ഓണാവധിക്ക് ശേഷം സ്കൂള് തുറക്കുന്നതോടെ വിദ്യാലയങ്ങളില് കലോല്സവങ്ങള് സംഘടിപ്പിക്കുന്ന തിരക്കിലാകുമല്ലോ. ഈ പ്രവര്ത്തനങ്ങള് സ്കൂള്തലത്തില് മികച്ച രീതിയില് സംഘടിപ്പിക്കുന്നതിന് സഹായിക്കുന്ന ഒരു സോഫ്റ്റ്വെയര് ആണ് കലാമേള 2014. കോഴിക്കോട് നടുവണ്ണൂര് ഗവ ഹയര്സെക്കണ്ടറി സ്കൂളിലെ ബോട്ടണി അധ്യാപകനായ ശ്രീ രാജേഷ് കെ തയ്യാറാക്കിയ ഈ സോഫ്റ്റ്വെയര് വിന്ഡോസിലാണ് പ്രവര്ത്തിക്കുക. സ്റ്റേജിലേക്കും ജഡ്ജസിനുമുള്ള വിവിധ റിപ്പോര്ട്ടുകള് തയ്യാറാാക്കുന്നതിന് ഈ സോഫ്റ്റ്വെയര് സഹായിക്കും.റിസള്ട്ടുകളുടെ പൂര്ണ്ണമായ രൂപം തയ്യാറാക്കുന്നതിനോടൊപ്പം സര്ട്ടിഫിക്കറ്റുകളുടെ പ്രിന്റ് എടുക്കുന്നതിനും ഈ സോഫ്റ്റ്വെയര് ഉപയോഗപ്പെടുത്താവുന്നതാണ്. ചുവടെ തന്നിരിക്കുന്ന ലിങ്കലുള്ള സോഫ്റ്റ്വെയര് ഡൗണ്ലോഡ് ചെയ്ത് കമ്പ്യൂട്ടറിലെ D Drive-ലേക്ക് Extract ചെയ്യുക. WindowsXPയിലോ Windows7-ലോ പ്രവര്ത്തിക്കുന്ന ഈ സോഫ്റ്റ്വെയര് MSAccess2003/2007 -ഓ ഉണ്ടെങ്കില് മാത്രമേ പ്രവര്ത്തിപ്പിക്കാന് കഴിയൂ. ചുവടെ തന്നിരിക്കുന്ന Zipped File Extract ചെയ്യുമ്പോള് ലഭിക്കുന്ന ഫോള്ഡറില് ഇത് പ്രവര്ത്തിപ്പിക്കുന്നതിന് വേണ്ട നിര്ദ്ദേശങ്ങള് ഉള്പ്പെടുത്തിയ ഹെല്പ്പ് ഫയല് ചേര്ത്തിട്ടുണ്ട്. പ്രവര്ത്തിപ്പിക്കേണ്ട രീതി അതില് സ്ക്രീന്ഷോട്ടുകള് സഹിതം വിശദീകരിച്ചട്ടുണ്ട്. കൂടാതെ കലോല്സവവുമായി ബന്ധപ്പെട്ട് Blank Registration Form, Kalolsavam Manual എന്നിവയും ഉള്പ്പെടുത്തിയിരിക്കുന്നു. പ്രവര്ത്തപ്പിച്ച് അഭിപ്രായങ്ങള് അറിയിക്കുമല്ലോ. കൂടുതല് സംശയങ്ങള്ക്കും അഭിപ്രായങ്ങള്ക്കും ബന്ധപ്പെടേണ്ട വിലാസം
RAJESH.K ,
HSST Botany,
GHSS Naduvannur,Kozhikode,
Phone:9446490458
E mail: rajeshsaparya@gmail.com
കലാമേള 2014 ഇവിടെ നിന്നും ഡൗണ്ലോഡ് ചെയ്യാവുന്നതാണ്HSST Botany,
GHSS Naduvannur,Kozhikode,
Phone:9446490458
E mail: rajeshsaparya@gmail.com