ഒ.ബി.സി. വിഭാഗം വിദ്യാര്‍ത്ഥികള്‍ക്കുള്ള പ്രീമെട്രിക് സ്കോളര്ഷിപ്പിന് അപേക്ഷ
ക്ഷണിച്ചു. രക്ഷിതാക്കളുടെ വാര്‍ഷിക വരുമാനം 44,500 രൂപയില്‍ കൂടാത്തതും
സംസ്ഥാനത്തെ സര്‍ക്കാര്‍/എയ്ഡഡ് സ്‌കുളുകളില്‍ ഒന്നുമുതല്‍ 10 വരെ
ക്ലാസുകളില്‍ പഠിക്കുന്നവരുമായ ഒ.ബി.സി. വിഭാഗം വിദ്യാര്‍ത്ഥികള്‍ക്ക്
സ്കോളര്ഷിപ്പിന് അപേക്ഷിക്കാം. അപേക്ഷാ ഫാറത്തിന്റെ മാതൃകയും
അപേക്ഷകര്‍ക്കും സ്‌കൂള്‍ അധികൃതര്‍ക്കുമുള്ള
നിര്‍ദ്ദേശങ്ങളും www.scholarship.itschool.gov.in, www.bcdd.kerala.gov.in
എന്നീ വെബ്‌സൈറ്റുകളില്‍ ലഭ്യമാണ്. അപേക്ഷകള്‍ പൂരിപ്പിച്ച് ഒക്ടോബര്‍
30-ന് മുന്‍പ് സ്‌കൂള്‍ പ്രധാനാധ്യാപകനെ ഏല്‍പ്പിക്കണം. സ്‌കൂള്‍
അധികാരികള്‍ നവംബര്‍ 10-നകം ഡാറ്റാ എന്‍ട്രി നടത്തേണ്ടതാണെന്ന് പിന്നാക്ക
സമുദായ വികസന വകുപ്പ് ഡയറക്ടര്‍ അറിയിച്ചു. ഇ-മെയില്‍
:obcdirectorate@gmail.com
നിര്‍ദ്ദേശങ്ങള്‍
- ഒന്ന് മുതല്‍ പത്ത് വരെ ക്ലാസുകളിലെ OBC വിദ്യാര്‍ഥികള്‍ക്ക് അപേക്ഷിക്കാം
- മൈനോരിറ്റി പ്രീമെട്രിക്കിന് അപേക്ഷിക്കാന്‍ യോഗ്യതയുള്ള വിഭാഗങ്ങളും OEC സ്കോളര്ഷിപ്പിന് അപേക്ഷിക്കാന്‍ യോഗ്യതയുള്ള വിഭാഗങ്ങളും അപേക്ഷിക്കേണ്ടതില്ല
- വാര്‍ഷിക വരുമാനം 44500 രൂപയില്‍ കൂടരുത്.
- മുന്‍വര്‍ഷത്തെ വാര്‍ഷിക പരീക്ഷയില്‍ കുറഞ്ഞത് 50% മാര്‍ക്ക് ലഭിച്ചിരിക്കണം
- വാര്‍ഷികവരുമാനം സംബന്ധിച്ച രക്ഷകര്‍ത്താവിന്റെ സാക്ഷ്യപത്രം ഉണ്ടാവണം(മുദ്രപ്പത്രത്തില്‍ വേണമെന്നില്ല)
- 85%മോ അതിന് മുകളിലോ മാര്‍ക്ക് ലഭിച്ചവരും ഒന്നാം ക്ലാസ് വിദ്യാര്‍ഥികളും ബാങ്ക് അക്കൗണ്ട് നിര്‍ബന്ധം (പാസ്‌ബുക്കിന്റെ പകര്‍പ്പ് അപേക്ഷയോടൊപ്പം നല്‍കണം). മറ്റുള്ളവര്‍ക്ക് അക്കൗണ്ട് നിര്‍ബന്ധമല്ല.
- അപേക്ഷകള്‍ സ്വീകരിക്കാവുന്ന അവസാനദിവസം ഒക്ടോബര്‍ 31-ഉം ഓണ്‍ലൈന്‍ ഡേറ്റാ എന്‍ട്രിക്കുള്ള അവസാനദിവസം നവംബര്‍ 10-ഉം ആണ്
- സമ്പൂര്‍ണ്ണ Username & Password for Data Entry