എസ് ഐ ടി സി ഫോറം പാലക്കാട് ജില്ലാ പ്രസിഡന്റും കൊപ്പം ജി വി എച്ച് എസ് എസിലെ സോഷ്യല്‍ സയന്‍സ് അധ്യാപകനുമായ ശ്രീ മുഹമ്മദ് ഇഖ്‌ബാല്‍ മാഷിന് ഈ വര്‍ഷത്തെ സംസ്ഥാന അധ്യാപക അവാര്‍ഡ്. വര്‍ഷങ്ങളായി വിദ്യാഭ്യാസ മേഖലയില്‍ സജീവമായ ഇഖ്‌ബാല്‍ മാഷ് SCERT നടത്തുന്ന വിവിധ പ്രവര്‍ത്തനങ്ങളിലും ഹൈടെക്ക് ക്ലാസ് മുറികളെ ശാക്‌തീകരിക്കുന്ന സമഗ്ര വെബ്‌പോര്‍ട്ടലിലും അധ്യാപകര്‍ക്കും വിദ്യാര്‍ഥികള്‍ക്കും സാമീഹ്യശാസ്‌ത്ര വിഭവങ്ങള്‍ ഉള്‍പ്പെടുത്തുന്ന പ്രവര്‍ത്തനങ്ങളിലും സഹകരിച്ചു വരുന്നു. ബാംഗ്ലൂര്‍
വിശ്വേശരയ്യ ഇന്‍ഡസ്ട്രിയല്‍
ആന്റ് ടെക്നോളജിക്കല്‍
മ്യൂസിയവും കര്‍ണ്ണാടക
ഗവണ്‍മെന്റിന്റെ കമ്മീഷ്ണര്‍
ഓഫ് പബ്ലിക്ക് ഇന്‍സ്ട്രക്ഷന്‍സും
ആറ് ദക്ഷിണേന്ത്യന്‍
സംസ്ഥാനങ്ങളും സംയുക്തമായി
ബംഗളൂരുവിലെ സെന്റ് ജോസഫ്
ഇന്ത്യന്‍ ഹൈസ്ക്കൂളില്‍
വെച്ച് 2019 ജനുവരി 7മുതല്‍
11വരെ
സംഘടിപ്പിച്ച
ദക്ഷിണേന്ത്യന്‍ ശാസ്ത്രമേളയില്‍ സാമൂഹ്യശാസ്ത്രത്തില്‍ ഒന്നാംസ്ഥാനവും
ഓവര്‍ ആളില്‍ മൂന്നാംസ്ഥാനവും കരസ്ഥമാക്കിയ ശ്രീ ഇഖ്‌ബാല്‍ മങ്കട ആലത്തൂരില്‍
വെച്ച് നടന്ന പാലക്കാട്
റവന്യൂജില്ലാ സാമൂഹ്യ
ശാസ്ത്രമേളയില്‍ അധ്യാപകര്‍ക്കുള്ള
ടീച്ചിംഗ് എയിഡ് മത്സരത്തില്‍
തുടര്‍ച്ചയായി അഞ്ചാം തവണയും
ഫസ്റ്റ് എ ഗ്രേഡ് നേടി കണ്ണൂരില്‍
നടക്കുന്ന സംസ്ഥാന സാമൂഹ്യ
ശാസ്ത്രമേളയിലേക്ക്
തെരെഞ്ഞെടുക്കപ്പെടുകയും അവിടെയും വിജയം കൈവരിച്ചു. പ്രളയാനന്തര
കേരളത്തിലെ മണ്ണറിയണം
മണ്ണിനെയറിയണം "എന്ന
വിഷയത്തെ അടിസ്ഥാനമാക്കിയാണ്
പഠനസഹായി തയ്യാറാക്കിയത്.കഴിഞ്ഞ
വര്‍ഷം കോഴിക്കോട് വെച്ചു
നടന്ന സംസ്ഥാന ശാസ്ത്രമേളയില്‍
ഒന്നാം സ്ഥാനം കരസ്ഥമാക്കിയ
ഇദ്ദേഹം മങ്കട ഓണ്‍ലൈനിലൂടെ മങ്കടയിലെ പ്രാദേശികചരിത്രവുമായി ബന്ധപ്പെട്ട പ്രവര്‍ത്തനങ്ങളിലും സജീവമാണ്. എസ് ഐ ടി സി ഫോറം പാലക്കാടിന്റെ പ്രസിഡന്റ് കൂടിയായ ശ്രീ ഇഖ്‌ബാല്‍ മങ്കടക്ക് എസ് ഐ ടി സി ഫോറം പാലക്കാടിന്റെ അഭിനന്ദനങ്ങള്‍