സമ്പൂര്‍ണ്ണയുമായി ബന്ധപ്പെട്ട് ഇക്കഴിഞ്ഞ ദിവസം ലഭിച്ച സര്‍ക്കുലറിലെ അവസാന പാരഗ്രാഫില്‍ കണ്ട ഒരു അപാകത വിദ്യാര്‍ഥികളുടെ സംസ്ഥാനം രേഖപ്പെടുത്തുമ്പോള്‍ മാഹിയില്‍ ജനിച്ച വിദ്യാര്‍ഥികളുടെ സംസ്ഥാനത്തിന് നേരെ മാഹി എന്നു രേഖപ്പെടുത്തണം എന്നായിരുന്നു. പോണ്ടിച്ചേരി എന്ന കേന്ദ്രഭരണ പ്രദേശത്തിന്റെ ഭാഗമായ മാഹി എന്ന ജില്ലയെ സംസ്ഥാനത്തിന്റെ നേരെ ഉള്‍പ്പെടുത്താന്‍ നല്‍കിയ നിര്‍ദ്ദേശം അച്ചടിയില്‍ വന്ന അപാകത മൂലമാണോ എങ്കില്‍ അത് തിരുത്തണമെന്ന് അഭ്യര്‍ഥിച്ച് ഫോറം ബന്ധപ്പെട്ട അധികാരികള്‍ക്ക് കത്ത് നല്‍കിയിരുന്നു. അതിന് ലഭ്യമായ മറുപടിയിലും ആ കോളത്തില്‍ മാഹി എന്ന് ചേര്‍ക്കാനാണ് നിര്‍ദ്ദേശിച്ചിരിക്കുന്നത്, മറുപടിയുടെ പൂര്‍ണ്ണ രൂപം ചുവടെ
"ടി സര്‍ക്കുലറില്‍ മാഹിയില്‍ ജനിച്ച, സമ്പൂര്‍ണയില്‍ ഉള്‍പ്പെട്ടിട്ടുളള
കുട്ടികളുടെ സംസ്ഥാനത്തിന്റെ സ്ഥലത്ത് മാഹി എന്നാണ് ചേര്‍ക്കേണ്ടത്. കാരണം
മാഹി ഒരു സംസ്ഥാനമായതുകൊണ്ടല്ല. പകരം മാഹിയിലെ സ്കൂളുകളില്‍ കേരള സിലബസ്
പഠിപ്പിക്കുന്ന, കേരള പരീക്ഷാഭവന്‍ പരീക്ഷ നടത്തുന്ന വിദ്യാര്‍ത്ഥികളുടെ
വിശദാംശങ്ങള്‍ ശേഖരിക്കുന്നതിനാണ്."