2024 മാര്‍ച്ചില്‍ നടന്ന എസ് എസ് എല്‍ സി പരീക്ഷാ ഫലം പ്രഖ്യാപിച്ചു .99.69% ആണ് വിജയശതമാനം. 4 മണി മുതല്‍ ഫലം സൈറ്റുകളില്‍ .വിജയശതമാനം കൂടുതല്‍ കോട്ടയത്തും കുറവ് തിരുവനന്തപുരത്തും
- റീവാല്യുവേഷന് നാളെ മുതല്‍ 15 വരെ അപേക്ഷ സമര്‍പ്പിക്കാം
- സേ പരീക്ഷ ഈ മാസം 28 മുതല്‍ ജൂണ്‍ 6 വരെ. 3 വിഷയങ്ങള്‍ക്ക് വരെ സേ പരീക്ഷ എഴുതാം
- പ്ലസ് വണ്‍ പ്രവേശനത്തിന് ഈ മാസം 16 മുതല്‍ അപേക്ഷ സമര്‍പ്പിക്കാം
- ട്രയല്‍ അലോട്ട്‍മെന്റ് മെയ് 29ന്
- ആദ്യ അലോട്ട്‍മെന്റ് ജൂണ്‍ 5ന്
- പ്ലസ് വണ്‍ ക്ലാസുകള്‍ ജൂണ്‍ 24 മുതല്‍
ഒദ്യോഗിക പ്രഖ്യാപനത്തിന് ശേഷം ചുവടെ ലിങ്കുകളിലും PRD Live മൊബൈല്‍ ആപ്പില്‍ നിന്നും ഫലം അറിയാവുന്നതാണ്. ഫലങ്ങളറിയാൻ www.results.kite.kerala.gov.in എന്ന പ്രത്യേക ക്ലൗഡധിഷ്ഠിത പോർട്ടലിന് പുറമെ 'സഫലം 2024' എന്ന മൊബൈൽ ആപ്പും കേരളാ ഇൻഫ്രാസ്ട്രക്ചർ ആന്റ് ടെക്‌നോളജി ഫോർ എഡ്യൂക്കേഷൻ (കൈറ്റ്) സജ്ജമാക്കി. എസ്.എസ്.എൽ.സി-യുടെ വ്യക്തിഗത റിസൾട്ടിനു പുറമെ സ്കൂൾ - വിദ്യാഭ്യാസ ജില്ല - റവന്യൂജില്ലാ തലങ്ങളിലുള്ള റിസൾട്ട് അവലോകനം, വിഷയാധിഷ്ഠിത അവലോകനങ്ങൾ, വിവിധ റിപ്പോർട്ടുകൾ തുടങ്ങിയവ ഉൾക്കൊള്ളുന്ന പൂർണ്ണമായ വിശകലനം പോർട്ടലിലും മൊബൈൽ ആപ്പിലും'റിസൾട്ട് അനാലിസിസ്' എന്ന ലിങ്ക് വഴി ലോഗിൻ ചെയ്യാതെ തന്നെ ലഭിക്കും. ഗൂഗിൾ പ്ലേ സ്റ്റോറിൽ നിന്നും 'Saphalam 2024' എന്നു നൽകി ആപ് ഡൗൺലോഡ് ചെയ്യാം.