UBUNTU 10.04 ലും 12.04-ലും പ്രവര്ത്തിക്കുന്ന ഒരു പുതിയ സോഫ്റ്റ്വെയര് കൂടി നമുക്കായി പങ്ക് വെക്കുകയാണ് ശ്രീ പ്രമോദ് മൂര്ത്തി സാര്. നമ്മുടെ സ്വന്തം ശബ്ദത്തില് നാം ടൈപ്പ് ചെയ്യുന്ന സംഖ്യ ഏതെന്ന് തിരിച്ച് പറയുന്ന ഒരു സോഫ്റ്റ്വെയര്. SOUNDING NUMBER SOFTWARE എന്ന് പേരിട്ടിരിക്കുന്ന ഈ സോഫ്റ്റ്വെയര് കേവലം ഒരു ഗെയിം എന്നതിന് അപ്പുറം ചെറിയ ക്ലാസുകളിലെ കുട്ടികള്ക്ക് സംഖ്യകള് പഠിക്കുന്നതിന് സഹായിക്കുന്ന ഒരു പഠന സഹായി എന്ന നിലയില് കണക്കാക്കാവുന്നതാണ്. ചുവടെയുള്ള ഫയലുകളിലെ mysouds_1.1_all.deb എന്ന ഫയലിനെ കമ്പ്യൂട്ടറിലേക്ക് സേവ് ചെയ്യുക. തുടര്ന്ന് ഇതിനെ റൈറ്റ് ക്ലിക്ക് ചെയ്ത് Gdebi package installer ഉപയോഗിച്ച് ഇന്സ്റ്റാള് ചെയ്യുക. തുടര്ന്ന് ഇതോടൊപ്പം നല്കിയിരിക്കുന്ന soundingnumbers.gambas.tar.gz എന്ന ഫയലിനെ കമ്പ്യൂട്ടറിലേക്ക് Extract ചെയ്തതിന് ശേഷം ലഭിക്കുന്ന ഫയലില് ഡബിള് ക്ലിക്ക് ചെയ്യുക. അപ്പോള് ആദ്യം ചെയ്യേണ്ട പ്രവര്ത്തനം ഏതാനും സംഖ്യകളെ നമ്മുടെ ശബ്ജത്തില് റിക്കോര്ഡ് ചെയ്യുക എന്നതാണ്. അതെങ്ങനെ നടത്തണമെന്നും ഏത് പേരില് സേവ് ചെയ്യണമെന്നുമുള്ള മറ്റു വിശദാംശങ്ങള് ഇതോടൊപ്പമുള്ള ഹെല്പ്പ് ഫയലില് വിശദീകരിച്ചിട്ടുണ്ട്.