2018-19 അദ്ധ്യയന വര്‍ഷം കേരളത്തെ പ്രതിനിധീകരിച്ച് ദേശീയ സ്കൂള്
അത്‌ലറ്റിക്‌സ്-ഗെയിംസ് മത്സരങ്ങളില്‍ പങ്കെടുപ്പിക്കുന്നതിന് മികച്ച
കായികതാരങ്ങളെ തിരഞ്ഞെടുക്കുന്നു. 2018 ഏപ്രില്‍, മെയ് മാസങ്ങളില്‍
നടക്കുന്ന സമ്മര്‍ കോച്ചിംഗ് ക്യാമ്പില്‍ ഉള്‍പ്പെടുത്തി മികച്ച പരിശീലനവും
നല്‍കും. സംസ്ഥാന പൊതു വിദ്യാഭ്യാസ വകുപ്പാണ് സംസ്ഥാനതല തിരഞ്ഞെടുപ്പ്
നടത്തുന്നത്. അത്‌ലറ്റിക്‌സ്, തയ്ക്വണ്‍ഡോ, ഫുട്‌ബോള്‍, വോളീബോള്‍,
ഹാന്‍ഡ്‌ബോള്‍, കബഡി, ഖൊ-ഖൊ, ക്രിക്കറ്റ്, ബാസ്‌ക്കറ്റ് ബോള്‍,
ബോള്‍ബാഡ്മിന്റണ്‍, ഹോക്കി ഇനങ്ങളിലാണ് സമ്മര്‍ കോച്ചിംഗ് ക്യാമ്പില്‍
പ്രത്യേക പരിശീലനം നല്‍കുന്നത്. സമ്മര്‍ കോച്ചിംഗ് ക്യാമ്പിലേക്കുള്ള
ആദ്യഘട്ട തിരഞ്ഞെടുപ്പ് ഫെബ്രുവരി 15 ന് കോട്ടയം, നെഹ്‌റു സ്റ്റേഡിയത്തില്‍
നടക്കും. ഇടുക്കി, കോട്ടയം, ആലപ്പുഴ, എറണാകുളം ജില്ലകള്‍ക്കായാണ്
തിരഞ്ഞെടുപ്പ്.
തിരഞ്ഞെടുപ്പിനെക്കുറിച്ചുള്ള വിശദ വിവരങ്ങള്‍ www.education.kerala.gov.in ല്‍ ലഭിക്കും.
തിരഞ്ഞെടുപ്പിനെക്കുറിച്ചുള്ള വിശദ വിവരങ്ങള്‍ www.education.kerala.gov.in ല്‍ ലഭിക്കും.