സ് പോര്‍ട്ടല്‍ മുഖേന ഒക്ടോബര്‍ 20 നകം പൂര്‍ത്തീകരിക്കാന്‍ നിര്‍ദ്ദേശം   NMMSE സ്കോളര്‍ഷിപ്പിന് അപേക്ഷിക്കാനുള്ള അവസാനതീയതി ഒക്ടോബര്‍ 5 വരെയും കെടാവിളക്ക് സ്കോളര്‍ഷിപ്പിന് നവംബര്‍ 15 വരെയും ദീര്‍ഘിപ്പിച്ചു

എസ് ഐ ടി സി ഫോറം ആലത്തൂര്‍ ഉപജില്ലാ യോഗം.


             എസ് ഐ ടി സി ഫോറത്തിന്റെ ആലത്തൂര്‍ ഉപജില്ലാ യോഗം ഇന്ന് ചേര്‍ന്നു. ഫോറം പാലക്കാട് വിദ്യാഭ്യാസജില്ല പ്രസിഡന്റ് ശ്രീ പദ്‌മകുമാറിന്റെ അധ്യക്ഷതയില്‍ ചേര്‍ന്ന യോഗത്തില്‍ ശ്രീ ജ്യോതീകൃഷ്ണനെ(MNKMHSS ചിറ്റിലഞ്ചേരി) ഉപജില്ലാ കണ്‍വീനറായും ശ്രീ ജയകൃ‍ഷ്‌ണന്‍ എം (സി എ എച്ച് എസ് ആയക്കാട്) ജോയിന്റ് കണ്‍വീനറായും തിരഞ്ഞെടുത്തു. ഉപജില്ലയിലെ ഇരുപതില്‍ പതിനാല് വിദ്യാലയങ്ങളിലെ എസ് ഐ ടി സിമാര്‍ പങ്കെടുത്ത യോഗത്തില്‍ അധ്യാപകര്‍ എസ് ഐ ടി സി എന്ന നിലയിലെ അനുഭവങ്ങള്‍ പങ്ക് വെച്ചു. അധ്വാനഭാരം കൂടുതലെന്നും അതിനനുസരിച്ച് പീരിയഡുകളില്‍ ഇളവ് ലഭിക്കുന്നില്ലെന്നും പരാതിപ്പെട്ടു. എസ് എസ് എല്‍ സി പ്രാക്ടിക്കല്‍ പരീക്ഷാ പ്രതിഫലത്തിലെ അപാകതയായിരുന്നു പരാതികളില്‍ പ്രധാനം. ഇക്കാര്യത്തില്‍ ഫോറത്തിന്റെ സജീവ ഇടപെടലുണ്ടാവണമെന്നും ആവശ്യമുയര്‍ന്നു. അതുപോലെ ഹാര്‍ഡ്‌വെയര്‍ ക്ലിനിക്ക് നടത്താത്തതിലെ പ്രയാസങ്ങളും സ്കൂള്‍ ക്ലബ് പ്രവര്‍ത്തനങ്ങളും ചര്‍ച്ച ചെയ്യപ്പെട്ടു. എസ് ഐ ടി സിമാര്‍ക്ക് പ്രതിമാസം ലഭിക്കുന്ന അലവന്‍സ് അപര്യാപ്തമാണെന്നും പരാതി ഉയര്‍ന്നു. അധ്യാപകര്‍ക്ക് ഹാര്‍ഡ്‌വെയര്‍ പരിശീലനം അനിവാര്യമാണെന്നും അഭിപ്രായമുയര്‍ന്നു.എല്ലാ രണ്ട് മാസത്തിലൊരിക്കല്‍ ഫോറത്തിന്റെ ഉപജില്ലാ യോഗം കൂടാമെന്ന ധാരണയില്‍ യോഗം പിരിഞ്ഞു. ഫോറത്തിന്റെ റവന്യൂ ജില്ലാ സെക്രട്ടറി ശ്രീ സുജിത്ത് എസും യോഗത്തില്‍ പങ്കെടുത്ത് സംസാരിച്ചു. ശ്രീമതി അനിത(ആലത്തൂര്‍ ഗേള്‍സ്) നന്ദി പറഞ്ഞു.

Post a Comment

Previous Post Next Post