8,9 ക്ലാസുകളിലെ ഐ ടി പ്രാക്ടിക്കല് പരീക്ഷ നടത്തുന്നതുമായി ബന്ധപ്പെട്ട
സര്ക്കുലര് അടങ്ങിയ മെയില് നമ്മുടെ സ്കൂളുകളിലെത്തിയത് മാര്ച്ച്
ആറിനാണ്. മാര്ച്ച് ഏഴിന് തന്നെ ഡി ഇ ഓ ഓഫീസില് നിന്നും പരീക്ഷ സാമഗ്രികള് ഏറ്റുവാങ്ങണനമെന്ന അറിയിപ്പ് ലഭിച്ചതിന്റെ അടിസ്ഥാനത്തില് സി ഡി വാങ്ങിയഅധ്യാപകര്ക്ക് ഇത് എങ്ങനെ നടത്തും എന്നതിനെക്കുറിച്ച് വ്യക്തമായ മറുപടി നല്കാന് സാധിക്കാത്ത അവസ്ഥയായിരുന്നു. ഏഴാം തീയതിക്കു ശേഷം കുട്ടികള് പിന്നീട് സ്കൂളിലെത്തുക 25-ന് ശേഷം മാത്രം.ഷെഡ്യൂള് തയ്യാറാക്കാന് പോലും സാവകാശം ലഭിക്കാത്തത്ര വൈകിയായിരുന്നു സര്ക്കുലര് ലഭിച്ചത്. പരീക്ഷ നടത്തണമെന്നും അതിനനുസരിച്ച് ഷെഡ്യൂള് തയ്യാറാക്കണമെന്നെങ്കിലും നേരത്തേ അറിയിച്ചിരുന്നു പോലുമില്ല. അദ്ധ്യാപകര്ക്ക് SSLC Exam Duty-യും. ഡ്യൂട്ടി ഇല്ലാത്തവര് മാനേജ്മെന്റ് ട്രയിനിങ്ങിന് നിര്ബന്ധമായും പങ്കെടുക്കണമെന്ന ഉത്തരവ് നേരത്തെതന്നെ വന്നിരുന്നു.അതിനാല് ആര്ക്കും പരീക്ഷ നടത്താനായി സ്കൂളിലെത്താനാത്ത അവസ്ഥയിലാണ് മുപ്പത്തി ഒന്നിനകം പരീക്ഷ തീര്ക്കണമെന്ന നിര്ദ്ശം വന്നത്. ഇതനുസരിച്ച് ഏങ്ങനെ പരീക്ഷ നടത്തും എന്ന ആശയക്കുഴപ്പത്തിലായിരുന്നു നമ്മളെല്ലാവരും. 25-ന് രണ്ട് നേരവും പരീക്ഷ 26-ന് രാവിലെ പരീക്ഷ. പിന്നെ ആകെ ബാക്കിയുള്ളത് 26-ന് ഉച്ചക്ക് ശേഷവും 27-ഉം. ഏതാണ്ടെല്ലാ സ്കൂളുകളിലും യാത്രയയപ്പുകളും മറ്റ് ഔദ്യോഗിക തിരക്കുകളും. ഇതിനിടെ UID മാര്ച്ചിനുള്ളില് തീര്ക്കണമെന്ന നിര്ദ്ദേശം. 28,29 തീയതികളില് പെസഹാ വ്യാഴം ദുഖവെള്ളി അധ്യാപകരില് പലര്ക്കും മതപരമായ ചടങ്ങുകളായതിനാല് പരീക്ഷ നടത്താന് സാധിക്കില്ല. തിങ്കളാഴ്ച മുതല് SSLC Valuation Duty-യും. ഏതാനും സ്കൂളുകള് സ്വന്തമായ മാര്ഗത്തില് പരീക്ഷ എങ്ങിനെയും നടത്താനുള്ള ശ്രമത്തിലാണ്. അപ്പോഴാണ് തുടരെ തുടരെ മെയിലുകള് വന്നുകൊണ്ിരിക്കുന്നത് പരീക്ഷാ സാമഗ്രികള് നാലാം തീയതിക്കകം DEO ഓഫീസുകളിലെത്തിക്കണമെന്ന്. ഈ മെയിലുകള് കണ്ട പല SITC മാരുടെയും ആശങ്കകളും അഭിപ്രായങ്ങളും പങ്ക് വെക്കുവാനുള്ള ഒരു പോസ്റ്റ് വേണമെന്ന് ആവശ്യപ്പെട്ടതിനാലാണ് ഇത് തയ്യാറാക്കിയത് .നിങ്ങളുടെ അഭിപ്രായങ്ങളും നിര്ദ്ദേശങ്ങളും അറിയിക്കുമല്ലോ?