അപേക്ഷകളോടൊപ്പം നിശ്ചയിക്കപ്പെട്ട ഉദ്യോഗസ്ഥന് സാക്ഷ്യപ്പെടുത്തിയ
സത്യവാങ്മൂലവും സാക്ഷ്യപ്പെടുത്തിയ രേഖകളും സമര്പ്പിക്കണമെന്ന വ്യവസ്ഥ
ഒഴിവാക്കി അന്തിമഘട്ടത്തില് മാത്രം അസല് രേഖകള് ഹാജരാക്കണമെന്ന
നിബന്ധനയോടെ സ്വയം സാക്ഷ്യപ്പെടുത്തിയ രേഖകള് സമര്പ്പിച്ചാല്
മതിയാകുമെന്ന് വ്യവസ്ഥ ചെയ്ത് ഉത്തരവായി.
അപേക്ഷകളോടൊപ്പം നിശ്ചിത ഉദ്യോഗസ്ഥന് സാക്ഷ്യപ്പെടുത്തിയ സത്യവാങ്മൂലവും
രേഖകളും സമര്പ്പിക്കണമെന്നുള്ള നിബന്ധന പൊതുജനങ്ങള്ക്ക് വളരെയധികം
ബുദ്ധിമുട്ടുണ്ടാക്കുന്നതും അധികാര ദുര്വിനിയോഗത്തിനും അഴിമതിക്കും
കാരണമാകുന്നതിനാലും ഏതെങ്കിലും നിയമത്തില് രേഖകളും സത്യവാങ്മൂലവും
നിശ്ചയിക്കപ്പെട്ട ഉദ്യോഗസ്ഥന് സാക്ഷ്യപ്പെടുത്തണമെന്ന് പ്രത്യേകം
നിഷ്കര്ഷിച്ചിട്ടുള്ളവ ഒഴികെ ബാക്കി രേഖകളെല്ലാം സ്വയം
സാക്ഷ്യപ്പെടുത്തിയാല് മതിയെന്നുള്ള നിര്ദ്ദേശം
ജനോപകാരപ്രദവുമാകുമെന്നതിന്റെ അടിസ്ഥാനത്തിലാണ് ഉത്തരവ്
പുറപ്പെടുവിച്ചിട്ടുള്ളത്. ഇതു സംബന്ധിച്ച് ഭരണ പരിഷ്കാര കമ്മീഷന്റെ
ശുപാര്ശ നടപ്പിലാക്കാന് വേണ്ട നടപടി സ്വീകരിക്കണമെന്ന് ഭാരതസര്ക്കാര്
ആവശ്യപ്പെട്ടിരുന്നു.
ഇങ്ങനെ സ്വയം സാക്ഷ്യപ്പെടുത്തി സമര്പ്പിക്കുന്ന സര്ട്ടിഫിക്കറ്റുകള്
വ്യാജമാണെന്ന് പിന്നീട് തെളിയുന്ന പക്ഷം അപേക്ഷകനെ ഡീബാറു
ചെയ്യുന്നതടക്കമുള്ള ശിക്ഷാനടപടികള് സ്വീകരിക്കുന്നതാണെന്നും ഉത്തരവില്
വ്യക്തമാക്കിയിട്ടുണ്ട്.
|