ഇന്ന് എസ് ഐ ടി സി ഫോറത്തിന്റെ റവന്യൂ ജില്ലാ എക്സി. കമ്മിറ്റി യോഗം ഒലവക്കോട് ചേര്‍ന്നു. പ്രസിഡന്റ് ശ്രീ മുഹമ്മദ് ഇഖ്‌ബാല്‍ അധ്യാക്ഷനായിരുന്നു. വിവരാവകാശനിയമപ്രകാരം ലഭ്യമാക്കിയ മറുപടിയില്‍ ഐ ടി അധ്യാപകരെ അവഹേളിക്കുന്ന തരത്തിലുള്ള മറുപടിയില്‍ യോഗം പ്രതിഷേധം രേഖപ്പെടുത്തി.സെക്രട്ടറി ശ്രീ സുജിത്ത്, ഭാരവാഹികളായ ശ്രീ ശിവദാസന്‍, ശ്രീ കബീറലി, ശ്രീമതി മല്ലിക, ശ്രീ ശശികുമാര്‍, ശ്രീ സുഷേണ്‍, ശ്രീ ഷൗക്കത്തലി,ശ്രീ ജയശങ്കര്‍ എന്നിവര്‍ സംസാരിച്ചു. യോഗതീരുമാനങ്ങള്‍ താഴെപ്പറയുന്നു.
- ഐ ടി പ്രാക്ടിക്കല്‍ പരീക്ഷയുടെ പ്രതിഫലമുള്‍പ്പടെയുള്ള വിഷയങ്ങളില്‍ സമാനമനസ്കരായ അധ്യാപകസംഘടനകളുടെ സഹകരണം തേടുന്നതിലും അവകാശങ്ങള്‍ നേടിയെടുക്കുന്നതിന് യോജിച്ച പ്രവര്‍ത്തനം നടത്തുന്നതിനും തീരുമാനിച്ചു
- എസ് ഐ ടി സിമാരുടെ പ്രശ്നങ്ങള്‍ ബന്ധപ്പെട്ട അധികാരികളെ നേരില്‍ കണ്ട് ബോധ്യപ്പെടുത്തുന്നതിനും നിവേദനം നല്‍കുന്നതിനും പ്രതിനിധിസംഘത്തെ അയക്കുന്നതിന് തീരുമാനിച്ചു
- ഫോറത്തിന്റെ വാര്‍ഷിക പൊതുയോഗം ജനുവരി ആദ്യവാരം ചേരുന്നതിന് തീരുമാനിച്ചു
- ഐ ടി മേളയില്‍ എ ഗ്രേഡ് നേടിയ ജില്ലയില്‍ നിന്നുള്ള വിദ്യാര്‍ഥികളെ ഉപഹാരം നല്‍കി അനുമേദിക്കുന്നതിനും തീരുമാനിച്ചു
- ഐ ടി സ്കൂളില്‍ നിലവിലുള്ള ഒഴിവുകള്‍ നികത്തുന്നതിന് ആവശ്യമായ നടപടികള്‍ സ്വീകരിക്കണമെന്ന് യോഗം ആവശ്യപ്പെട്ടു
- പരീക്ഷയുമായി സഹകരിക്കുന്നതുള്‍പ്പടെയുള്ള വിഷയങ്ങളില്‍ ഉചിതമായ തീരുമാനം ജനറല്‍ ബോഡിയില്‍ എടുക്കുന്നതിന് ധാരണയായി