പുതിയ അധ്യയന വര്ഷം മുതല് ക്ലാസ് ടൈം ടേബിളില് മാറ്റം വരുത്താന് നിര്ദ്ദേശം. നിലവിലുള്ള ഏഴ് പീരിയഡുകള് എട്ടാക്കാനാണ് നിര്ദ്ദേശം. ഇതനുസരിച്ച് ഉച്ചഭക്ഷണസമയം ഉച്ചക്ക് 12.55-മുതല് 1.30 വരെയായിരിക്കും. ക്ലാസുകള് ആരംഭിക്കുന്ന സമയത്തിലും അവസാനിക്കുന്ന സമയത്തിലും മാറ്റമുണ്ടാകില്ല. ആഴ്ചയില് അധികമായി ലഭിക്കുന്ന അഞ്ച് പീരിയഡുകള് കലാകായിക പഠനത്തിന് ഉപയോഗിക്കാനാണ് ഉദ്ദേശിക്കുന്നത്. ഇതിനാല് ഐ ടി പഠിപ്പിക്കുന്നതിനുപയോഗിച്ചിരുന്ന മറ്റു വിഷയങ്ങളുടെ നഷ്ടപ്പെട്ട പീരിയഡുകള് തിരികെ നല്കാന് സാധിക്കും. അധ്യാപകസംഘടനകളുമായി വിശദമായ ചര്ച്ചക്ക് ശേഷം മാത്രമേ ഇത് നടപ്പിലാകൂ.