പുതിയ അധ്യയനവര്ഷം ആരംഭിച്ച സാഹചര്യത്തില് ആറാം പ്രവര്ത്തിദിനത്തിന്റെ പ്രാധാന്യം അറിവുള്ളതാണല്ലോ. ഈ വര്ഷത്തെ ആറാം പ്രവര്ത്തി ദിനം ജൂണ് 8 തിങ്കളാഴ്ചയാണ്. അന്നേ ദിവസം വരെ പ്രവേശനം നേടിയ വിദ്യാര്ഥികളുടെ എണ്ണത്തിന്റെ അടിസ്ഥാനത്തിലാണ് തസ്തികനിര്ണയം നടത്തുക എന്നതിനാല് ഇതുമായി ബന്ധപ്പെട്ട വിശദാംശങ്ങള് ഉള്പ്പെടുത്തി സര്ക്കുലര് പുറത്തിറങ്ങിയിട്ടുണ്ട്. ഇതിലെ പ്രധാന നിര്ദ്ദേശങ്ങള് ചുവടെ
- ആറാം പ്രവര്ത്തിദിനത്തില് വൈകുന്നേരം അഞ്ച് മണിക്കുള്ളില് പ്രവേശനം നേടിയ വിദ്യാര്ഥികളുടെ പേര് വിവരങ്ങള് സമ്പൂര്ണയില് ഉള്പ്പെടുത്തണം
- ആറാം അധ്യയനദിനത്തില് റോളില് ഉള്ള വിദ്യാര്ഥികളില് UID ലഭ്യമായവരുടെ അടിസ്ഥാനത്തിലാണ് തസ്തിക നിര്ണയം നടത്തുക എന്നതിനാല് കൃത്യമായ ആധാര് നമ്പര് തെറ്റ് കൂടാതെ രേഖപ്പെടുത്താന് ശ്രദ്ധിക്കണം
- വിദ്യാര്ഥിയുടെ വിവരങ്ങള് രേഖപ്പെടുത്തുമ്പോള് മീഡിയം, ഭാഷ, വിഭാഗം എന്നിവ തെറ്റ് കൂടാതെ രേഖപ്പെടുത്തണം. തെറ്റിയാല് അവ തസ്തികനിര്ണയത്തെ ബാധിക്കുമെന്നതിനാല് ഇക്കാര്യത്തില് ശ്രദ്ധ ഉണ്ടാവണം
- എല് പി വിഭാഗത്തില് അഡീഷണല് ലാംഗ്വേജ് ആയി അറബിക്ക് പഠിക്കുന്ന വിദ്യാര്ഥികളുടെയും യു പി , ഹൈസ്കൂള് വിഭാഗങ്ങളില് ഒന്നാം ഭാഷയും രണ്ടാം ഭാഷയും ആയി തിരഞ്ഞെടുക്കുന്ന വിഷയങ്ങള് കൃത്യതയോടെ രേഖപ്പെടുത്താന് ശ്രദ്ധിക്കുക
- ആധാര് ഇല്ലാത്തതിന്റെ പേരില് പ്രവേശനവും സ്കോളര്ഷിപ്പ്, യൂണിഫോം, ഉച്ചഭക്ഷണം തുടങ്ങി യാതൊരു വിധം ആനുകൂല്യങ്ങളും നിഷേധിക്കരുത്
- ടി സി ആവശ്യപ്പെടുന്ന മുറക്ക് തന്നെ പുതിയ വിദ്യാലയത്തിലേക്ക് അവ നല്കേണ്ടതും UID ഉള്പ്പെടെയുള്ള വിവരങ്ങള് ഓണ്ലൈനായി ട്രാന്സ്ഫര് ചെയ്യേണ്ടതുമാണ്
- ആറാം പ്രവര്ത്തി ദിവസത്തിലെ രേഖപ്പെടുത്തലുകള് പൂര്ത്തിയാക്കിയ ശേഷം സമ്പൂര്ണയില് നിന്നും ലഭിക്കുന്ന ആറാം പ്രവര്ത്തി ദിന റിപ്പോര്ട്ട് പ്രധാനാധ്യാപകന് സാക്ഷ്യപ്പെടുത്തി ബന്ധപ്പെട്ട വിദ്യാഭ്യാസ ഓഫീസര്ക്ക് നല്കേണ്ടതാണ്
- UID ഇന്വാലിഡ് ആയ കുട്ടികളുടെ UID വാലിഡേറ്റ് ചെയ്യുന്നതിനുള്ള നടപടികള് പ്രധാനാധ്യാപകര് സ്വീകരിക്കേണ്ടതാണ്
ആറാം പ്രവര്ത്തിദിന കണക്കെടുപ്പുമായി ബന്ധപ്പെട്ട നിര്ദ്ദേശങ്ങളടങ്ങിയ സര്ക്കുലര്