സെപ്റ്റംബറില്
നടന്ന ഒന്നാം വര്ഷ ഹയര്സെക്കണ്ടറി ഇംപ്രൂവ്മെന്റ് / സപ്ലിമെന്ററി
പരീക്ഷാഫലം പ്രസിദ്ധീകരിച്ചു. www.dhsekerala.gov.in,
www.keralaresults.nic.in എന്നീ വെബ്സൈറ്റുകളില് പരീക്ഷാഫലം ലഭിക്കും.
ഉത്തരക്കടലാസുകളുടെ പുനര്മൂല്യനിര്ണയത്തിനും സൂക്ഷ്മപരിശോധനക്കും
ഫോട്ടോകോപ്പി ലഭിക്കുന്നതിനും ഫീസ് സഹിതം മാര്ച്ചിലെ പരീക്ഷക്ക്
രജിസ്റ്റര് ചെയ്ത സ്കൂളിലെ പ്രിന്സിപ്പാളിന് ഡിസംബര് 16നകം നിശ്ചിത
ഫോറങ്ങളില് അപേക്ഷിക്കണം. പുനര്മൂല്യനിര്ണയം പേപ്പറൊന്നിന് 500 രൂപയും
സൂക്ഷ്മപരിശോധനയ്ക്ക് പേപ്പറൊന്നിന് 100 രൂപയും ഉത്തരക്കടലാസിന്റെ
പകര്പ്പ് പേപ്പറൊന്നിന് 300 രൂപയുമാണ് ഫീസ്. അപേക്ഷാ ഫോറങ്ങള്
സ്കൂളുകളിലും ഹയര്സെക്കണ്ടറി പോര്ട്ടലിലും ലഭിക്കും. അപേക്ഷകള്
ഹയര്സെക്കണ്ടറി ഡയറക്ടറേറ്റില് നേരിട്ട് സ്വീകരിക്കില്ല.
പ്രിന്സിപ്പാള്മാര് സ്കൂളുകളില് ലഭിക്കുന്ന പൂരിപ്പിച്ച അപേക്ഷകള്
പരീക്ഷാസെക്രട്ടറി ലഭ്യമാക്കുന്ന സോഫ്റ്റ്വെയര് ഉപയോഗിച്ച് ഡിസംബര്
20നകം അപ് ലോഡ് ചെയ്യണം.