ഹയര് സെക്കണ്ടറി പ്രവേശനത്തിനുള്ള മുഖ്യഘട്ടത്തിലെ മൂന്നാമത്തെയും അവസാനത്തെയുമായ അലോട്ട്മെന്റ് ലിസ്റ്റ് പ്രസിദ്ധീകരിച്ചു. പ്രവേശനം നേടിയവര് അലോട്ട്മെന്റ് ലഭിച്ച വിദ്യാലയത്തില് സ്ഥിര പ്രവേശനമാണ് നേടേണ്ടത്. ഇതോൊപ്പം തന്നെ മുമ്പ് താല്ക്കാലികപ്രവേശനം നേടിയവര്ക്ക് മറ്റ് ഓപ്ഷനുകളിലേക്ക് മാറ്റം ലിച്ചിട്ടില്ല എങ്കില് അവരും ഈ ഘട്ടത്തില് സ്ഥിരപ്രവേശനം എടുക്കേണ്ടതുണ്ട്. ജൂണ് 29 ന് രാവിലെ 11 മണി മുതല് ജൂലൈ 3 ന് വൈകിട്ട് 5 മണി വരെയാണ് ഈ അലോട്ട്മെന്റില് പ്രവേശനം ലഭിച്ചവരും മുന് അലോട്ട്മെന്റില് താല്ക്കാലിക പ്രവേശനം എടുത്തവരും വിദ്യാലയത്തില് രേഖകള് ഹാജരാക്കി സ്ഥിരപ്രവേശനം നേടുന്നതിനുള്ള സമയക്രമം. പ്രവേശനം നേടാത്ത പക്ഷം അവരുടെ അവസരം നഷ്ടപ്പെടുന്നതാണ്.
പ്രവേശനവുമായി ബന്ധപ്പെട്ട് ശ്രദ്ധിക്കേണ്ടകാര്യങ്ങള്
- ഈ അലോട്ട്മെന്റില് പ്രവേശനം ലഭിച്ചവര് സ്ഥിരപ്രവേശനമാണ് നേടേണ്ടത്
- മുമ്പ് താല്ക്കാലിക പ്രവേശനം നേടിയവരും ഈ അലോട്ട്മെന്റില് മാറ്റം ലഭിച്ചില്ല എങ്കില് ഫീസ് അടച്ച് സ്ഥിരപ്രവേശനം നേടണം
- പ്രവേശനം ജൂണ് 30 ന് രാവിലെ 11 മുതല് ജൂലൈ 3ന് വൈകിട്ട് 5 മണി വരെ
- പുതുതായി പ്രവേശനം ലഭിച്ചവരും മുന് അലോട്ട്മെന്റില് താല്ക്കാലിക പ്രവേശനം ഒരു വിദ്യാലയത്തില് നേടി ഇത്തവണ ഹയര് ഓപ്ഷനിലേക്ക് മാറ്റം ലഭിച്ചവരും അലോട്ട്മെന്റ് സ്ലിപ്പ് പ്രിന്റ് എടുത്ത് പൂരിപ്പിച്ച് രേഖകള് സഹിതം വിദ്യാലയത്തിലെത്തി ഫീസ് അടച്ച് സ്ഥിരപ്രവേശനം നേടണം
- മുമ്പ് താല്ക്കാലിക പ്രവേശനം നേടിയവര്ക്ക് പുതിയ അലോട്ട്മെന്റില് മാറ്റം ഇല്ലെങ്കില് അലോട്ട്മെന്റ് ലെറ്റര് ആവശ്യമില്ല. അവര് വിദ്യാലയത്തിലെത്തി ഫീസടച്ച് പ്രവേശനം സ്ഥിരമാക്കുക
- നിലവില് അലോട്ട്മെന്റ് ഒന്നും ലഭിക്കാത്തവര് സപ്ലിമെന്ററി അലോട്ട്മെന്റിന് അപേക്ഷ ക്ഷണിക്കുന്ന അവസരത്തില് പുതിയ ഓപ്ഷനുകള് കൂട്ടിച്ചേര്ത്ത് അപേക്ഷ പുതുക്കി നല്കണം
- ഇപ്പോള് പ്രവേശനം നേടിയവര്ക്ക് അവര് ഉദ്ദേശിച്ച സ്കൂള് / കോഴ്സ് കോമ്പിനേഷന് ലഭിച്ചില്ല എങ്കിലും അവര് സ്ഥിരപ്രവേശനം നേടിയ ശേഷം സപ്ലിമെന്ററി അലോട്ട്മെന്റിന് ശേഷമുള്ള സ്കൂള്/കോമ്പിനേഷന് മാറ്റത്തിന് അപേക്ഷിക്കാവുന്നതാണ്
പ്രവേശനത്തിന് ആവശ്യമായ രേഖകള്
- Candidate Login നിന്നും ലഭിക്കുന്ന 2പേജുള്ള അലോട്ട്മെന്റ് ലെറ്റര് പൂരിപ്പിച്ച് രക്ഷകര്ത്താവും വിദ്യാര്ഥിയും ഒപ്പിട്ടത്
- യോഗ്യത തെളിയിക്കുന്ന സര്ട്ടിഫിക്കറ്റ് (എസ് എസ് എല് സി റിസല്ട്ടിന്റെ പ്രിന്റൗട്ട്)
- ടി സി
- സ്വഭാവ സര്ട്ടിഫിക്കറ്റ്
- ബോണസ്, ടൈ ബ്രേക്കിന് ആനുകൂല്യങ്ങള് ലഭിച്ചിട്ടുണ്ട് എങ്കില് അവയുടെ രേഖകള്
- ഭിന്നശേഷി വിഭാഗത്തില് പ്രവേശനം ലഭിക്കുന്നവര് 40 ശതമാനത്തില് കുറയാത്ത വൈകല്യമുണ്ടെന്ന് തെളിയിക്കുന്ന മെഡിക്കല് ബോര്ഡിന്റെ സര്ട്ടിഫിക്കറ്റ്
- സാമുദായിക സംവരണം തെളിയിക്കുന്നതിനുള്ള രേഖകള് (എസ് എസ് എല് സി ബുക്ക് മതിയാകും .എന്നാല് ഇതില് നിന്നും വിഭിന്നമായതാണ് എങ്കില്റവന്യൂ അധികാരികള് നല്കുന്ന ജാതി സര്ട്ടിഫിക്കറ്റ് ഹാജരാക്കണം)
- ഒ ഇ സി വിഭാഗം വിദ്യാര്ഥികള് ഫീസാനുകൂല്യത്തിന് ജാതി സര്ട്ടിഫിക്കറ്റ് ഹാജരാക്കണം
- സ്ഥിരതാമസത്തിന് ബോണസ് പോയിന്റ് ലഭിച്ചവര് അത് തെളിയിക്കുന്നതിന് എസ് എസ് എല് സി ബുക്കില് അത് ഉണ്ടെങ്കില് അതോ അല്ലെങ്കില് റേഷന് കാര്ഡ് /നേറ്റിവിറ്റി സര്ട്ടിഫിക്കറ്റ് ഹാജരാക്കണം
- എന് സി സിക്ക് 75% ഹാജരുണ്ടെന്ന ഡയറക്ടറേറ്റ് നല്കുന്ന സര്ട്ടിഫിക്കറ്റ്. രജ്യപുരസ്കാര് ലഭിച്ചവര്ക്ക് അത് തെളിയിക്കുന്ന സര്ട്ടിഫിക്കറ്റ് ഉണ്ടെങ്കില് ബോണസ് പോയിന്റിന്റെ ആനുകൂല്യം ലഭിക്കൂ
- എസ് പി സി വിദ്യാര്ഥികളുടെ SPC Project Kerala നല്കുന്ന സര്ട്ടിഫിക്കറ്റ്
- ടൈ ബ്രേക്കിന് ആനുകൂല്യം ലഭിച്ചവര് അതിനുള്ള രേഖകള്