സംസ്ഥാനത്തെ
പ്രൈമറി ക്ലാസുകളില് ഐടി അധിഷ്ഠിത വിദ്യാഭ്യാസം നടപ്പാക്കുന്നതിന്റെ
ഭാഗമായി ഐടി@സ്കൂളിന്റെ നേതൃത്വത്തില് 18,875 പ്രൈമറി
അദ്ധ്യാപകര് ഐടി പരിശീലനം പൂര്ത്തിയാക്കി. ഓണ്ലൈനായി രജിസ്റ്റര്
ചെയ്ത ബാക്കി അദ്ധ്യാപകര്ക്കുള്ള ഐടി പരിശീലനവും ഈ അദ്ധ്യയന വര്ഷം തന്നെ
പൂര്ത്തിയാക്കും. ഒന്നു മുതല് നാലുവരെ ക്ലാസുകളിലെ
വിദ്യാര്ത്ഥികള്ക്കുള്ള കളിപ്പെട്ടി എന്ന പേരിലുള്ള ഐടി പാഠപുസ്തകങ്ങളുടെ
വിതരണം ബി.ആര്.സികള് വഴി നടക്കുകയാണെന്നും 4,867 പ്രൈമറി
-അപ്പര്പ്രൈമറി സ്കൂളുകളില് ബി.എസ്.എന്.എല്ലിന്റെ ബ്രോഡ്ബാന്ഡ്
ഇന്റര്നെറ്റ് സൗകര്യം നല്കിയെന്നും ഐടി@ സ്കൂള് എക്സിക്യൂട്ടീവ്
ഡയറക്ടര് അറിയിച്ചു.