സ്പാര്ക്കുമായി ബന്ധപ്പെട്ട പ്രശ്നങ്ങള് പരിഹരിക്കുന്നതിന് SPARK സംഘടിപ്പിക്കുന്ന പ്രത്യേക ക്യാമ്പുകള് എല്ലാ ജില്ലകളിലും നടക്കുന്നു. പാലക്കാട് , മലപ്പുറം ജില്ലകളുടെ ക്യാമ്പ് ഈ മാസം 3,4 തീയതികളില് പാലക്കാട് സുല്ത്താന്പേട്ടയിലെ ഐ ടി സ്കൂള് DRCയിലാണ് നടക്കുന്നത്. ജീവനക്കാരുടെ സര്വീസുമായി ബന്ധപ്പെട്ട് DDOമാര്ക്ക് തിരുത്താന് സാധിക്കാത്ത പ്രശ്നങ്ങള് പരിഹരിക്കുന്നതിനായാണ് ക്യാമ്പ്. പരിഹരിക്കേണ്ട പ്രശ്നങ്ങള് തിരുത്തുന്നതിനാവശ്യമായ രേഖകള് സഹിതം വിദ്യാഭ്യാസവകുപ്പിന് കീഴിലുള്ള വിദ്യാലയങ്ങളും ഓഫീസുകളും മൂന്നിന് രാവിലെ പത്ത് മണിക്ക് ഐ ടി സ്കൂളില് ഹാജരാകണമെന്ന് പാലക്കാട് ജില്ലാ വിദ്യാഭ്യാസ ഓഫീസര് അറിയിക്കുന്നു.
കൊല്ലം , പത്തനംതിട്ട ജില്ലകള്ക്ക് ഫെബ്രുവരി 5,6 തീയതികളില് കൊല്ലം IT@Schoolലും കോഴിക്കോട് , വയനാട് ജില്ലകള്ക്ക് ഗവ കോളേജ് ഓഫ് ടീച്ചര് എഡ്യുക്കേഷന് കോഴിക്കോട് വെച്ച് 8,9 തീയതികളിലും ആലപ്പുഴ ജില്ലക്ക് ആലപ്പുഴ കളക്ട്രേറ്റില് 9നുമായിരിക്കും ക്യാമ്പ് നടക്കുക. കണ്ണൂര് കാസര്ഗോഡ് ജില്ലകള്ക്ക് സ്പാര്ക്ക് ഹെല്പ്പ്ഡെസ്ക് കണ്ണൂരില് 9,10 തീയതികളിലാവും ക്യാമ്പ്. DDO തലത്തില് പരിഹരിക്കാനാവാത്ത പ്രശ്നങ്ങളുള്ളവരാണ് ക്യാമ്പില് പങ്കെടുക്കേണ്ടത്.