എസ്.എസ്.എല്‍.സി. മൂല്യനിര്‍ണയ ക്യാമ്പ്

SSLC VALUATION CAMP 13 വരെ ദീര്‍ഘിപ്പിച്ചു.ശനിയാഴ്ചയും തിങ്കളാഴ്ചയും ക്യാമ്പുകള്‍ പ്രവര്‍ത്തിക്കും. റിസള്‍ട്ട് 20-ന്.SSLC പരീക്ഷയുടെ ഫലപ്രഖ്യാപനം ഏപ്രില്‍ 20 ന് നടത്തും. നേരത്തെ നിശ്ചയിച്ച പ്രകാരം ഏപ്രില്‍ 10 ന് മൂല്യനിര്‍ണ്ണയം അവസാനിപ്പിച്ച് 16 ന് ഫലപ്രഖ്യാപനം നടത്താന്‍ തീരുമാനിച്ചിരുന്നുവെങ്കിലും എട്ടാം തീയതി അപ്രതീക്ഷിത ഹര്‍ത്താല്‍ വന്നതിനാല്‍ മൂല്യനിര്‍ണ്ണയം ഒരു ദിവസം കൂടി നിട്ടേണ്ടി വന്നു. ഏപ്രില്‍ 14, 15 തീയതികളില്‍ പൊതുഅവധിയായതിനാല്‍ 13 ന് മൂല്യനിര്‍ണ്ണയം പൂര്‍ത്തീകരിച്ച് തുടര്‍ന്നുളള ദിവസങ്ങളില്‍ ടാബുലേഷന്‍ ജോലികള്‍ നടത്തി 20 ന് SSLC പരീക്ഷാഫലം പ്രഖ്യാപിക്കുമെന്ന് പരീക്ഷാ സെക്രട്ടറി അറിയിച്ചു.
       ഉത്തരക്കടലാസ് മൂല്യനിര്‍ണ്ണയത്തിന് ഉത്തരവ് ലഭിച്ചിട്ട് മൂല്യനിര്‍ണയ ക്യാമ്പുകളില്‍ ഹാജരാകാതിരുന്ന അധ്യാപകര്‍ അടിയന്തിരമായി നിയമനം ലഭിച്ച സ്‌കൂളില്‍ ഹാജരാകണം. അല്ലാത്തപക്ഷം അധ്യാപകര്‍ക്കെതിരെ വകുപ്പുതല നടപടി സ്വീകരിക്കുമെന്ന് പരീക്ഷാസെക്രട്ടറി അറിയിച്ചു.