ഐ.ടി.
@ സ്കൂള് വിക്ടേഴ്‌സില്‍ ചാനലില്‍ പബ്ലിക് എന്‍ട്രന്‍സ് എക്‌സാമിനേഷന്‍
കോച്ചിംഗ് സ്‌കീമിന്റെ (PEECS) ആദ്യ വര്‍ഷ ക്ലാസുകളുടെ സംപ്രേഷണം ആഗസ്റ്റ്
19 മുതല്‍ തുടങ്ങുന്നു. തിങ്കള്‍ മുതല്‍ വ്യാഴം വരെ ഉച്ചയ്ക്ക് 1.30 നും
വെളളിയാഴ്ച ഉച്ചയ്ക്ക് 2.30 നുമാണ് ഈ പരിപാടിയുടെ സംപ്രേഷണം. എയ്ഡഡ്, ഹയര്‍
സെക്കണ്ടറി, സര്‍ക്കാര്‍ സ്‌കൂളുകളിലേക്കായി സംസ്ഥാന സര്‍ക്കാര്‍
നടത്തുന്ന സൗജന്യ പൊതുപ്രവേശന പരീക്ഷാ പരിശീലന പദ്ധതിയാണ് പീക്‌സ്. മാത്സ്,
ഫിസിക്‌സ്, കെമിസ്ട്രി, ബോട്ടണി, സുവോളജി എന്നീ വിഷയങ്ങളില്‍ വിദഗ്ധര്‍
നയിക്കുന്ന ഒരു മണിക്കൂര്‍ ദൈര്‍ഘ്യമുളള ക്ലാസുകളാണ് ഇവ.
പൊതുവിദ്യാലയങ്ങളിലെ നിര്‍ധന വിദ്യാര്‍ത്ഥികളെ പ്രൊഫഷണല്‍ പരീക്ഷകള്‍ക്ക്
സജ്ജരാക്കുക എന്ന ലക്ഷ്യത്തോടെയാണ് പീക്‌സ് പദ്ധതിയ്ക്ക് സര്‍ക്കാര്‍ രൂപം
നല്‍കിയത്. തിങ്കള്‍ മുതല്‍ വെളളി വരെ രാത്രി ഒന്‍പത് മണിക്ക് ഇതിന്റെ
പുന:സംപ്രേക്ഷണം ഉണ്ടായിരിക്കും. ഇതോടൊപ്പം പീക്‌സിന്റെ ഈ അഞ്ചു
വിഷയങ്ങളുടെ രണ്ടാം വര്‍ഷ ക്ലാസുകളും തിങ്കള്‍ മുതല്‍ വെളളി വരെ രാവിലെ
9.30 നും വൈകുന്നേരം ആറ് മണിക്കും സംപ്രേഷണം ചെയ്യുന്നുണ്ട്.