എസ് ഐ ടി സി ഫോറത്തിന്റെ വാര്ഷികപൊതുയോഗം ഐ ടി സ്കൂള് എക്സിക്യൂട്ടീവ് ഡയറക്ടര് ശ്രീ കെ പി നൗഫല് ഉദ്ഘാടനം ചെയ്തു. പാലക്കാട് ഐ ടി സ്കൂള് ഡി ആര് സിയില് ചേര്ന്ന പൊതുയോഗത്തില് ശ്രീ മുഹമ്മദ് ഇഖ്ബാല് അധ്യക്ഷത വഹിച്ചു. സംസ്ഥാന സര്ക്കാരിന്റെ അധ്യാപക അവാര്ഡ് നേടിയ ശ്രീ എം പി ഗോവിന്ദരാജന് (ഹെഡ്മാസ്റ്റര്, ചളവറ ഹൈസ്കൂള്), ശ്രീ ചന്ദ്രദാസന് എം (പ്രധാനാധ്യാപകന് പുറ്റാനിക്കാട് വി എ എല് പി എസ്) എന്നിവരെയും ഐ ടി രംഗത്തെ മികവിന് ശ്രീ പ്രമോദ് മൂര്ത്തിയെയും ഉപഹാരങ്ങള് നല്കി ആദരിച്ചു. വിവിധ സംഘടനാ നേതാക്കളായ ശ്രീ വി പി ശശികുമാര്(കെ എസ് ടി എ) ശ്രീ ജയപ്രകാശ് (കെ പി എസ് ടി യു) ശ്രീ മുരളീധരന് (ജി എസ് ടി യു) ശ്രീ ഷൗക്കത്തലി(കെ എസ് ടി യു) ശ്രീ വിനോദ് കുമാര് (എന് ടി യു) ശ്രീ അഭിലാഷ് (എ കെ എസ് ടി യു) എന്നിവരും ഐ ടി സ്കൂള് ജില്ലാ കോര്ഡിനേറ്റര് പ്രിയ എന്നിവരും സംസാരിച്ചു. ഫോറത്തിന്റെ നിവേദനം ശ്രീ കബീറലി എക്സിക്യൂട്ടീവ് ഡയറക്ടര്ക്ക് നല്കി. ഫോറം സെക്രട്ടറി ശ്രീ സുജിത്ത് എസ് റിപ്പോര്ട്ട് അവതരിപ്പിച്ചു. ശ്രീ യു ശിവദാസന് സ്വാഗതവും ശ്രീ അബ്ദു സലീം നന്ദിയും പ്രകാശിപ്പിച്ചു