പഠന-പാഠ്യേതര പ്രവര്ത്തനങ്ങളില് മികവ് പ്രകടിപ്പിക്കുന്ന സാമ്പത്തികവും കുടുംബപരവുമായ പിന്നോക്കാവസ്ഥ കാരണം മികവ് പ്രകടിപ്പിക്കാന് കഴിയാത്ത പട്ടികജാതി വിദ്യാര്ഥികള്ക്ക് പഠനപ്രവര്ത്തനങ്ങള്ക്ക് സഹായം നല്കുക എന്ന ലക്ഷ്യത്തോടെ ആരംഭിച്ച അയ്യങ്കാളി മെമ്മോറിയല് ടാലന്റ് സേര്ച്ച് ആന്റ് ഡെവലപ്പ്മെന്റ് സ്കോളര്ഷിപ്പിനായി 2026-27 അധ്യയനവര്ഷം 5, 8 ക്ലാസുകളില് പഠിക്കുന്നതും 4,7 ക്ലാസുകളിലെ വാര്ഷിക പരീക്ഷയില് എല്ലാ വിഷയങ്ങള്ക്കും എ ഗ്രേഡ് ലഭിച്ചതുമായ പട്ടികജാതി വിഭാഗം വിദ്യാര്ഥികള്ക്കുള്ള സ്കോളര്ഷിപ്പിന് അപേക്ഷ ക്ഷണിച്ചിട്ടുണ്ട്. ഇ-ഗ്രാന്റ്സ് പോര്ട്ടല് 3.0മുഖേന അപേക്ഷ സമര്പ്പിക്കാനുള്ള അവസാന തീയതി ജൂലൈ 15 ആണ്.പരീക്ഷയും സ്കോളര്ഷിപ്പുമായി ബന്ധപ്പെട്ട വിശദാംശങ്ങള് ചുവടെ സര്ക്കുലറിലും ഈ പോസ്റ്റിന് അവസാനം നല്കിയിരിക്കുന്ന 01.06.2024 സര്ക്കുലറിലും നിന്ന് ലഭ്യമാണ്
നിബന്ധനകള്
- 2026-27 അധ്യയനവര്ഷം സര്ക്കാര് /എയ്ഡഡ് വിദ്യാലയങ്ങളില് 5, 8 ക്ലാസുകളില് പഠിക്കുന്ന വിദ്യാര്കള്ക്കാണ് അപേക്ഷിക്കാവുന്നത്.
- കുടുംബ വാര്ഷിക വരുമാനം ഒരു ലക്ഷം രൂപയില് കവിയാന് പാടില്ല
- മുന് വര്ഷം (4,7 ക്ലാസുകളില്) എല്ലാ വിഷയങ്ങള്ക്കും എ ഗ്രേഡ് കരസ്ഥമാക്കിയ പട്ടികജാതി വിദ്യാര്ഥികള്ക്കാണ് അപേക്ഷിക്കാവുന്നത്.
- സ്കീം കാലയളവില് സര്ക്കാര് / എയ്ഡഡ് വിദ്യാലയങ്ങളില് തന്നെ പഠിക്കണം
- പട്ടികജാതി വിഭാഗത്തിലെ ദുര്ബല സമുദായത്തില് പെട്ട / പട്ടിക വര്ഗത്തിലെ പി വി റ്റി ജി വിദ്യാര്ഥികളില് ബി ഗ്രേഡ് ലഭിച്ചവര്ക്കും അപേക്ഷിക്കാം
- സ്കോളര്ഷിപ്പിനായി തിരഞ്ഞെടുക്കുന്ന സമയത്തെ പഠനനിലവാരത്തില് നിന്നും തുടര്ന്നുള്ള വാര്ഷിക പരീക്ഷകളില് പിന്നോക്കം പോവുകയാണെങ്കില് പദ്ധതിയില് നിന്നും ഒഴിവാക്കും
- 5, 8 ക്ലാസുകളിലെ വിദ്യാര്ഥികള് യഥാക്രമം കാറ്റഗറി 1 യുപി, കാറ്റഗറി 2 ഹൈസ്കൂള് വിഭാഗം ടാലന്റ് സേര്ച്ച് പരീക്ഷയില് പങ്കെടുക്കണം
- സ്കീം പ്രകാരം യു പി വിഭാഗം വിദ്യാര്ഥികള്ക്ക് 5000 രൂപയും ഹൈസ്കൂള് വിഭാഗം വിദ്യാര്ഥികള്ക്ക് 5500 രൂപയുമാണ് സ്കോളര്ഷിപ്പ് തുക ലഭിക്കുക
- അപേക്ഷ സ്വീകരിക്കുന്ന അവസാന തീയതി :- 15.07.2026
- ഓണ്ലൈന് അപേക്ഷ സമര്പ്പിക്കുന്നതിനുള്ള അവസാന തീയതി :- 15.07.2026
- ഹാള് ടിക്കറ്റ് :- ജൂലൈ അവസാന വാരം
- പരീക്ഷ നടക്കുന്ന തീയതി :- 02.08.2026 (10 മണി മുതല് 12 വരെ)