പാലക്കാട് ജില്ലയിലെ എസ് ഐ ടി സിമാരുടെ കൂട്ടായ്മ എസ് ഐ ടി സി ഫോറത്തിന്റെ വാര്‍ഷിക പൊതുയോഗവും എസ് ഐ ടി സി സംഗമവും ഒക്ടോബര്‍ 17 ശനിയാഴ്ച നടക്കും. രാവിലെ പത്ത് മണിക്ക് പാലക്കാട് ഐ ടി സ്കൂള്‍ ഡി ആര്‍ സിയില്‍ നടക്കുന്ന ചടങ്ങില്‍ ഐ ടി സ്കൂള്‍ എക്‌സിക്യൂട്ടീവ് ഡയറക്ടര്‍ ശ്രീ കെ പി നൗഫല്‍ ഉദ്ഘാടനം നിര്‍വഹിക്കും. പാലക്കാട് ജില്ലാ വിദ്യാഭ്യാസ ഉപഡയറക്ടര്‍ ശ്രീ എ അബൂബക്കര്‍ മുഖ്യാതിഥിയായിരിക്കും. ജില്ലാ-ഉപജില്ലാ വിദ്യാഭ്യാസ ഓഫീസര്‍മാര്‍, സംഘടനാ പ്രതിനിധികള്‍, മാസ്റ്റര്‍ ട്രയിനര്‍മാര്‍ എന്നിവര്‍ പങ്കെടുക്കും. സംസ്ഥാന അധ്യാപക അവാര്‍ഡ് ജേതാക്കളായ ശ്രീ.കൃഷ്ണദാസ്.കെ.ടി (തൃത്താല എ.ഇ.ഒ), ശ്രീ ഗോവിന്ദരാജന്‍ എം.പി(HS ചളവറ) ശ്രീ ചന്ദ്രദാസന്‍.എം (VALPS പുറ്റാനിക്കാട്) ജില്ലയില്‍ ഐ ടി രംഗത്ത് മികച്ച പ്രവര്‍ത്തനം കാഴ്ച വെച്ച ശ്രീ പ്രമോദ് മൂര്‍ത്തി(TSNMHSS കുണ്ടൂര്‍ക്കുന്ന്) എന്നിവരെ ആദരിക്കും.എല്ലാ SITC/JSITCമാരും പങ്കെടുക്കണമെന്ന് SITCഫോറം അഭ്യര്‍ഥിക്കുന്നു.