മെറിറ്റ് ക്വാട്ടയിലെ വിവിധ അലോട്ട്‍മെന്റുകളില്‍ അപേക്ഷിച്ചിട്ടും നാളിത് വരെ അലോട്ട്‍മെന്റ് ലഭിക്കാത്തവര്‍ക്ക് നിലവിലുള്ള വേക്കന്‍സിയില്‍ പ്രവേശനം നേടുന്നതിനായി 2025 ജൂലൈ 29 മുതല്‍ ജൂലൈ 30ന് വൈകിട്ട് 4 മണി വരെ അപേക്ഷ സമര്‍പ്പിക്കാം. നിലവില്‍ ഒഴിവുള്ള വേക്കന്‍സികളുടെ ലിസ്റ്റ് 29ന് രാവിലെ 9 മണിയോടെ പ്രവേശന വെബ്‍സൈറ്റായ https://www.hscap.kerala.gov.in പ്രസിദ്ധീകരിക്കും.
നിലവില്‍ ഏതെങ്കിലും ക്വാട്ടയില്‍ പ്രവേശനം നേടിയവര്‍ക്ക് അപേക്ഷിക്കാന്‍ സാധിക്കുകയില്ല. 29ന് രാവിലെ 10 മണി മുതല്‍ പ്രവേശനസൈറ്റിലെ Candidate Login ലെ Apply for Vacant Seats എന്ന ലിങ്കിലൂടെ അപേക്ഷ സമര്‍പ്പിക്കണം. അപേക്ഷയില്‍ ഒഴിവായി കാണുന്ന എത്ര സ്കൂളിലേക്കോ കോഴ്‍സുകളിലേക്കോ വേണമെങ്കിലും അപേക്ഷ നല്‍കാവുന്നതാണ്.
ലഭ്യമാകുന്ന അപേക്ഷകള്‍ പരിഗണിച്ച് ജൂലൈ 31 ന് രാവിലെ 9 മണിക്ക് റാങ്ക് ലിസ്റ്റ് പ്രസിദ്ധീകരിക്കും. അഡ്‍മിഷന്‍ ലഭിക്കാന്‍ കൂടുതല്‍ സാധ്യതയുള്ള സ്കൂള്‍ / കോഴ്‍സ് മനസിലാക്കി അപേക്ഷകര്‍ രക്ഷകര്‍ത്താക്കളോടൊപ്പം പ്രവേശനം ആഗ്രഹിക്കുന്ന സ്‍കൂളില്‍ ബന്ധപ്പെട്ട രേഖകള്‍ സഹിതം ഹാജരായി പ്രവേശനം നേടേണ്ടതാണ്. യോഗ്യതാ സര്‍ട്ടിഫിക്കറ്റ്, ടി സി, സ്വഭാവ സര്‍ട്ടിഫിക്കറ്റ്, തുടങ്ങി ബോണസ് പോയിന്റിന് നല്‍കിയവയുടെ രേഖകളും ഫീസും കരുതണം. ഇപ്രകാരം ഹാജരാകുന്ന വിദ്യാര്‍ഥികളില്‍ നിന്നും ഹാജരായവരില്‍ ഉയര്‍ന്ന റാങ്ക് ലഭിച്ച വിദ്യാര്‍ഥികളെ ഉച്ചക്ക് 12 മണിക്ക് ശേഷം 1 മണിക്കുള്ളില്‍ പ്രവേശനം നടത്തും
Click Here for Instructions to Candidates & Principals