ചിറ്റൂര് ഗവ ബോയ്സ് ഹയര് സെക്കണ്ടറി സ്കൂളില് എസ് എസ് എല് സി വിജയശതമാനം ഉയര്ത്തുന്നതിനായി ആവിഷ്കരിച്ച തനത് പദ്ധതിയാണ് My Steps-14. വ്യത്യസ്തമായ ഒരു പ്രവര്ത്തനം എന്ന നിലയില് അവര് ആവിഷ്കരിച്ച പദ്ധതി മറ്റ് വിദ്യാലയങ്ങള്ക്കും മാതൃകയാക്കാവുന്നതാണ്. മെച്ചപ്പെട്ട നിലയിലുള്ള പരിഹാരബോധനം ലക്ഷ്യമിട്ട് കുട്ടികളുടെ നിലവാരം കുട്ടിയും അധ്യാപകനും വെവ്വേറെ വിലയിരുത്തുകയും അതിന്റെ അടിസ്ഥാനത്തില് ഓരോ കുട്ടിക്കും ആവശ്യമായ പ്രവര്ത്തനങ്ങള് നല്കി നിലവാരം ഉയര്ത്തുകയാണ് ഉദ്ദേശിക്കുന്നത്. ഇതിനുവേണ്ടി അവര് തയ്യാറാക്കിയ വിലയിരുത്തല് സൂചകങ്ങളാണ് ചുവടെ ചേര്ത്തിരിക്കുന്നത്. Personal Evaluation-ന് ഓരോ വിദ്യാര്ഥിക്കും നല്കുകയും ഓരോ പരീക്ഷയെയും കുറിച്ച് അവരുടെ പ്രതീക്ഷകളും അവര് നേടിയ മാര്ക്കും ശേഖരിക്കുകയും തുടര്ന്ന് Personal Evaluation Tool-2 എന്ന രണ്ടാമത്തെ ടൂള് ഉപയോഗിച്ച് ഓരോ പരീക്ഷയെയും കുട്ടിയും അധ്യാപകനും നിലയിരുത്തുന്നതോടൊപ്പം രണ്ട് പേരും പരിഹാരങ്ങള് നിര്ദ്ദേശിക്കുകയും ചെയ്യുന്നു. ഇത്തരത്തില് തുടര്ച്ചയായ വിലയിരുത്തലിന്റെ അടിസ്ഥനത്തില് നിലവാരം ഉയര്ത്താന് സാധിക്കുമെന്ന പ്രതീക്ഷ അവര് പുലര്ത്തുന്നു. അതോടൊപ്പം തന്നെ വിദ്യാര്ഥികള്ക്കായി ഒരു ടൈംചേബിളും അവര് തയ്യാറാക്കിയിരിക്കുന്നു. മറ്റ് വിദ്യാലയങ്ങള്ക്കും പരീക്ഷിച്ച് നോക്കാവുന്ന ഒരു ആശയമെന്ന നിലയില് അവരുടെ ആശയം ഇവിടെ പങ്ക് വെക്കുന്നു. എസ് ഐ ടി സി ഫോറത്തിന് വേണ്ടി ഈ ആശയും പങ്ക് വെക്കാന് തയ്യാറായ അവിടുത്തെ അക്കാദമിക് സെല്ലിനെയും വിശേഷിച്ച് ഇത് നമുക്കയച്ചുതന്ന അവിടുത്തെ എസ് ഐ ടി സി ഹരിമാഷിനെയും അഭിനന്ദിക്കുന്നു. മറ്റ് വിദ്യാലയങ്ങളും അവരുടെ ആശയങ്ങള് പങ്ക് വെക്കാന് തയ്യാറാണെങ്കില് ഫോറത്തിനയച്ചു തരിക. നവീനാശയങ്ങള് ഫോറം പങ്ക് വെക്കുന്നതായിരിക്കും.
Personal Evaluation Tool 1
Personal Evaluation Tool 2
Time Table
Personal Evaluation Tool 1
Personal Evaluation Tool 2
Time Table