ഈ
അധ്യയന വര്‍ഷം ഹയര്‍ സെക്കണ്ടറി/ വൊക്കേഷണല്‍ ഹയര്‍ സെക്കണ്ടറി
സീറ്റുകളുടെ എണ്ണത്തില്‍ 20 ശതമാനം മാര്‍ജിനല്‍ വര്‍ധന വരുത്തി
പൊതുവിദ്യാഭ്യാസ വകുപ്പ് ഉത്തരവായി. വിദ്യാഭ്യാസ മന്ത്രിയുടെ അധ്യക്ഷതയില്‍
ഹയര്‍ സെക്കണ്ടറി / VHSE മേഖലയിലെ വിവിധ വിഷയങ്ങള്‍
സംബന്ധിച്ച് കൂടിയ യോഗ തീരുമാനത്തിന്റെ അടിസ്ഥാനത്തിലാണ് ഉത്തരവ്. സീറ്റ്
ദൗര്‍ലഭ്യം കണക്കിലെടുത്താണ് ഉത്തരവ്. ഈ വര്‍ധന സ്‌കൂള്‍ ട്രാന്‍സ്ഫര്‍ /
കോമ്പിനേഷന്‍ ട്രാന്‍സ്ഫര്‍ അലോട്ട്‌മെന്റിന് മുമ്പ് തന്നെ പ്രാബല്യത്തില്‍
വരും. മതിയായ അടിസ്ഥാന സൗകര്യങ്ങള്‍ ഉള്ള എല്ലാ സര്‍ക്കാര്‍
സ്‌കൂളുകള്‍ക്കും അപേക്ഷിക്കുന്ന എയ്ഡഡ് സ്‌കൂളുകള്‍ക്കും മാത്രമായിരിക്കും
വര്‍ധന ബാധകം. വര്‍ധന അണ്‍എയ്ഡഡ് മേഖലയില്‍ ബാധകമല്ല. അടിസ്ഥാന സൗകര്യവും
ആവശ്യകതയും പരിശോധിച്ച് ഉറപ്പ് വരുത്തേണ്ട ചുമതല ഹയര്‍ സെക്കണ്ടറി /
വൊക്കേഷണല്‍ ഹയര്‍ സെക്കണ്ടറി ഡയറക്ടര്‍മാര്‍ക്കാണ്.
ഹയര്‍സെക്കണ്ടറി
പ്ലസ് വണ്‍ പ്രവേശനത്തിനായി എല്ലാ സര്‍ക്കാര്‍ എയ്ഡഡ് ഹയര്‍സെക്കണ്ടറി
സ്‌കൂളുകളിലും 20 ശതമാനം വരെ മാര്‍ജിനല്‍ സീറ്റ് അനുവദിച്ച് സര്‍ക്കാര്‍
ഉത്തരവായിട്ടുണ്ട്. മാര്‍ജിനല്‍ സീറ്റ് ആവശ്യമുളള എയ്ഡഡ് ഹയര്‍സെക്കണ്ടറി
സ്‌കൂള്‍ പ്രിന്‍സിപ്പാള്‍മാര്‍ ജൂലൈ 13 ന് വൈകിട്ട് നാല് മണിക്ക് മുമ്പ്
ഓണ്‍ലൈനായി അപേക്ഷ സമര്‍പ്പിക്കണം. വിശദവിവരങ്ങള്‍ അഡ്മിഷന്‍
വെബ്‌സൈറ്റില്‍ ലഭ്യമാണ്.
Online Application for Marginal Increase : Instruction to Aided HSS Principals
Online Application for Marginal Increase : Instruction to Aided HSS Principals