സ്കൂള്
പാഠപുസ്തക വിതരണ പൂര്ത്തീകരണം സംബന്ധിച്ച് വിദ്യാഭ്യാസ മന്ത്രി
പി.കെ.അബ്ദുറബ്ബ് അടിയന്തിര വിശദീകരണം തേടി.
2013-14 വര്ഷത്തേക്ക് രണ്ട് കോടി 52 ലക്ഷം പുസ്തകം ഏപ്രിലില് അച്ചടി
പൂര്ത്തിയാക്കി മെയ് മാസത്തില് വിതരണവും നടത്തി. ജൂണ് മൂന്നിന് മുമ്പേ
സ്കൂളുകളില് എത്തിക്കുകയും ചെയ്തതാണ്. പന്ത്രണ്ടായിരത്തി ഒരുന്നൂറ്റി
പതിനൊന്ന് വിദ്യാലയങ്ങളില് ഇപ്രകാരം വിതരണം പൂര്ത്തിയാക്കുകയുമുണ്ടായി.
എന്നാല് 193 വിദ്യാലയങ്ങളില് വളരെ വൈകിയാണ് ഇന്ഡന്റ് നല്കിയത്. 63
വിദ്യാലയങ്ങള് ഇന്ഡന്റ് നല്കിയതേയില്ല. ഇത്രയും സ്കൂളുകളിലാണ് ചില
ടൈറ്റിലിലുള്ള പുസ്തകങ്ങള് ലഭിക്കാന് താമസമുണ്ടായിട്ടുള്ളത്. സ്കൂള്
തുറക്കുംമുമ്പെ പുസ്തക വിതരണം പൂര്ത്തിയായിരിക്കെ സമയത്ത് ഇന്ഡന്റ്
നല്കാതെ കുട്ടികള്ക്ക് പുസ്തകമെത്തിക്കുന്നതില് കൃത്യവിലോപം കാണിച്ച
വിദ്യാലയ അധികൃതര്ക്കെതിരെ നടപടിയെടുക്കാന് പൊതുവിദ്യാഭ്യാസ ഡയറക്ടറെ
ചുമതലപ്പെടുത്തി.
ആകെയുള്ള 238 ടൈറ്റില് പുസ്തകങ്ങളില് ഏതെങ്കിലും ടൈറ്റില് ഇനിയും
ലഭിച്ചില്ലായെങ്കില് സ്കൂളും ടൈറ്റിലും തിരിച്ച് ആ വിവരം ഡി.പി.ഐയുടെ
വെബ്സൈറ്റിലേക്ക് ഉടനെ അറിയിക്കണം.
ഓരോ കുട്ടുക്കും പുസ്തകം ലഭിച്ചുവെന്ന് ബന്ധപ്പെട്ട എ.ഇ.ഒ.മാര് രണ്ടു
ദിവസത്തിനകം സ്കൂള് സന്ദര്ശനം നടത്തി ഉറപ്പുവരുത്തണം. ഡി.ഇ.ഒ.മാരും,
ഡി.ഡി.ഇ.മാരും ഇതിന് മേല്നോട്ടം വഹിച്ച് അന്തിമ റിപ്പോര്ട്ടും
വിശദീകരണവും രണ്ട് ദിവസത്തിനകം ഡി.പി.ഐക്ക് നല്കിയിരിക്കണമെന്നും മന്ത്രി
നിര്ദ്ദേശിച്ചിട്ടുണ്ട്.