രാജീവ് ഗാന്ധിയുടെ ജന്മവാര്ഷികദിനമായ ആഗസ്റ്റ് 20-ന് സദ്ഭാവനാ ദിനമായി ആചരിക്കും. മതസൗഹാര്ദ്ദത്തിനും ദേശീയോദ്ഗ്രഥനത്തിനുമായി ഇന്നു മുതല് സെപ്തംബര് മൂന്ന് വരെ മതസൗഹാര്ദ്ദപക്ഷാചരണവും സംഘടിപ്പിക്കും. സദ്ഭാവനാ ദിനമായ ഇന്ന് സംസ്ഥാനത്തെ എല്ലാ സര്ക്കാര് ഓഫീസുകളിലും ജില്ലാ കളക്ടറേറ്റുകളിലും പൊതുമേഖലാ സ്ഥാപനങ്ങളിലും ജീവനക്കാര് സദ്ഭാവനാദിന പ്രതിജ്ഞയെടുക്കും. സെക്രട്ടേറിയറ്റില് രാവിലെ 11 മണിക്ക് മുഖ്യമന്ത്രി ജീവനക്കാര്ക്ക് പ്രതിജ്ഞ ചൊല്ലിക്കൊടുക്കും.
പ്രതിജ്ഞ ചുവടെ
പ്രതിജ്ഞ ചുവടെ
സമുദായം, മതം, പ്രദേശം, ഭാഷ തുടങ്ങിയ യാതൊരുവിധ പരിഗണനയും കൂടാതെ ഭാരതത്തിലെ എല്ലാ വിഭാഗം ജനങ്ങളുടെയും ഐക്യത്തിനും സൗഹാര്ദ്ദത്തിനും വേണ്ടി അര്പ്പണബോധത്തോടെ പ്രവര്ത്തിക്കുമെന്ന് ഞാന് ദൃഢപ്രതിജ്ഞ ചെയ്യുന്നു. ഒരിക്കലും അക്രമമാര്ഗം സ്വീകരിക്കില്ലെന്നും എല്ലാത്തരം ഭിന്നതകളും ചര്ച്ചകളിലൂടെയും ഭരണഘടനാപരമായ മറ്റ് മാര്ഗങ്ങളിലൂടെയും പരിഹരിക്കുമെന്നും ഞാന് പ്രതിജ്ഞ ചെയ്യുന്നു.