സര്ക്കാര്
സ്കൂളിനോടനുബന്ധിച്ച് പി.റ്റി.എ. നടത്തുന്ന പ്രീ-പ്രൈമറി ക്ലാസുകളിലെ
അധ്യാപകര്ക്കും ആയമാര്ക്കും യഥാക്രമം 5,000, 3,500 നിരക്കില് 2012
ആഗസ്റ്റ് ഒന്ന്മുതല് ഓണറേറിയം നല്കാന് സര്ക്കാര് ഉത്തരവായിരുന്നു.
നിരവധി അധ്യാപകര്ക്കും ആയമാര്ക്കും ഇത്തരത്തില് അനുവദിച്ച ഓണറേറിയം
ലഭിക്കില്ലെന്ന് പരാതി ലഭിച്ചതിനാലും ഇക്കാര്യത്തില് അടിയന്തര
തീരുമാനമെടുക്കണമെന്ന് ഹൈക്കോടതി നിര്ദേശിച്ചതിനാലും അര്ഹരായ മുഴുവന്
പ്രീ-പ്രൈമറി ടീച്ചര്മാരെയും ആയമാരെയും കണ്ടെത്തുന്നതിന് ഒരു അദാലത്ത്
എല്ലാ വിദ്യാഭ്യാസ ഉപഡയറക്ടര്മാരുടെ കാര്യാലയത്തിലും നടത്തും. ഇതിനായി
അര്ഹത തെളിയിക്കുന്ന രേഖകള് സഹിതം ബന്ധപ്പെട്ട വിദ്യാഭ്യാസ ഉപഡയറക്ടര്
ഡിസംബര് അഞ്ചിനകം പരാതി നല്കണമെന്ന് പൊതുവിദ്യാഭ്യാസ ഡയറക്ടര്
അറിയിച്ചു.