പൊതുവിദ്യാഭ്യാസ വകുപ്പ് ഏര്‍പ്പെടുത്തിയിട്ടുളള 2013 ലെ പ്രൊഫസര്‍ ജോസഫ്
മുണ്ടശ്ശേരി സ്മാരക അവാര്‍ഡിന് അദ്ധ്യാപകരില്‍ നിന്നും രചനകള്‍ ക്ഷണിച്ചു.
2008 ജനുവരി ഒന്നു മുതല്‍ 2012 ഡിസംബര്‍ 31 വരെയുളള കാലയളവില്‍
മലയാളത്തില്‍ പ്രസിദ്ധീകരിച്ചിട്ടുളള ആദ്യ പതിപ്പായിരിക്കണം. സര്‍ഗ്ഗാത്മക
സാഹിത്യം, വൈജ്ഞാനിക സാഹിത്യം, ബാലസാഹിത്യം എന്നീ വിഭാഗങ്ങളിലേക്ക്
പ്രത്യേകം രചനകള്‍ അയക്കാം.
10,000 രൂപയും പ്രശസ്തി പത്രവും ശില്‍പവും അടങ്ങുന്നതാണ് അവാര്‍ഡ്.
രചനകളുടെ അഞ്ച് പകര്‍പ്പുകളും ഇപ്പോഴും സര്‍വ്വീസില്‍ തുടരുന്നുവെന്ന
മേലുദ്യോഗസ്ഥന്റെ സാക്ഷ്യപത്രവും ജൂലൈ 25 ന് വൈകുന്നേരം അഞ്ച് മണിക്ക്
മുമ്പായി വിദ്യാഭ്യാസ ഡയറക്ടറേറ്റിലെ പബ്ലിക് റിലേഷന്‍സ് ഒഫീസര്‍ക്ക്
ലഭിക്കത്തക്കവിധം അയക്കണം.
Prof.Joseph Mundasery Smaraka Award |