സംസ്ഥാനത്തെ
സര്‍ക്കാര്‍, എയിഡഡ് വിദ്യാലയങ്ങളില്‍ ഒന്നു മുതല്‍ എട്ടുവരെ ക്ലാസുകളില്‍
പഠിക്കുന്ന വിദ്യാര്‍ത്ഥികള്‍ക്ക് സൗജന്യ യൂണിഫോം നല്‍കുന്നതിന്റെ ഭാഗമായി
അര്‍ഹതയുള്ള എല്ലാ കുട്ടികളുമുള്ള സ്‌കൂളുകള്‍ക്ക് ഒരവസരം കൂടി
നല്‍കുമെന്ന് പൊതുവിദ്യാഭ്യാസ ഡയറക്ടര്‍ ബിജു പ്രഭാകര്‍ അറിയിച്ചു.
സെപ്തംബര്‍ ഏഴിന് വൈകിട്ട് അഞ്ച് മണിക്കു മുമ്പ്
വിശദാംശങ്ങള്‍www.education.kerala.gov.in വെബ്‌സൈറ്റില്‍
ഉള്‍പ്പെടുത്തണം. അര്‍ഹതയുള്ള കുട്ടികള്‍ക്ക് യൂണിഫോം ലഭ്യമാക്കേണ്ടതിന്റെ
ഉത്തരവാദിത്വം അതത് സ്കൂള് ഹെഡ്മാസ്റ്റര്‍മാര്‍ക്കായിരിക്കും.
അര്‍ഹതയുള്ള കുട്ടികളുടെ എണ്ണം ഓണ്‍ലൈനായി സമര്‍പ്പിക്കുന്നതിന്
പൊതുവിദ്യാഭ്യാസ വകുപ്പ് സൗകര്യം ഒരുക്കിയിരുന്നു. 98 ശതമാനം സ്‌കൂളുകളില്‍
നിന്നും കുട്ടികളുടെ വിശദാംശങ്ങള്‍ ഉള്‍പ്പെടുത്തിക്കഴിഞ്ഞതായും ഡയറക്ടര്‍
അറിയിച്ചു.