എസ് ഐ ടി സി ഫോറത്തിന്റെ ആലത്തൂര് ഉപജില്ലാ കണ്വീനറും മഞ്ഞപ്ര PKHS-ലെ SITCയുമായിരുന്ന ശ്രീ എ രാമകൃഷ്ണന് മാഷ് സര്വീസില് നിന്നും വിരമിച്ചു.1982 ജൂണ് 8-ന്സര്വീസില് പ്രവേശിച്ച രാമകൃഷ്ണന് മാഷ് 32 വര്ഷത്തെ സുദീര്ഘമായ സേവനത്തിന് ശേഷം മാര്ച്ച് 31-നാണ് സര്വീസില് നിന്നും വിരമിച്ചത്. ഐ ടി സ്കൂള് പ്രോജക്ട് ആരംഭിച്ച കാലം മുതല് എസ് ഐ ടി സി ആയിരുന്ന അദ്ദേഹം ഒരു പക്ഷെ SITC എന്ന സ്ഥാനത്തിരുന്നു കൊണ്ട് തന്നെ റിട്ടയര് ചെയ്യുന്ന ആദ്യ അധ്യാപകന് കൂടിയാകും. SITC ഫോറം രാമകൃഷ്ണന് മാഷിന് ആഹ്ലാദപൂര്ണ്ണമായ ഒരു റിട്ടയര്മെന്റ് ജീവിതവും ആയുരാരോഗ്യസൗഖ്യങ്ങളും നേരുന്നതോടൊപ്പം തന്നെ ഫോറത്തിന്റെ പ്രവര്ത്തനങ്ങളില് അദ്ദേഹം നല്കിയ സേവനങ്ങളെ നന്ദിപൂര്വ്വം സ്മരിക്കുകയും ചെയ്യുന്നു. അദ്ദേഹത്തിന് ഫോറത്തിന്റെ ആശംസകള്.