ഐസിടി
അധിഷ്ഠിത വിദ്യാഭ്യാസം
ഫലപ്രദമാക്കുന്നതിന്
ഐടി@സ്കൂളിന്റെ
നേതൃത്വത്തില്‍ കേരളത്തിലെ
അദ്ധ്യാപക-വിദ്യാര്‍ത്ഥി
സമൂഹം നിരന്തരപ്രവര്‍ത്തനത്തില്‍
ഏര്‍പ്പെട്ടിരിക്കുകയാണല്ലോ.
ഐടി@സ്കൂള്‍
തയ്യാറാക്കുന്ന ഡിജിറ്റല്‍
ടെക്സ്റ്റ്ബുക്കിനുവേണ്ടി,
അദ്ധ്യാപകര്‍,
ശാസ്ത്ര-സാങ്കേതിക
രംഗങ്ങളില്‍ പ്രവര്‍ത്തിക്കുന്നവര്‍,
വിദ്യാഭ്യാസമേഖലയില്‍
താത്പര്യമുള്ളവര്‍ തുടങ്ങിയവരില്‍
നിന്നും പാഠപുസ്തകങ്ങളിലെ
ഹാര്‍ഡ് സ്പോട്ടുകള്‍
വിശദീകരിക്കാനാവശ്യമായ
ഡിജിറ്റല്‍ കണ്ടന്റുകള്‍
ശേഖരിക്കുന്നു.
ആദ്യഘട്ടത്തില്‍
പത്താം ക്ലാസ്സിലെ മാത്സ്,
ഫിസിക്സ്, കെമസ്ട്രി,
ബയോളജി എന്നീ
വിഷയങ്ങളിലാണ് ഡിജിറ്റല്‍
ടെക്സ്റ്റ് തയ്യാറാവുന്നത്.
ഇതുവരെ കണ്ടെത്തിയിട്ടുള്ള
ഹാര്‍ഡ് സ്പോട്ടുകള്‍ ഇവിടെ നിന്നും ഡൗണ്‍ലോഡ് ചെയ്യാവുന്നതാണ്. ഈ
ഹാര്‍ഡ് സ്പോട്ടുകുളുടെ
സങ്കീര്‍ണ്ണത ലഘൂകരിക്കുന്നതിന്
ആവശ്യമായ പഠനസഹായികളുടെ
(ഓഡിയോ-വീഡിയോ
ക്ലിപ്പുകള്‍, അനിമേഷനുകള്‍,
അപ്ലറ്റുകള്‍,
ചിത്രങ്ങള്‍,
കുറിപ്പുകള്‍
തുടങ്ങിയവ) വിപുലമായ
ശേഖരണമാണ് ആദ്യഘട്ടം.
ഓഡിയോ-വീഡിയോ,
അനിമേഷനുകളുടെ
ദൈര്‍ഘ്യം പരമാവധി 3 മിനിറ്റ്
വരെയായി നിജപ്പെടുത്തേണ്ടതാണ്.
കണ്ടന്റുകള്‍ സ്വയം
തയ്യാറാക്കുന്നതോ
പഠനപ്രവര്‍ത്തനങ്ങളുടെ
ഭാഗമായി, പകര്‍പ്പകാശനിയമപരിധിയില്‍
ഉള്‍പ്പെടാതെ ശേഖരിച്ചവയോ
ആയിരിക്കണം. സ്ക്കൂളുകളില്‍
ലഭ്യമായ ഇത്തരം കണ്ടന്റുകള്‍
drcpkd@gmail.com എന്ന
id യിലേക്ക് 20/10/14 ന് മുന്‍പായി അയച്ചു നല്‍കേണ്ടതാണ്. ഇതോടൊപ്പം ചേര്‍ത്തിരിക്കുന്ന ഹാര്‍ഡ്‍സ്പോട്ടുകളുടെ പഠനസാമഗ്രികള്‍ മാത്രമാണ് അയച്ച് നല്‍കേണ്ടത്.
