സംസ്ഥാന വിദ്യാഭ്യാസ വകുപ്പിന്റെയും ഐ ടി വകുപ്പിന്റെയും സംയുക്താഭിമുഖ്യത്തില്‍ സ്കൂളുകളില്‍ ഇലക്ട്രോണിക്‌സ്@സ്കൂള്‍ പദ്ധതി, റാസ്പ്‌ബറിപൈ ഉപകരണ വിതരണം എന്നിവ നടപ്പിലാക്കാനുദ്ദേശിക്കുന്നു.
ഹൈസ്കൂള്‍ വിദ്യാര്ഥികളില് ഇലക്ട്രോണിക്‌സ് പഠനത്തില്‍ താല്‍പര്യം ജനിപ്പിക്കുകഎന്ന ലക്ഷ്യത്തോടെ പരസ്പരം കൂട്ടിയോജിപ്പിക്കാന്‍ കഴിയുന്ന ഭാഗങ്ങളടങ്ങിയ ഇലക്ട്രോണിക്‌സ് കിറ്റുകള്‍ ഐ ടി വകുപ്പിന്റെ നേതൃത്വത്തില്‍ തയ്യാറാക്കിയിട്ടുണ്ട്. ആദ്യ ഘട്ടം എന്ന നിലയില്‍ സംസ്ഥാനത്തെ എല്ലാ സര്‍ക്കാര്‍ ഹൈസ്കൂളുകളുകള്‍ക്കും ഇത് ലഭ്യമാക്കും.ഒമ്പതാം ക്ലാസിലെ വിദ്യാര്‍ഥികളുടെ എണ്ണത്തിന് അനുസരിച്ചാണ് കിറ്റുകള്‍ ലഭ്യമാക്കുന്നത്. സര്‍ക്കാര്‍ വിദ്യാലയങ്ങളിലെ ഫിസിക്‌സ് അധ്യാപകര്‍ ഐ ടി@സ്കൂള്‍ ജില്ലാ പ്രോജക്ട് ഓഫീസുമായി ബന്ധപ്പെട്ട് ഇവ കൈപ്പറ്റണം. ആദ്യഘട്ടം എന്ന നിലയില്‍ പാലക്കാട് ഉപജില്ലയിലെ സര്‍ക്കാര്‍ ഹൈസ്കൂളുകളിലെ ഫിസിക്‌സ് അധ്യാപകര്‍ ഇവ 19-ന് വിക്ടോറിയ കോളേജ് ഓഡിറ്റോറിയത്തില്‍ നടക്കുന്ന ചടങ്ങില്‍ പ്രധാനാധ്യാപകന്റെ കത്ത് സഹിതം ഹാജരായി ഏറ്റ് വാങ്ങണം.ലഭ്യമായ ഇലക്ട്രോണിക്‌സ് കിറ്റിന്റെ വിശദാംശങ്ങള്‍ സ്റ്റോക്ക് രജിസ്റ്ററില്‍ ചേര്‍ക്കേണ്ടതാണ്
വിദ്യാര്ഥികളില് കമ്പ്യൂട്ടര്‍ പ്രോഗ്രാമിങ്ങ് അഭിരുചിയും താല്‍പര്യവും വളര്‍ത്തുന്നത് ലക്ഷ്യമിട്ട് കഴിഞ്ഞ വര്‍ഷം ആരംഭിച്ച റാസ്പ്‌ബറിപൈ ഉപകരണ വിതരണം ഈ വര്‍ഷവും തുടരുന്നു. Govt/Aided/Recognised Unaided സ്കൂളുകളിലെ രണ്ട് എട്ടാം ക്ലാസ് വിദ്യാര്‍ഥികള്‍ക്കാണ് ഈ വര്‍ഷം ഇവ വിതരണം ചെയ്യുന്നത്. പാലക്കാട് ജില്ലയില്‍ ഇവ 19-ന് രാവിലെ 9.15-ന് പാലക്കാട് വിക്ടോറിയ കോളേജ് ഓഡിറ്റോറിയത്തില്‍ നടക്കുന്ന ചടങ്ങില്‍ വിതരണം ചെയ്യുന്നു. വിദ്യാര്‍ഥികള്‍ അന്നേ ദിവസം പ്രധാനാധ്യാപകന്റെ കത്ത് സഹിതം നേരിട്ട് ഹാജരായി ഉപകരണം ഏറ്റ് വാങ്ങണം. ഓരോ വിദ്യാലയവും സ്കൂള്‍ പ്രധാനാധ്യാപകന്‍, എസ് ഐ ടി സി , എട്ടാം ക്ലാസിലെ ക്ലാസ് ടീച്ചര്‍ എന്നിവര്‍ കൂടിയാലോചിച്ച് പഠനത്തിലെ മികവും ഐ സി ടിയിലെ പങ്കാളിത്തത്തിന്റെയും അടിസ്ഥാനത്തില്‍ രണ്ട് വിദ്യാര്‍ഥികളെ കണ്ടെത്തി 17-ന് മൂന്ന് മണിക്ക് മുമ്പായി പാലക്കാട് ജില്ലയിലെ വിദ്യാലയങ്ങള്‍ വിദ്യാര്‍ഥികളുടെ വിശദാംശങ്ങള്‍ ഇവിടെ നിന്നും ലഭിക്കുന്ന ലിങ്കില്‍ ഓണ്‍ലൈനായി നല്‍കേണ്ടതാണ്.