പിന്നോക്ക സമുദായങ്ങള്‍ക്കുള്ള പ്രീ-മെട്രിക് സ്‌കോളര്‍ഷിപ്പ് വിതരണത്തിന്
പുതുക്കിയ നിബന്ധനകള്‍ ഉള്‍പ്പെടുത്തി ഉത്തരവ് പുറപ്പെടുവിച്ചു. അന്‍പത്
ശതമാനം കെന്ദ്ര ധനസഹായത്തോടെയുള്ള ഒ.ബി.സി പ്രീ-മെട്രിക് സ്കോളര്ഷിപ്പിന്
അപേക്ഷിക്കുന്നതിനുള്ള അര്‍ഹതാ മാനദണ്ഡങ്ങള്‍ ഉള്‍ക്കൊള്ളിച്ചുകൊണ്ട്
നേരത്തെ സര്‍ക്കാര്‍ ഉത്തരവ് പുറപ്പെടുവിച്ചിരുന്നു. പട്ടികജാതി വികസന
വകുപ്പില്‍ നിന്ന് ആനുകൂല്യത്തിനര്‍ഹരായതിനാല്‍ ഒ.ഇ.സി
വിഭാഗത്തിലുള്‍പ്പെടുന്നവര്‍ ഈ സ്കോളര്ഷിപ്പിന് അര്‍ഹരല്ല എന്നും
നിഷ്‌കര്‍ഷിച്ചിരുന്നു. 2014 മെയ് 23 ലെ ഉത്തരവിലൂടെ മൂപ്പത്
സമുദായങ്ങള്‍ക്കും ഉപവിഭാഗങ്ങള്‍ക്കും ഒ.ഇ.സി വിഭാഗത്തിനര്‍ഹമായ
നിരക്കിലുള്ള വിദ്യാഭ്യാസാനുകൂല്യങ്ങള്‍ അനുവദിച്ചിട്ടുണ്ട്.
സര്‍ക്കാര്‍ ഉത്തരവില്‍ നിഷ്‌കര്‍ഷിച്ചിട്ടുള്ള അര്‍ഹതാ
മാനദണ്ഡങ്ങളോടൊപ്പം 2014 മെയ് 23 ലെ ഉത്തരവിന്റെ അനുബന്ധത്തില്‍
ചേര്‍ത്തിട്ടുള്ള മുപ്പത് സമുദായങ്ങള്‍ക്കും ഉപവിഭാഗങ്ങള്‍ക്കും
ഒ.ഇ.സി.യ്ക്ക് സമാനമായ ആനുകൂല്യങ്ങള്‍ അനുവദിച്ചിട്ടുള്ളതിനാല്‍ ഈ
വിഭാഗത്തില്‍പ്പെട്ട വിദ്യാര്‍ത്ഥികള്‍ ഒ.ബി.സി പ്രീ-മെട്രിക്
സ്കോളര്ഷിപ്പിന് അപേക്ഷിക്കേണ്ടതില്ല എന്ന നിബന്ധനകൂടി
ഉള്‍പ്പെടുത്തിയാണ് ഉത്തരവ് പുറപ്പെടുവിച്ചിട്ടുള്ളത്.
|